Սեպտեմբերի 21-22-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Երևան քաղաքի Ծարավ Աղբյուրի փողոցի թիվ 55/17 շենքի մոտակայքում այրվել է մոտ 100 քմ խոտածածկ տարածք, Մարգարյան փողոցի 1-ին նրբանցքի թիվ 2 շենքի մոտակայքում՝ մոտ 300 քմ, Աշտարակ-Ագարակ ավտոճանապարհի 8-րդ կմ-ի մոտակայքում՝ մոտ 2000 քմ, Կոտայքի մարզի Հրազդան քաղաքի կենտրոնական գերեզմանատանը՝ մոտ 5000 քմ, Աբովյան քաղաքի թիվ 10 դպրոցի մոտակայքում՝ մոտ 1000 քմ, 8-րդ միկրոշրջանի վերջնամասում՝ մոտ 1700 քմ և մոտ 10 դեկորատիվ ծառ, Պետական քոլեջի մոտակայքում՝ մոտ 1000 քմ, 5 ծառ՝ մասամբ, ջերմահարվել՝ մոտ 20 պտղատու ծառ, Էլարի հուշարձանի մոտակայքում՝ մոտ 200 քմ, Ակունք գյուղի 1-ին փողոցում՝ մոտ 1 հա բուսածածկ տարածք, Մայակովսկի գյուղի վերջնամասում՝ մոտ 2000 քմ, Քաղսի գյուղի մոտ՝ 1000 քմ, Առինջ գյուղի Աբովյան թաղամասի 2-րդ փողոցի վերջնամասում՝ մոտ 400 քմ, Չարենցավան քաղաքի դատարանի շենքի մոտակայքում՝ մոտ 600 քմ, զբոսայգում գտնվող Եղիշե Չարենցի արձանի մոտակայքում՝ մոտ 100 քմ, 4-րդ թաղամասի թիվ 4 դպրոցի մարզադաշտում՝ մոտ 500 քմ, Պտղնի գյուղի 2-րդ փողոցի 1-ին նրբանցքի տներից մեկի մոտակայքում՝ 4 ծառ և մոտ 500 քմ խոտածածկ տարածք, Լոռու մարզի Ստեփանավան քաղաքի Աջափնյակ փողոցի մոտակայքում՝ մոտ 2500 քմ, Գարգառ և Գյուլագարակ գյուղերի մոտակայքում՝ մոտ 7 հա խոտածածկ տարածք և մոտ 1 հա անտառածածկ, Քարաձոր գյուղի մոտակայքում՝ մոտ 10 հա, Վանաձոր քաղաքի Համբարձումյան փողոցի թիվ 3 շենքի մոտակայքում՝ մոտ 300 քմ, Ջրաշեն գյուղի մոտակայքում՝ մոտ 15 հա, Տավուշի մարզի Հաղթանակ գյուղի «Ուչաստկա» կոչվող հանդամասում՝ մոտ 1 հա, «Ցից քար» կոչվող հանդամասում՝ մոտ 3 հա, Զորական համայնքում՝ մոտ 1,5 հա, Այգեպար գյուղի գերեզմանատան մոտակայքում՝ մոտ 1 հա, Սյունիքի մարզի Վերին Շեն գյուղի «Բռունի» կոչվող սարալանջին՝ մոտ 30 հա, Գորիս քաղաքի «Արևշատ» մանկապարտեզի մոտակայքում՝ մոտ 15 հա, Մեղրի քաղաքի Կայարան թաղամասի մոտակայքում՝ մոտ 130 քմ, Շինուհայր գյուղի մոտակայքում՝ մոտ 2 հա, Շիրակի մարզի Գյումրի քաղաքի Շիրակացի փողոցում՝ մոտ 500 քմ, Արթիկ քաղաքի մոտակա դաշտերում՝ մոտ 30 հա, Լմբատ թաղամասի տներից մեկի մոտակայքում՝ մոտ 1,5 հա, Քարաբերդ գյուղի մոտակա դաշտում՝ մոտ 6 հա, Հոռոմ գյուղի մոտակայքում՝ մոտ 10 հա ցորենի հնձած արտ և մոտ 5 հա խոտածածկ տարածք, Գեղարքունիքի մարզի Սևան քաղաքի Ցամաքաբերդ թաղամասի մոտակա սարերում՝ մոտ 2 հա բուսածածկ տարածք, Գավառ քաղաքի Սահադյան փողոցի տներից մեկի բակում՝ մոտ 600 քմ բուսածածկ տարածք:

Բոլոր հրդեհները հրշեջ-փրկարարները մեկուսացրել են և մարել: