Աշխարհ

26.06.2017 13:25


Շուլցը կոչ է արել Էրդողանին ազատ արձակել բանտարկված լրագրողներին

Շուլցը կոչ է արել Էրդողանին ազատ արձակել բանտարկված լրագրողներին

Գերմանիայի «Սոցիալ դեմոկրատական կուսակցության» (SPD) կողմից առաջադրված կանցլերի թեկնածու Մարտին Շուլցը Թուրքիայի նախագահին կոչ է արել ազատ արձակել բանտարկված լրագրողներին:

Ըստ գերմանական «Deutsche Welle» լրատվամիջոցի թուրքական ծառայության՝ նա այդ մասին խոսել է Գերմանիայի Դորտմունդ քաղաքում տեղի ունեցած կուսակցական ժողովի ժամանակ:

Շուլցը շեշտել է, որ եթե նախկինում Թուրքիան ընթանում էր ժողովրդավարության ճանապարհով, ապա այժմ այդ հարցում հետքայլ է անում: Հիշեցրել է, որ բազմաթիվ ընդդիմադիր լրագրողներ Թուրքիայում գտնվում են անազատության մեջ:

«Եթե հնարավոր է, իսկույն հիմա ազատ արձակեք բանտարկված լրագրողներին: Ի դեպ, այն ազատությունը, որը Էրդողանը իր երկրում հրաժարվում է տալ քաղաքացիներին, այստեղ է պահանջում»,- նկատել է տվել Շուլցը:

Աղբյուրը` Ermenihaber.am

Այս խորագրի վերջին նյութերը