Աշխարհ

Հոկտեմբեր 12, 2017 17:55

Ամո՞թ է արդյոք Ախալքալաքում մատուցող լինելը (տեսանյութ)

Ամո՞թ է արդյոք Ախալքալաքում մատուցող լինելը (տեսանյութ)

Ախալքալաքում ամեն կին չի համաձայնի աշխատել որպես մատուցողուհի, նույնիսկ, եթե գումարի կարիք ունի: Ախալքալաքում շատերը գիտակցում են, որ ստեղծված տեսակետը այն մասին, որ մատուցողուհին թեթև վարքի տեր աղջիկ է, պարզապես անիմաստ կարծրատիպ է: Սակայն շատերը շարունակում են առաջնորդվել այս կարծրատիպով:

Ախալքալաքի սպասարկման ոլորտը դժվար և տաբուացված թեմա է: Գտնել լավ սպասարկող աշխատակազմ` ռեստորանների, հյուրանոցների և սրճարանների համար, գրեթե ամենադժվարն է:

«Սրճարանի բացման հետ (1 տարի) մենք փոխել ենք մատուցողներին` 4 անգամ: Աշխատավարձը բավականին բարձր է: Բայց գտնել փորձառու սպասարկող աշխատակազմ այստեղ գրեթե անհնար է: Եթե տղաներն անեն դա, ես կարծում եմ, որ լավ կլինի: Մեր հաստատությունը միշտ կանգնած է խնդրի առջև, մատուցողները կամ աշխատում են` շատ վատ, կամ չեն համաձայնում պայմաններին ու հեռանում են: Մեր սրճարանը գալիս են և կանայք երեխաների հետ, և տղամարդիկ: Հաճախ մեզ մոտ գալիս են զբոսաշրջիկներ, քանի որ սրճարանը քաղաքի կենտրոնում է: Սա մեր ընտանեկան բիզնեսն է, հետևաբար պայմանները նույնպես տարբերվում են: Հարբած մարդկանց չեք հանդիպի, մենք այդ ամենին հետևում ենք», – ասում է «Գրանդ Մուր» սրճարանի սեփականատեր Հովհաննես Մուրադյանը:

Ժամը 18:00-ից հետո Ախալքալաքի փողոցները դատարկ են: Հիմնական մարդաշատ վայրերն են խաղատները, ռեստորանները, որտեղ կանանց մուտքը չգրանցված բարոյական օրենքներով արգելված է: Այցելուները տղամարդիկ են, խմում են, ծխում, բարձրաձայն խոսում, անձնակազմի ներկայությամբ ոչ պատշաճ արտահայտվում և դա սովորական վարք է Ախալքալաքում նման տեսակի հաստատությունների համար:

Ախալքալաքի բնակչության մեծ մասը համարում է, որ սրճարաններն ու ռեստորանները «պարկեշտ» կանանց համար չեն, շատերը չեն ցանկանում մեկնաբանել իրենց վերաբերմունքը այս թեմայով: Ամոթ է այնտեղ գնալը, հատկապես այնտեղ աշխատելը:

«Ընտանիքի», «պարկեշտ» կանանց համար կան հատուկ սրճարաններ, որտեղ հիմնականում տղամարդիկ չեն գնում:

Էմման երկար տարիների փորձ ունեցող մատուցող է, ով շատ աշխատատեղեր է փոխել: Նա կարծում է, որ մատուցողի աշխատանքը շատ անշնորհակալ գործ է:

«Մեզ մոտ մարդիկ մի քիչ կոպիտ են: Մտածում են, քանի որ աշխատում ես որպես մատուցողուհի, կարող են ասել հասցեիդ ինչ որ վատ բաներ: Հիմնականում վատ վերաբերմունք է ցուցաբերվում այն մատուցողուհիներին, ովքեր եկել են այլ վայրերից: Իմ հանդեպ նման վերաբերմունք չկա, քանի որ ինձ քաղաքում բոլորն էլ ճանաչում են: Բայց և այնպես մեզ մոտ մատուցողուհիներ աշխատում են եկվորները: Թեև կին մատուցողուհիները կարող են առիթ չտալ, բայց կան ամբարտավան, անշնորհք մարդիկ: Իսկ մեծ քաղաքներում, ով իրավունք ունի վիրավորելու մեկ ուրիշին, միանգամից դուրս կանեն», – ասում է փորձառու մատուցողուհի Էմմա Պետրոսյանը:

Չնայած այն հանգամանքին, որ մի քանի տասնամյակ առաջ Ախալքալաքի ռեստորաններում սպասարկման գործում զուտ տղամարդիկ էին, այսօր մատուցողներ այստեղ հազվադեպ են հանդիպում, և բացի այդ ոչ թե որպես ռեստորանի մշտական աշխատակիցներ, այլ ինչպես սպասարկող աշխատակազմ մեծ միջոցառումների ժամանակ (հարսանիքներ, հոգեհաց…)

Անդրանիկ Ռապյանը մեծ սիրով է կատարում իր աշխատանքը: Նրան կարելի է տեսնել մեծ բանկետներին, քանի որ շատերը ցանկանում են, որ միջոցառումը սպասարկի հենց նա, կոկիկ սպիտակ վերնաշապիկով, թիթեռնիկ-փողկապով տղան:

«Ես միշտ աշխատում եմ որպես մատուցող: Ամռանը Բաթումիում, իսկ ձմռանը, հարսանիքների սեզոնին` Ախալքալաքում: Բաթումիում եկամուտները քիչ են, քան այստեղ սեզոնին, բայց ամռանը Ախալքալաքում բավականաչափ աշխատանք չկա, այդ պատճառով գումար վաստակելու համար գնում եմ Բաթումի», – ասում է Անդրանիկ Ռապյանը:

Նույնիսկ եթե ինչ-որ կերպ հարազատները համաձայնեն, որ կինն աշխատի որպես մատուցողուհի, ապա նրանք ամեն կերպ փորձում են, որ հնարավորինս քիչ մարդ իմանա այդ մասին: Նվարդ Հովհաննիսյանը «Չայխանա» պորտալի հայկական տպագրության լրագրող է: «Վրաստանի ներբերված մատուցողուհիները» վերնագրով իր նյութի վրա աշխատելու ժամանակ, երբ նա փորձել է ծանոթանալ տարօրինակ և Ջավախքին հատուկ խնդրին, տեսել է թե ինչպես է մատուցողուհին նրա հետ հարցազրույցի պատճառով բռնության ենթարկվել տղամարդու կողմից:

«Ամենադժվար մասը մարդկանցից հարցազրույց վերցնելն էր, հիմնականում չեն խոսում: Հրաժարվում էին, իսկ նրանք, ովքեր համաձայնում էին զուգընկերոջ կողմից կարող էին ենթարկվել բռնության, որ հրաժարվեն հարցազրույցից: Լրագրողների հանդեպ վստահություն չկար: Երբ տեսնում են տեսախցիկը անմիջապես փոխվում են, զգուշանում», – ասում է Նվարդը:

Սպասուհու աշխատանքի մասին կարծրատիպը զարգացել է ոչ հիմա, և ոչ միանգամից: Այս մասնագիտության հանդեպ այսպիսի վերաբերմունքի արմատները բխում են անցյալ դարի 80-ական թվականներից, այդ ժամանակ Ախալքալաքում կար “Ջավախեթի” ռեստորանը, որտեղ աշխատում էին միայն տղամարդ մատուցողներ: Հետո հայտնի էր “Վոլնա” ռեստորանը, որը գտնվում էր Խոսպիո գյուղի ջրամբարի մոտ և «Ռազգուլյայ» ռեստորանը ռազմական բազայում: Այն ժամանակ ռեստորանում որպես անսովոր երևույթ ի հայտ եկան կին մատուցողները, այն հաշվարկով որ ռեստորան այցելում էին սպաներ կանանց հետ կամ տղամարդիկ սիրուհիների հետ:

Աղբյուրը՝ jnews.ge

Print Friendly and PDF

Այս խորագրի վերջին նյութերը

Վրաստանում առաջին անգամ կանցկացվի աջիկայի փառատոն

Վրաստանում առաջին անգամ կանցկացվի աջիկայի փառատոն

Հունիս 23, 2018 17:00 Աջիկա բառն ունի աբխազական ծագում և նշանակում է աղ։
Վաշինգտոնում կտոնեն հայկական Վարդավառը (տեսանյութ)

Վաշինգտոնում կտոնեն հայկական Վարդավառը (տեսանյութ)

Հունիս 23, 2018 10:10 «Սա բարեկամության խորհրդանիշ է»:
Արցախի խորհրդարանի երկու պատգամավոր հրաժարական է ներկայացրել

Արցախի խորհրդարանի երկու պատգամավոր հրաժարական է ներկայացրել

Հունիս 22, 2018 20:38 Աշոտ Ղուլյանը հանդես է եկել հայտարարությամբ։
Թուրքիան ստացավ առաջին F-35 կործանիչների 1-ին խմբաքանակը

Թուրքիան ստացավ առաջին F-35 կործանիչների 1-ին խմբաքանակը

Հունիս 22, 2018 16:54 Տեղակայվելու են Մալաթիա նահանգի Աքչադաղ շրջանի 7-րդ ավիաբազայում:
Սև ծովի Սուխումիի ափում երկու ուսանող է խեղդվել

Սև ծովի Սուխումիի ափում երկու ուսանող է խեղդվել

Հունիս 22, 2018 15:59 «Տղաների դիակները գտնվել են այն հատվածում, որտեղ Կելասյան գետը միանում է Սև ծովին»։
ՌԴ-ն, ԱՄՆ-ը և Ֆրանսիան շարունակում են աշխատել ԼՂ հակամարտության քաղաքական կարգավորման ուղղությամբ. Լավրով

ՌԴ-ն, ԱՄՆ-ը և Ֆրանսիան շարունակում են աշխատել ԼՂ հակամարտության քաղաքական կարգավորման ուղղությամբ. Լավրով

Հունիս 22, 2018 09:21 «Անհրաժեշտ է հակամարտության բոլոր կողմերի կոնսեսուսը»։
Մունդիալ-2018. Խորվաթները ծնկի բերեցին արգենտինացիներին (տեսանյութ)

Մունդիալ-2018. Խորվաթները ծնկի բերեցին արգենտինացիներին (տեսանյութ)

Հունիս 22, 2018 07:00 Արգենտինայի հավաքականը պարտություն կրեց 0:3 հաշվով:
Վաշինգտոնի ազգային պուրակում հայկական լավաշ կպատրաստեն (տեսանյութ)

Վաշինգտոնի ազգային պուրակում հայկական լավաշ կպատրաստեն (տեսանյութ)

Հունիս 21, 2018 16:52 Բացվելու է Հայաստանին և Կատալոնիային նվիրված խոշոր փառատոն:
Այսօր Յոգայի միջազգային օրն է

Այսօր Յոգայի միջազգային օրն է

Հունիս 21, 2018 08:30 Հունիսի 21-ն ամառային արևադարձի` տարվա ամենաերկար օրն է:
Ռուսաստանը Հայաստանին է արտահանձնել հետախուզման մեջ գտնվող Կուբայի քաղաքացուն

Ռուսաստանը Հայաստանին է արտահանձնել հետախուզման մեջ գտնվող Կուբայի քաղաքացուն

Հունիս 20, 2018 12:36 Մեղադրվում է խարդախության միջոցով մեծ գումարներ հափշտակելու մեջ։
Հունիսի 20-ը Փախստականների համաշխարհային օրն է

Հունիսի 20-ը Փախստականների համաշխարհային օրն է

Հունիս 20, 2018 11:02 Աշխարհում մոտ 20 մլն փախստական կա և մոտ 40 մլն ներքին տեղահանված։
Հայտնի է, թե ով է Ռուսաստան-Եգիպտոս խաղի լավագույն ֆուտբոլիստը

Հայտնի է, թե ով է Ռուսաստան-Եգիպտոս խաղի լավագույն ֆուտբոլիստը

Հունիս 20, 2018 09:27 Երկրորդ անգամ է արժանանում հանդիպման լավագույն ֆուտբոլիստի կոչմանը: