Հրապարակվել են «Էխո Մոսկվի» ռադիոկայանի գլխավոր խմբագրի տեղակալ Տատյանա Ֆելգենգաուերին դանակահարած տղամարդու ձերբակալման կադրերը։ Մոսկվայի քննչական կոմիտեից հայտնել են, որ նրա դեմ քրեական գործ է հարուցվել:

Այսօր 48-ամյա տղամարդը ներխուժել է ռադիոկայան, հարձակվել անվտանգության աշխատակցի վրա, ապա՝ սենյակներից մեկում դանակով հարվածել Տատյանայի կոկորդին:

Ֆելգենգաուերին վիրահատել են․ նրա կյանքին վտանգ չի սպառնում:

Պարզվել է, որ հարձակում գործած Բորիս Գրիցը ծնվել է Վրաստանում, Իսրայելի և Ռուսաստանի քաղաքացի է, ունի հոգեկան լուրջ խնդիրներ։ Նա հայտարարել է, թե դեռևս 2012 թվականից «հեռազգայական կապի» մեջ է եղել Ֆելգենգաուերի հետ, և որ վերջինն իրեն հետապնդում էր որպես տղամարդու։

7or.am