Լրահոս

Դեկտեմբեր 30, 2017 15:46

Պաշտպանության նախկին նախարար Սեյրան Օհանյանի ամանորյա ուղերձը (տեսանյութ)

Պաշտպանության նախկին նախարար Սեյրան Օհանյանի ամանորյա ուղերձը (տեսանյութ)

Հարգելի՛ հայրենակիցներ, եղբայրներ, քույրեր

Ավարտին է մոտենում 2017 թ.-ը։

Տարեվերջյան ամփոփումներն ու հաշվետվությունները անհրաժեշտություն են պաշտոնյայի, ղեկավարի, քաղաքական, հասարակական գործիչների համար։ Այն հնարավորություն է տալիս անդրադարձ կատարելու տարվա կարևոր իրադարձություններին, ձեռքբերումներին և բացթողումներին, ինչպես նաև նշելու ապագա նպատակները:

Տարվա ամենակարևոր իրադարձությունը թերևս ապրիլյան խորհրդարանական ընտրություններն էին, և որպես կանոն, համապետական, ինչպես նաև մեր միջազգային հեղինակության, վարկի բարձրացման համար նշանակություն ունեցող այսպիսի միջոցառումը պետք է մեր ժողովրդի կյանքում կտրուկ առաջընթացի պայմաններ ապահովեր։

Սակայն արդյո՞ք արդարացան ժողովրդի սպասումները։ Արդարության և ժողովրդավարության նոր ցուցանիշներ ապահովեցի՞նք։ Ձևավորվե՞ց արդյոք փոխըմբռնման և համերաշխության մթնոլորտ։ Ավելի հավատով լցվեցի՞նք արդարության տառը պաշտպանող համակարգի հանդեպ։ Կգտնե՞նք համազգային սպառնալիք հանդիսացող դեմոգրաֆիկ խնդիրների լուծման ճանապարհները։ Գտնվեցի՞ն արդյոք երկիրը տնտեսական, քաղաքական ճգնաժամից դուրս բերելու ուղիները: Կգտնե՞նք ներուժ՝ խուսանավելու տարածաշրջանային բարդ ռազմաքաղաքական իրավիճակում, կամրապնդե՞նք մեր անվտանգության համակարգը։

Այսօր այս կարևորագույն հարցերի շուրջ զօր ու գիշեր աշխատելու, ուսումնասիրություններ, վերլուծություններ կատարելու և իրականությանը համապատասխանող լրատվություն ապահովելու, միմյանց հետ քաղաքակիրթ երկխոսելու փոխարեն տեղեկատվական դաշտը ողողված է պրիմիտիվ բանսարկություններով, կենցաղային մակարդակի բամբասանքով, քաղաքացու համարձակությունը ջարդող, վախ սերմանող փորձերով, պետության համար վտանգավոր սադրանքներով՝ ուղղված արտաքին և ներքին քաղաքական դաշտերին:

Մերժում և դատապարտում եմ ինքնանպատակ բանսարկություններով արհեստական շիկացած մթնոլորտ ստեղծելու յուրաքանչյուր էժանագին հնարանք և փորձ:

Հայոց նորանկախ Հանրապետությունների 25-ամյա պատմության ամենակարևոր ձեռքբերումը եղել և մնում է Հայոց բանակը: Անչափ կարևորում եմ նրա շարունակական կատարելագործումը, մարդակենտրոն բանակի ձևավորմամբ համալրման ռազմավարությունը, մարտական կարողությունների և առաջնագծի մշտական ամրապնդումը, որոնք այսօր արդյունք են բանակի ստեղծման օրվանից ձևավորված լավագույն ավանդույթների և երկար տարիների ռազմավարական պլանավորման շրջանակներում իրականացված բարեփոխումների և համակարգային, շարունակական աշխատանքի:

Այսօր մեզնից յուրաքանչյուրը պատասխանատվությամբ պետք է վերաբերվի տասնյակ տարիների մեր ձեռքբերումներին և պատրա'ստ լինի արյան, կյանքի գնով պաշտպանելու և ավելացնելու մեր նվաճումները։
Հավերժ խոնարհվելով... և սրբադասելով հանուն Հայրենիքի ընկած քաջարի մարտիկներին, մեր ժողովրդի հետ միասին անցնելով պատերազմի, տառապանքի ու ցավի միջով՝ես ամեն անգամ սահմանին զոհված զինվորի սառը ճակատը համբուրելիս հուղարկավորել եմ ինքս ինձ և հոգով մոխրացել որդեկորույս ծնողի հետ... Հետո բոլորս մխիթարվել ենք այն մտքով, որ մենք չե'նք կորցրել նրանց, այլ գտել ենք մեր նորօրյա հերոսներին... Նրանք չե'ն հեռացել մեզանից, նրանք՝որպես հավերժ պաշտպան, ամփոփվել են մայր հողի տաք գրկում...

Ցավին փոխարինել են երջանկության արցունքները, երբ որդեկորույս հայ մայրը, փյունիկի պես հառնելով տառապանքից, ցավից, նորից զավակ է լույս աշխարհ բերել՝ նոր պահապան մեր սահմաններին: Ես վստահ եմ՝ նրանք իրենց սխրանքներով գերազանցելու են իրենց հայրերին, եղբայրներին։

Հետևելով երկրում ընթացող մի շարք աղմկահարույց դատավարությունների՝ ցավ ու դառնություն եմ ապրում՝տեսնելով անզորությունից բռունցքները թափահարող մեր մարտական ընկերներին։ Նրանցից շատերը մեծ ավանդ ունեն Արցախի ազատագրական պայքարում։ Եվ այն, ինչ կատարվում է, մեր բոլորի ողբերգությունն է. մենք բոլորս մտածելու, պատճառները հասկանալու և լուծումներ գտնելու պատասխանատվություն ունենք, այլապես հասարակությունը վերջնականապես կբաժանվի «դատավորների» և «զոհերի»։

Ձևավորված նոր կառավարության գործունեության ընթացքում իրականցվող կառուցվածքային և կադրային փոփոխությունները, նոր գործելաոճը, տնտեսական կյանքի որոշակի ակտիվությունը, դեռևս հեռու են հուսադրող լինելուց և բախվելով համակարգի՝ տարիներով կարծրացած և նրանց հետ համակերպված տարբեր սպառնալիքների հետ՝ արագ ցանկալի արդյունք չեն տալու։

Ինչի՞ կհասնի Հայաստանի Հանրապետությունն այս իրավիճակում:

Տարածաշրջանում իրավիճակ է փոխվել: Գնալով սրվում է աշխարհի ուժային կենտրոնների միջև պայքարը, և Հարավային Կովկասի շուրջն առաջացած բացասական վեկտորներն ուղղվելու են ՀՀ անվտանգության և Արցախի հիմնախնդրի վրա։

Կարծում եմ՝ բոլոր քաղաքական ուժերը՝ խորհրդարանական թե արտախորհրդարանական, քաջ գիտակցում են, որ տնտեսական, քաղաքական այս բարդ իրավիճակում, ինչպիսի հարաբերություններ էլ կառուցենք աշխարհի անվտանգային տարբեր համակարգերի և պետությունների հետ և ամենապատճառաբանված, հզոր պայմանագրերն էլ կնքենք, միևնույն է, չենք կարողանալու հասնել հաջողության, եթե երկրի ներքին կյանքում կտրուկ փոփոխություններ չիրականացնենք։

Չենք կարողանալու հասնել հաջողությունների, եթե համապատասխան աշխատանք չտանենք՝ կառավարման ժամանակակից մշակույթ ձևավորելու նպատակով, մանավանդ քաղաքական և կուսակցական չկայացած համակարգի պայմաններում՝ ռազմավարական մտածելակերպով և պլանավորմամբ, պետական գաղափարախոսությամբ, մարդկային ռեսուրսների կառավարման արդիական մեխանիզմներով, քննարկումների, ստեղծագործական համարձակ արարման լայն հնարավորություններով և ամենակարևորը՝ ժողովրդի առջև թափանցիկ աշխատանքի, հաշվետվողականության և խիստ պատասխանատվության ձևավորմամբ։

...Եվ իհարկե, եթե լուրջ պայքար չտանենք քաղաքական, տնտեսական և վարչական լծակների սերտաճմամբ ձևավորված և տնտեսության ազատականացումը արգելակող, երկրի զարգացումը դանդաղեցնող արատավոր երևույթի դեմ:

Ինչպե՞ս անցնենք արդի ճգնաժամային փուլը և դեպի զարգացում տանենք մեր պետությունը:
Որպեսզի քաղաքական ուժերը գտնեն մեր պետության զարգացման ճշմարիտ ուղին, պետք է հենվեն Երկրի ճշմարիտ և հզոր ուժի՝ ժողովրդի′ վրա, քանզի հայ ժողովուրդը, չունենալով պետություն և պետականություն, հազարամյակներ շարունակ պատմության քառուղիներում ոչ միայն չի՛ կազմալուծվել, չի՛ձուլվել օտարներին, այլև պահպանե՛լ է իր ազգային ինքնությունը՝ եկեղեցին, լեզուն, մշակույթը:
Առաջին հերթին պետք է անել այն, ինչը ոչ մի ռեսուրս չի պահանջում, այլ միայն քաղաքական կամք. հաստատել ժողովրդավարություն, օրինականություն, արդարություն, փոխադարձ վստահության և համերաշխության մթնոլորտ:

Մենք երազող ու պայքարող ժողովուրդ ենք: Կարո՛ղ ենք կառուցել կատարյալ պետություն, իսկ կատարյալ պետությունների հիմքում ընկած է արդարությունը։

Պետք չէ ընկնենք աշխարհեաշխարհ, հզորներից արդարություն պահանջենք: Եկեք այն փնտրենք մե′ր մեջ։ Արդար և ազնիվ լինենք միմյանց հանդեպ, որ հիմք դառնա մեր ազգային միասնության, համախմբման, վերելքի և ամենակարևորը՝ Արցախի հիմնախնդրի արդարացի լուծման համար:

Այսօր, սիրելի՛ հայրենակիցներ, ուզում եմ շնորհավորել բոլորիս Ամանորի և Սուրբ Ծննդյան տոների առթիվ։

Մաղթում եմ, որ 2018 թ.-ը բազմապատկի մեր խոհեմությունն ու հավասարակշռությունը՝ ճիշտ գնահատելու մեր հնարավորությունները, և պետության առջև ծառացած բարդ խնդիրների լուծման ճանապարհին՝ համախմբված, պատվով ընդունենք մարտահրավերը, չերկնչե′նք դժվարություններից և դիմակայե′նք հերոսաբար:

Խաղաղ ծառայություն եմ մաղթում Հայկական բանակի ողջ անձնակազմին՝գեներալներին, սպաներին, ենթասպաներին, սերժանտներին, զինվորներին: Առողջություն և հաջողություն մեր բոլոր մարտական ընկերներին:

Հպարտություն Հայրենիքի համար կյանքը զոհած մեր քաջարի մարտիկների սխրանքի և հավերժ խոնարհում նրանց հարազատների առջև:

Մեր ժողովրդի պայքարն արդար է՝ հանուն Հայաստանի և Արցախի, և պսակվելու է հաղթանակով։
Թո′ղ որ յուրաքանչյուրիս հայրենանվեր ծառայության շնորհիվ 2018 թ.-ը լինի խաղաղության և նորանոր ձեռքբերումների տարի։

ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ

Սեյրան Օհանյանի ֆեյսբուքյան էջից

Այս խորագրի վերջին նյութերը

Դամասկոսում ՌԴ դեսպանատան մոտ  պայթյուն է որոտացել

Դամասկոսում ՌԴ դեսպանատան մոտ պայթյուն է որոտացել

Հունվար 24, 2019 17:22 Նախնական տվյալներով՝ զոհեր չկան։
25-ամյա Անահիտ Դավթյանը որոնվում է որպես անհետ կորած

25-ամյա Անահիտ Դավթյանը որոնվում է որպես անհետ կորած

Հունվար 24, 2019 16:41 Նոր Արմավիր գյուղի բնակչուհի է։
Կանդելակին Դավոսում Փաշինյանին պատմել է իր արմատների մասին

Կանդելակին Դավոսում Փաշինյանին պատմել է իր արմատների մասին

Հունվար 24, 2019 16:14 Փաշինյանն ասել է՝ «այդ մասին Հայաստանում բոլորը գիտեն»:
Ադրբեջանը բողոք է հայտնել Վրաստանին Մ. Ավագյանի պատվին հուշարձան կանգնեցնելու համար

Ադրբեջանը բողոք է հայտնել Վրաստանին Մ. Ավագյանի պատվին հուշարձան կանգնեցնելու համար

Հունվար 24, 2019 16:10 «ԼՂ–ում մասնակցել է խաղաղ ադրբեջանցիների սպանություններին»։   
Հովիկ Աբրահամյան. «Մատնանշված տարածքում հողակտոր չունեմ»

Հովիկ Աբրահամյան. «Մատնանշված տարածքում հողակտոր չունեմ»

Հունվար 24, 2019 15:34 Նշել է, որ նման տեղեկությունները հերթական հերյուրանքն են իր հասցեին:
ՌԴ տարածքում ահաբեկչություններ ծրագրող ԻՊ 11 ահաբեկիչ է դատապարտվել

ՌԴ տարածքում ահաբեկչություններ ծրագրող ԻՊ 11 ահաբեկիչ է դատապարտվել

Հունվար 24, 2019 15:15 Գործողությունները տեսանկարահանելու էին։
Նարգիլե պատրաստողներն ու մատուցողները կառավարության դիմաց բողոքի ցույց էին անում (տեսանյութ)

Նարգիլե պատրաստողներն ու մատուցողները կառավարության դիմաց բողոքի ցույց էին անում (տեսանյութ)

Հունվար 24, 2019 14:56 Պահանջում են, որ ծխախոտն ու նարգիլեն առանձնացվեն օրենքի նախագծում։
ՏՏ-ում ճիշտ մենեջմենթի պակաս կա (տեսանյութ)

ՏՏ-ում ճիշտ մենեջմենթի պակաս կա (տեսանյութ)

Հունվար 24, 2019 14:41 «Տեղեկատվական տեխնոլոգիաներ. ՀՀ-ում ոլորտի զարգացման հեռանկարներ»։
«Ով ինչ կցանկանա ձեռնարկել Սիրիայում, պետք է Թուրքիայի հետ համաձայնեցնի». Չավուշօղլու

«Ով ինչ կցանկանա ձեռնարկել Սիրիայում, պետք է Թուրքիայի հետ համաձայնեցնի». Չավուշօղլու

Հունվար 24, 2019 14:30 Թուրքիան կատարում է իր վրա դրված պարտավորությունները։
Վրաստանում կարմրուկի 430 դեպք է գրանցվել

Վրաստանում կարմրուկի 430 դեպք է գրանցվել

Հունվար 24, 2019 14:20 Ցուցանիշը հատկապես բարձր է 20-40 տարեկանների շրջանում։
Վորոնեժում վթարված ավտոբուսն ընթանում էր Բաքու-Մոսկվա երթուղով. ՀՀ քաղաքացիներ չեն եղել

Վորոնեժում վթարված ավտոբուսն ընթանում էր Բաքու-Մոսկվա երթուղով. ՀՀ քաղաքացիներ չեն եղել

Հունվար 24, 2019 14:03 Հաղորդվել էր, որ բախվել է հայկական համարանիշներով միկրոավտոբուսի։
Շրջանների մեծ մասում սպասվում են տեղումներ

Շրջանների մեծ մասում սպասվում են տեղումներ

Հունվար 24, 2019 13:27 Ձյան և անձրևի տեսքով:
Հայաստանում վերաբացել են Միհրան Պողոսյանի օֆշորային սկանդալի գործը. ICIJ

Հայաստանում վերաբացել են Միհրան Պողոսյանի օֆշորային սկանդալի գործը. ICIJ

Հունվար 24, 2019 13:23 ՀՔԾ–ն քննում է Պողոսյանի՝ օֆշորային 3 ընկերության հետ կապը։
Յանուկովիչը մեղավոր է ճանաչվել պետական դավաճանության համար

Յանուկովիչը մեղավոր է ճանաչվել պետական դավաճանության համար

Հունվար 24, 2019 13:15 Մեղքը լիովին ապացուցված է համարվել:
62–ամյա քաղաքացին սպառնում էր ինքնահրկիզվել

62–ամյա քաղաքացին սպառնում էր ինքնահրկիզվել

Հունվար 24, 2019 12:53 Ցուցաբերվել է հոգեբանական աջակցություն:
ՊԵԿ-ը հրաժարվում է հրապարակել պարգևավճարների ցուցակը (տեսանյութ)

ՊԵԿ-ը հրաժարվում է հրապարակել պարգևավճարների ցուցակը (տեսանյութ)

Հունվար 24, 2019 12:26 Մեծ աղմուկ է բարձրացել և վրդովմունք առաջացրել։
Պարույր Սևակի ծննդյան օրն է

Պարույր Սևակի ծննդյան օրն է

Հունվար 24, 2019 12:25 Թաղված է հայրենի տան բակում՝ Զանգակատուն գյուղում։