Հուլիսի 26-27-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Արմավիրի մարզի Էջմիածին քաղաքի Արտիմեդ-Գրիբայեդով ավտոճանապարհին՝ մոտ 1 հա խոտածակույթ, Սյունիքի մարզի Լիճք գյուղում՝ մոտ 1.5 հա, Ագարակ-Բյուրական ավտոճանապարհին 1-ին կմ-ին՝ մոտ 2000 քմ, Եղվարդ-Նոր-Գեղի ավտոճանապարհի սկզբնամասում՝ մոտ 2000 քմ, Կոտայքի մարզի Աբովյան քաղաքի Արզնի թիվ 4 առողջարանի դիմաց՝ 2000 քմ, Գեղարքունիքի մարզի Սոթք գյուղի 1-ին փողոցի 1-ին նրբանցքի թիվ 14 տան բակում՝ 450 հակ անասնակեր, Արարատի մարզի Վեդի քաղաքում՝ մոտ 1800 քմ, Եղվարդ-Նոր-Գեղի տանող ավտոճանապարհին՝ մոտ 7000 քմ խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: