Տնտեսական

27.07.2017 14:01


Սոցփաթեթով բուժօգնություն ստացողները սեպտեմբերից կդիմեն ոչ թե պոլիկլինիկա, այլ ապահովագրական ընկերություն

Սոցփաթեթով բուժօգնություն ստացողները սեպտեմբերից կդիմեն ոչ թե պոլիկլինիկա, այլ ապահովագրական ընկերություն

Կառավարության այսօրվա նիստում ՀՀ առողջապահության նախարար Լևոն Ալթունյանը որոշման նախագիծ է ներկյացրել, որով սոցփաթեթով բժշկական օգնություն ստանալու կարգը ազատականացվում էպետական ծառայողները սեպտեմբերից դիմելու են ոչ թե պոլիկլինիկաներ, այլ ապահովագրական ընկերություն։

Փորձնական այս ծրագիրն իրականացվելու է վեց ամիս։

-Ֆինանսական տարվա սկզբին հիվանդանոցներին բաշխվում է լիմիտավորված գումար, որի սահմաններում նրանք ծառայություններ են մատուցում բուժօգնության դիմած քաղաքացիներին: Գործող այդ բանաձևի ամեմամեծ բացասական կողմն այն է, որ եթե հիվանդանոցը լավ է սպասարկում և հաճախորդների շրջանում պահանջարկ ունի, նրա գումարները ավարտվում են օրացուցային տարվա ավարտից շատ ավելի շուտ և հերթեր են կուտակվում։ Իսկ այն հիվանդանոցները, որոնք առանձնապես պահանջարկ չունեն մեր բնակչության շրջանում, այդ գումարը ունենում են մինչև տարվա վերջ, և դա ավելանում է: Այսուհետև, սոցիալական փաթեթով աշխատակիցների համար նախատեսված գումարը չի բաշխվելու տարվա սկզբին, այլ ապահովագրական ընկերությունների ներքո ստեղծվելու են ռեզերվային ֆոնդեր և հաճախորդը դիմելիս որևէ հիվանդանոց՝ պետք է միայն զանգահարի ապահովագարական ընկերություն և տեղյակ պահի, որ ինքը որոշել է բուժվել այս կամ այն բուժհաստատությունում։ Դրանից հետո ապահովագրական ընկերություն-բուժհաստատություններ հարաբերություններն են ուժի մեջ մտնում, որոնք կանոնակարգվում են այսօրվա ընդունված որոշումով,-մանրամասնել է նախարարը:

7or.am

Այս խորագրի վերջին նյութերը