Մեկնաբանություն

Հունվար 22, 2018 22:15

Ինչպե՞ս է իրեն պահելու «Ծառուկյան» դաշինքը

Ինչպե՞ս է իրեն պահելու «Ծառուկյան» դաշինքը

Առաջիկայում մենք ԱԺ-ում երկու կարևոր քվեարկություն ենք ունենալու, որոնք մեկ ընդհանուր փաթեթում է պետք դիտարկել:

Խորհրդարանն ընտրելու է ՀՀ նախագահ ու վարչապետ (ժողովրդին վերապահված է դիտորդի դերը):

Նախագահի պաշտոնում Սերժ Սարգսյանն առաջադրել է Արմեն Սարգսյանին, իսկ ինքը պատրաստվում է դառնալ վարչապետ՝ «անփոխարինելի առաջնորդի» կարգավիճակով:

ՀՀԿ-ն ու ՀՅԴ-ն խորհրդարանում ունեն հսկիչ փաթեթ, այսինքն՝ ձայների կեսից ավելին: Նույնիսկ առանց ՀՅԴ-ի ՀՀԿ-ն ունի որոշումները դակելու հնարավորություն: Բայց չնայած այդ ամենին հետաքրքրական է, թե ինչպես է իրեն պահելու «Ծառուկյան» դաշինքը («Ելք»-ը «Անորսալի Ջոյի» կարգավիճակ ունի և այդ դաշինքի քվեարկությունները զուտ վիճակագրական հետաքրքրություն են ներկայացնում):

Համաձայն նոր Սահմանադրության՝ վարչապետի համար անհրաժեշտ է պատգամավորների ընդհանուր թվի ձայների մեծամասնությունը, այսինքն՝ (50%+1)-ը: Նախագահի հարցում մի փոքր այլ ռեժիմ է գործում:

Առաջին փուլով անցնելու համար նախագահի թեկնածուն պետք է ստանա ընդհանուր ձայների 3/4-ը, ասել է թե՝ առանց «Ծառուկյան» դաշինքի օգնության ՀՀ նախագահն առաջին փուլով նախագահ դառնալու հնարավորություն չունի, նույնիսկ եթե «Ելք»-ը միահամուռ կողմ քվեարկի այդ թեկնածուին:

Հարց է առաջանում, թե ինչպե՞ս իրեն կպահի «Ծառուկյան» դաշինքը: Կա մի քանի տարբերակ.

Տարբերակ 1-ին

Կողմ քվեարկել ՀՀԿ-ի առաջադրած նախագահի ու վարչապետի թեկնածուներին:

Այս տարբերակն ամենահավանականն է թվում, ընդ որում՝ անկախ այն հանգամանքից, թե արդյոք «Ծառուկյան» դաշինքին կվերցնե՞ն իշխող կոալիցիա, թե՞ ոչ:

Երբ Ս. Սարգսյանը Գագիկ Ծառուկյանից ակնկալում է աջակցություն ՀՀ նախագահի ընտրության հարցում, դա իրականում նշանակում է աջակցության ակնկալիք նախևառաջ իր վարչապետությա՛ն քվեարկության ժամանակ:

Ի դեպ, ՀՀ նախագահի թեկնածուն կուզենա անցնել 1-ին փուլով ու չմնալ միայն ՀՀԿ-ի և ՀՅԴ-ի հույսին, որպեսզի համեմատաբար ինքնավստահ զգա իրեն ու ՀՀԿ-ից որոշակիորեն տարանջատված:

Այս առումով «Ծառուկյանի» դիրքորոշումը կարևոր նշանակություն ունի հետագա ներիշխանական ու միջկլանային հարաբերություններում:

Տարբերակ 2-րդ

Դեմ քվեարկել և՛ նախագահի, և՛ վարչապետի իշխանական թեկնածուներին:

Սա կնշանակի, որ «Ծառուկյան» դաշինքը լեզու չի գտել գործող իշխանության հետ և այլ ուղով է գնում, կամ էլ՝ այլ ուղու վրա է այդ դաշինքին դնում նույն իշխանությունը:

Ամեն դեպքում այս որոշումը ամենաարմատականը կլինի դաշինքի համար:

Տարբերակ 3-րդ

Կողմ քվեարկել նախագահի թեկնածուին և դեմ քվեարկել ՀՀԿ-ի առաջարկած վարչապետի թեկնածուին:

Սա ինտրիգային սցենար է ենթադրում: Սա կնշանակի քաղաքական դաշտի ուշագրավ տրանսֆորմացիայի մեկնարկ:

Տարբերակ 4-րդ

Դեմ քվեարկել ՀՀԿ-ի առաջադրած նախագահի թեկնածուին և կողմ քվեարկել ՀՀԿ-ական վարչապետին:

Սա ամենաանցանկալին կլինի «Ծառուկյան» դաշինքի համար: Դա կլինի ինքնաոչնչացման պես մի բան: Ի դեպ, այս տարբերակին դեմ չի լինի Սերժ Սարգսյանը (թեև հրապարակավ այլ բան է հայտարարում): Եթե ինքն առաջադրվի որպես վարչապետ, ապա կողմ կլինի, որ «Ծառուկյանն» իրեն «այո՛» ասի և միևնույն ժամանակ «ո՛չ» ասի Արմեն Սարգսյանին, որպեսզի վերջինիս ցույց տա, որ ինքը բացառապես ՀՀԿ-ի թեկնածուն է և չունի այլ հենարան:

Եթե «Ծառուկյանը» դեմ քվեարկի նախագահի թեկնածուին, ապա տեղի կունենա 2-րդ փուլ, որտեղ անհրաժեշտ է ավելի քիչ թվով ձայն՝ 3/5-ը, ինչը ՀՀԿ-ն ու ՀՅԴ-ն ունակ են ապահովել:

Կարող է լինել մեկ այլ տարբերակ, երբ «Ծառուկյան» դաշինքը հայտարարի, որ ազատ է թողնում իր պատգամավորներին և ամեն մեկը կարող է քվեարկել իր ցանկությամբ: Մեր կարծիքով, սակայն, հազիվ թե նման բան լինի, քանզի պարզ է, որ ազատ թողնելու դեպքում «Ծառուկյան» դաշինքի անդամների գրեթե 100 տոկոսը կքվեարկի իշխանական թեկնածուների օգտին և դաշինքի ղեկավարը ոչինչ չի շահի դրանից (ՀՀԿ-ում կհամարեն, որ իրենք ոչ մի բանով պարտք չեն Գ. Ծառուկյանին, քանզի ամեն ինչ եղել է ինքնաբուխ, այլ ոչ թե նախնական պայմանավորվածության արդյունքում): Ահա այդ հեռանկարը հաշվի առնելով՝ իմաստ չկա ազատ թողնել «Ծառուկյան»-ական պատգամավորներին:

Թե որ տարբերակը կընտրեն «Ծառուկյան» դաշինքում, կիմանանք քվեարկության «հերձումից» հետո: Շատ չի մնացել:

Հայկ Ուսունց

Այս խորագրի վերջին նյութերը

Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:
Լյումպենը տարերքի մեջ է

Լյումպենը տարերքի մեջ է

Մայիս 16, 2019 00:30 Նիկոլականները ծանր են տարել, որ Քոչարյանը մենակ չէ`կան մարդիկ, որոնք գնահատում են 2-րդ նախագահի պաշտոնավարման տարիների արդյունքները և սատարում են նրան։
Դատարանում` ինչպես դատարանում

Դատարանում` ինչպես դատարանում

Մայիս 15, 2019 00:37 Դատավորը որքանո՞վ է պատրաստ «հերոս լինել», կարո՞ղ է վեր կանգնել հեղափոխական կոնյունկտուրայի «թելադրանքից» և քվեարկել «խղճի մտոք»։