Քաղաքական

Հունվար 11, 2018 19:45

Միջգերատեսչական բախում «Ճվճվ Արոյի» որդիների պատճառով

Միջգերատեսչական բախում «Ճվճվ Արոյի» որդիների պատճառով

Դատելով Ճվճվ Արոյի որդիների հետ տեղի ունեցածից և դրան հաջորդած զարգացումներից՝ միջգերատեսչական բախում է տեղի ունենում: Ճանապարհային ոստիկանների ողբերգական մահը ջրի երես է դուրս բերել ոստիկանության ու Քննչական կոմիտեի միջև առկա լարվածությունը: Ի դեպ, սա առաջին դեպքն է, որ երկու ուժային կառույց հրապարակային լեզվակռվի մեջ են մտնում: Դա նշանակում է, որ իրականում, կոպիտ ասած, «փորթափոցի» է սկսվել, ինչը իշխանական համակարգի փտածության դրսևորումներից է:

Ինչպես հայտնի է, ոստիկանությունը լուր էր տարածել, ըստ որի՝ Ճվճվ Արոյի որդու ամենաթողության մեջ Քննչական կոմիտեն է մեղավոր, քանզի այդ կառույցն, ըստ ոստիկանության, միշտ ստորագրությամբ բաց է թողել հանցագործին: Քննչական կոմիտեն էլ իր հերթին պատասխանել է ոստիկանությանը՝ վերջինիս մեղադրելով ապատեղեկատվության տարածման մեջ: Ստորև Ձեզ ենք ներկայացնում ՀՔԿ-ի տարածած մամլո հաղորդագրությունը:

. . .

Վերջին օրերին որոշ լրատվամիջոցներ, անդրադառնալով Սերժ Վարդանյանի մասնակցությամբ տեղի ունեցած միջադեպերին, տարածում են ոչ ճիշտ տեղեկություններ՝ հանրության մոտ ձևավորելով թյուր կարծիք, թե իբր որոշ քրեական գործերով քննչական կոմիտեի տարածքային ստորաբաժանումների կողմից չի ապահովվել օբյեկտիվ քննությունը։

Հարկ ենք համարում արձանագրել, որ այսօրինակ «լուրերը» չեն համապատասխանում իրականությանը և ակնհայտորեն փորձ է արվում ստվերել ՀՀ ՔԿ վարույթում քննված քրեական գործերով քննիչների ձեռնարկած քայլերը։

ՀՀ քննչական կոմիտեն ձևավորվել և որպես ինքնուրույն, անկախ քննչական մարմին սկսել է գործել 2014 թվականի հոկտեմբերից և իր վարույթում քննվող քրեական գործերով հետամուտ է եղել և լինում իր լիազորությունների շրջանակներում ապահովել բազմակողմանի, օբյեկտիվ և լրիվ քննության իրականացումը։

Ի պատասխան բազմաթիվ լրագրողների կողմից ստացված հարցումների և կարևորելով քաղաքացիների՝ ստուգված և ճիշտ տեղեկություն ստանալու իրավունքը՝ կից ներկայացնում ենք որոշ փաստական տվյալներ՝ 2017 թվականի սեպտեմբերին և նոյեմբերին գրանցված միջադեպերի առթիվ ՀՀ ՔԿ տարածքային ստորաբաժանման վարույթում քննված քրեական գործերի քննության ընթացքի մասին։

Այսպես՝ 2017 թվականի հոկտեմբերին ՀՀ ՔԿ ԵՔՔՎ Արաբկիրի քննչական բաժնում ստացվել է սեպտեմբերի 12-ին տեղի ունեցած կողոպուտի դեպքի առթիվ ոստիկանության Արաբկիրի քննչական բաժնում հոկտեմբերի 5-ին հարուցված քրեական գործը։ Քննիչն անմիջապես քրեական գործն ընդունել է վարույթ և ձեռնարկել անհրաժեշտ քննչական գործողություններ դեպքի հանգամանքները պարզելու ուղղությամբ։

Նախնական տվյալներով՝ 2017թ. սեպտեմբերի 12-ին՝ ժամը 03-ի սահմաններում, Երևան քաղաքի Հր.Քոչարի փողոցի կամրջի հարևանությամբ կայանված «Օպել Աստրա» մակնիշի ավտոմեքենայի սրահում Սերժ Վարդանյանը բացահայտ կերպով պոկելու եղանակով հափշտակել է իր ծանոթի պարանոցի՝ զգալի չափերի արժողության ոսկյա վզնոցը, ապա՝ նրա հետ միասին գնացել գրավատուն: Քաղաքացու հայտարարության համաձայն՝ Ս.Վարդանյանը խոստացել էր վերադարձնել վզնոցը, սակայն չի վերադարձրել, ուստի՝ դեպքից օրեր անց դիմել է իրավապահներին։ Երիտասարդը ճանաչվել է տուժող, իսկ ենթադրյալ հանցագործություն կատարած անձին մեղադրանք առաջադրվել՝ ՀՀ քրեական օրենսգրքի 176-րդ հոդվածի 1-ին մասով և նրա նկատմամբ որպես խափանման միջոց է ընտրվել ստորագրություն չհեռանալու մասին։

Դեպքի էական նշանակություն ունեցող հանգամանքները պարզելու համար նշանակվել են փորձաքննություններ, այդ թվում՝ դատաապրանքագիտական, և ձեռնարկվել անհրաժեշտ քննչական և դատավարական այլ գործողություններ՝ բազմակողմանի, օբյեկտիվ և լրիվ քննությունն ապահովելու, դեպքին ականատես հնարավոր վկաներին հայտնաբերելու և հարցաքննելու ուղղությամբ։

2017 թվականի դեկտեմբերին ԵՔՔՎ Արաբկիրի քննչական բաժնում ստացվել է «Աֆրիկյաններ» ռեստորանային համալիրում 2017 թվականի նոյեմբերի 26-ին տեղի ունեցած միջադեպի առթիվ ոստիկանության Արաբկիրի քննչական բաժնում դեկտեմբերի 1-ին ՀՀ քրեական օրենսգրքի 258-րդ հոդվածի 3-րդ մասի 1-ին կետով հարուցված քրեական գործը։

Ըստ քրեական գործի տվյալների՝ 2017 թվականի նոյեմբերի 26-ին՝ ժամը 22:30-ից մինչև ժամը 23:00-ն ընկած ժամանակահատվածում, մի խումբ երիտասարդներ Ն.Զարյան 24 հասցեում գտնվող «Աֆրիկյաններ» ռեստորանային համալիր առանձնասենյակներից մեկում, իրենց անձի թվացյալ առավելությունը ի ցույց դնելու մղումով, հասարակական կարգը կոպիտ կերպով խախտելով, բացահայտ անհարգալից վերաբերմունք դրսևորելով այդ պահին ռեստորանում գտնվող հաճախորդների և աշխատակիցների նկատմամբ, շուրջ 5-10 րոպե վիճաբանել են հայհոյանքներ տալու համար իրենց դիտողություն կատարած նշված ռեստորանային համալիրի մատուցողի հետ, ապա՝ միջանցքում բռնություն գործադրել վերջինիս նկատմամբ։

Արաբկիրի քննչական բաժնում ձեռնարկվել են անհրաժեշտ քննչական գործողություններ ռեստորանային համալիրում տեղի ունեցած միջադեպին մասնակցություն ունեցած անձանց ինքնությունը պարզելու, նրանցից յուրաքանչյուրի գործողություններն անհատականացնելու ուղղությամբ։ Արդյունքում պարզվել է խուլիգանությանը մասնակցություն ունեցած անձանց ինքնությունը, բավարար ապացույցներ ձեռք բերվել, որ դրան անմիջական մասնակցություն է ունեցել նաև Սերժ Վարդանյանը։ Ձեռք բերված ապացույցների հիման վրա՝ երկու անձի մեղադրանք է առաջադրվել՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով։ Հարցաքննության ներկայանալու համար Սերժ Վարդանյանին ծանուցագիր է ուղարկվել, սակայն վերջինս չի ներկայացել, չեն կատարվել նաև նրան բերման ենթարկելու մասին որոշումները։

Հաշվի առնելով հանրության հետաքրքրությունը՝ պարզաբանում ենք, որ խուլիգանության դրվագով Ս.Վարդանյանին ծանուցագիր է ուղարկվել դեկտեմբերի 21-ին՝ որպես կասկածյալ հարցաքննության ներկայանալու վերաբերյալ, ապա 2 անգամ՝ դեկտեմբերի 25-ին և դեկտեմբերի 27-ին, որոշումներ են կայացվել նրան բերման ենթարկելու վերաբերյալ, որոնց կատարումը հանձնարարվել է ոստիկանության համապատասխան ստորաբաժանումներին, սակայն նա վարույթն իրականացնող մարմնին չի ներկայացվել։ Միաժամանակ նշենք, որ ՀՀ քրեական դատավարության օրենսգրքով սահմանված կարգով 2017 թվականի դեկտեմբերի 23-ին որոշում է կայացվել կողոպուտի և խուլիգանության դեպքերի առթիվ հարուցված քրեական գործերը միացնել մեկ վարույթում, և 2017 թվականի դեկտեմբերի 27-ից քրեական գործով նախաքննությունը շարունակվել է Երևանի քննչական վարչության վարույթում։

Սերժ Վարդանյանին բերման ենթարկելու մասին որոշումներին ի պատասխան՝ երկու դեպքում էլ նախաքննական մարմինը ոստիկանության ստորաբաժանումներից գրավոր պատասխան է ստացել առ այն, որ Սերժ Վարդանյանի գտնվելու վայրի մասին տեղեկություններ չունեն։ 2017 թվականի դեկտեմբերի 27-ի բերման ենթարկելու որոշման պատասխանը Երևան քաղաքի քննչական վարչությունն ստացել է 2018 թվականի հունվարի 8-ին, որով ՀՀ ոստիկանության Երևան քաղաքի վարչության քրեական հետախուզության բաժնի պետ, ոստիկանության գնդապետը հայտնել է, որ Ս.Վարդանյանին բերման ենթարկելու նպատակով այցելություններ են կատարվել նրա բնակության և հաշվառման հասցեները, սակայն նա բացակայել է, և նրան հայտնաբերելու ուղղությամբ միջոցառումները շարունակվում են։

Ոստիկանության պատասխանն ստանալուց հետո նույն օրը՝ 2018 թվականի հունվարի 8-ին, քննիչը որոշում է կայացրել նրա նկատմամբ հետախուզում հայտարարելու մասին, և միջնորդություն է ներկայացրել դատարան՝ նրա նկատմամբ որպես խափանման միջոց կալանավորում ընտրելու համար: Դատարանը հունվարի 9-ին միջնորդությունը բավարարել է, հետախուզվողը հայտնաբերվել և կալանավորվել է։

Նախաքննությունը շարունակվում է, և իրականացվում են անհրաժեշտ քննչական և դատավարական այլ գործողություններ՝ դեպքի բոլոր հանգամանքները պարզելու ուղղությամբ։

Անընդունելի ենք համարում ինչ-ինչ շահերից ելնելով քրեական գործով քննիչի կողմից ձեռնարկված քայլերի խեղաթյուրումը և չփաստարկված հայտարարությունների հնչեցումը։ Յուրաքանչյուր հետաքննական և նախաքննական մարմին քաջածանոթ է իր գործառույթների շրջանակներին՝ չնայած հանրայնորեն հնչեցվող հայտարարություններին, և պարտավոր է գործել դրանց շրջանակներում։

ՀՀ քննչական կոմիտե

Print Friendly and PDF

Այս խորագրի վերջին նյութերը

ՀԺԿ. Վստահ ենք, որ այս շարժումը պսակվելու է հաղթանակով

ՀԺԿ. Վստահ ենք, որ այս շարժումը պսակվելու է հաղթանակով

Ապրիլ 21, 2018 09:51 ՀԺԿ-ն աջակցում է խաղաղ ցույցերի մասնակիցներին:
Նաև պարելով են մերժում Սերժին (տեսանյութ)

Նաև պարելով են մերժում Սերժին (տեսանյութ)

Ապրիլ 21, 2018 09:04 Յուրօրինակ տարբերակով են փակել փողոցը։
Օրվա կադր․ Խանութը փակ է, գնացել ենք միտինգ

Օրվա կադր․ Խանութը փակ է, գնացել ենք միտինգ

Ապրիլ 20, 2018 23:04 Միացել են Սերժ Սարգսյանի վարչապետության դեմ պայքարին։
Հանրապետության հրապարակում հանրահավաքն ու երթը (տեսանյութ)

Հանրապետության հրապարակում հանրահավաքն ու երթը (տեսանյութ)

Ապրիլ 20, 2018 22:29 Վաղը շարունակվելու է փողոցները փակելու գործընթացը։
Ցուցարարներն արգելափակել են Վիգեն Սարգսյանի ծառայողական ավտոմեքենան

Ցուցարարներն արգելափակել են Վիգեն Սարգսյանի ծառայողական ավտոմեքենան

Ապրիլ 20, 2018 20:47 Մեկը փորձել է բացել պաշտպանության նախարարի ավտոմեքենայի դուռը։
Բեռնատարով, երթուղային տաքսիներով և Կռունկով փակել են փողոցները (լուսանկար, տեսանյութ)

Բեռնատարով, երթուղային տաքսիներով և Կռունկով փակել են փողոցները (լուսանկար, տեսանյութ)

Ապրիլ 20, 2018 12:45 Անհնազանդությանը միացել են նաև ծանրաքաշ մեքենաները։
Ոստիկանները բռնի ուժով բերման են ենթարկում ցուցարարներին (տեսանյութեր)

Ոստիկանները բռնի ուժով բերման են ենթարկում ցուցարարներին (տեսանյութեր)

Ապրիլ 20, 2018 11:12 Նաև՝ քաղաքացիական հագուստովները։
Ինչպես են բերման ենթարկում Դավիթ Սանասարյանին (տեսանյութ)

Ինչպես են բերման ենթարկում Դավիթ Սանասարյանին (տեսանյութ)

Ապրիլ 20, 2018 10:13 Հանրապետության հրապարակի մոտ փողոց էր փակել այսօր առավոտյան։
Ակտիվիստ Տիգրան Մազմանյանը կալանավորվեց

Ակտիվիստ Տիգրան Մազմանյանը կալանավորվեց

Ապրիլ 20, 2018 09:16 Փաստաբանն ապօրինի է որակում դատարանի որոշումը։
Արսինե Խանջյանը՝ Սերժ Սարգսյանին․ «Հեռացե՛ք ձեր ճամփով» (տեսանյութ)

Արսինե Խանջյանը՝ Սերժ Սարգսյանին․ «Հեռացե՛ք ձեր ճամփով» (տեսանյութ)

Ապրիլ 19, 2018 22:09 Բա՛վ է այն տառապանքը, որ կպարտադրեք մեր հայությանը։
Հանրապետության հրապարակում հանրահավաքը. ուղերձ հղեց նաև Արսինե Խանջյանը (ուղիղ միացում)

Հանրապետության հրապարակում հանրահավաքը. ուղերձ հղեց նաև Արսինե Խանջյանը (ուղիղ միացում)

Ապրիլ 19, 2018 19:40 Վաղն առավոտյան շարունակվելու է փողոցները շրջափակելու գործընթացը։
Արմեն Սարգսյանը հրավիրում է կողմերին երկխոսության

Արմեն Սարգսյանը հրավիրում է կողմերին երկխոսության

Ապրիլ 19, 2018 18:34 Ստեղծված վիճակից լավագույն ելք գտնելու համար:
«Սինոփսիս Արմենիայի» աշխատակիցների քայլը ընդդեմ Սերժ Սարգսյանի (տեսանյութ)

«Սինոփսիս Արմենիայի» աշխատակիցների քայլը ընդդեմ Սերժ Սարգսյանի (տեսանյութ)

Ապրիլ 19, 2018 17:07 Պատերից հանել են նրա բոլոր նկարները։
«Իմ քայլը» և «Մերժիր Սերժին» քաղաքացիական նախաձեռնությունների հայտարարությունը

«Իմ քայլը» և «Մերժիր Սերժին» քաղաքացիական նախաձեռնությունների հայտարարությունը

Ապրիլ 19, 2018 16:41 Ոստիկանության տարածած հայտարարությունները չեն համապատասխանում իրականությանը:
Նախարարներ են նշանակվել

Նախարարներ են նշանակվել

Ապրիլ 19, 2018 15:23 Պաշտոններ են ստացել։