ՀՀ Ազգային ժողովը հոկտեմբերի 27-ին շարունակել է հերթական նիստերի աշխատանքը և քվեարկությամբ ընդունել նախորդ օրը քննարկված բոլոր օրինագծերը:

Խորհրդարանն առաջին ընթերցմամբ ընդունել է նաև ՀՀ պաշտպանության նախարարության ներկայացրած «Զինվորական ծառայության և զինծառայողի կարգավիճակի մասին» օրենքի նախագիծը․ կողմ է քվեարկել 89, դեմ՝ 9 պատգամավոր։

Պատգամավորների անհատական քվեարկություններին կարող եք ծանոթանալ այստեղ։

«Զինվորական ծառայության և զինծառայողի կարգավիճակի մասին» օրինագծի մեջ այժմ միավորվում են ներկայում գործող «Զինվորական ծառայություն անցնելու մասին», «Զինապարտության մասին» և «Զինծառայողների և նրանց ընտանիքների անդամների սոցիալական ապահովության մասին» օրենքները:

Ավելի վաղ՝ օգոստոսի 31-ի նիստում, ՀՀ կառավարությունն էր հավանության տվել օրենքի այդ նախագծին։