«Մանչեսթեր Յունայթեդի» գլխավոր մարզիչ Ժոզե Մոուրինյոն բացատրել է, թե ինչու Հայաստանի հավաքականի ավագ Հենրիխ Մխիթարյանը չէր հայտավորվել «Նյուքասլի» հետ խաղի համար։

«Կարմիր սատանաների» գլխավոր մարզիչը անգլիական Պրեմյեր լիգայի 12-րդ տուրի այդ խաղի մեկնարկից առաջ BT Sport-ի հետ զրույցում հայտնել է, որ նման որոշում է կայացրել մարտավարական պատճառներով:

Նշենք, որ «Մանչեսթեր Յունայթեդը» կամային հաղթանակ է տարել` 4:1 հաշվով: 14-րդ րոպեին խաղի հաշիվը բացել է «Նյուքասլի» հարձակվող Դուայթ Գեյլը: 37-րդ րոպեին հաշիվը հավասարեցրել է Անտոնի Մարսիալը: Առաջին խաղակեսի վերջնամասում գոլ է խփել Քրիս Սմոլինգը: Երկրորդ խաղակեսի 54-րդ րոպեին գոլի հեղինակ է դարձել Պոլ Պոգբան, իսկ 70-րդ րոպեին խաղի վերջնական հաշիվը ձևակերպել է Ռոմելու Լուկակուն:

Հավելենք, որ 77-րդ րոպեին փոխարինման է մտել լուրջ վնասվածքից ապաքինված Զլատան Իբրահիմովիչը:

7or.am