Մեկնաբանություն

Հունվար 23, 2018 10:10

Վենգերի ու Մխիթարյանի ճշմարտության պահը

Վենգերի ու Մխիթարյանի ճշմարտության պահը

Վերջապես կայացավ Հենրիխ Մխիթարյանի տրանսֆերը: Նա արդեն «Արսենալի» ֆուտբոլիստ է: Սանչեսի ու Մխիթարյանի փոխատեղումը միջազգային թոփ սպորտային լուր է դարձել:

Հետընթա՞ց է սա Հենրիխի համար, թե՞ ոչ:

Նկատենք, որ Անգլիայի առաջնությունում կան բարձր մակարդակի 6 թիմեր, որոնց միջև էլ տեղի է ունենում մրցակցությունը (մյուս թիմերը ջուր պղտորողներ են ու իրենց պարտքն են համարում վեցյակից միավորներ խլելը): Առաջին քառյակում տեղ զբաղեցրածները Չեմպիոնների լիգայում են հայտնվում, իսկ «տակինները»՝ Եվրոպա լիգայում:

Եթե հաշվի առնենք Անգլիայի ընթացիկ մրցաշարային աղյուսակը, ապա Հենրիխի համար սա հետընթաց է, քանի որ «Արսենալը»-ը 6-րդ տեղում է և պետք է պայքարի առաջին քառյակում տեղ զբաղեցնելու ու Չեմպիոնների լիգայում հայտնվելու համար, իսկ ահա ՄՅՈւ-ն շա՜տ տեսականորեն կարող է հավակնել Անգլիայի չեմպիոնությանը (դա միայն այն դեպքում, եթե «Մանչեսթեր Յունայթեդը» միայն հաղթանակներ տանի ու եթե «Մանչեսթեր Սիթին» հանկարծ «շողուլից» ընկնի, ինչի հավանականությունը գրեթե զրոյական է), ինչպես նաև կարող է գործնականում պայքարել ՉԼ այս մրցաշարում առավելագույնին հասնելու և առաջնությունում առնվազն երկրորդ տեղը զբաղեցնելու համար: Ասել է թե՝ այս փուլում թիմերը տարբեր խնդիրներ են լուծում և «Արսենալը» համեմատաբար համեստ դիրքերում է:

Իսկ եթե հաշվի առնենք «Մանչեսթեր Յունայթեդի» ու «Արսենալի» պատմությունները և միջազգային վարկանիշը, ապա Հենոյի մոտ հետընթաց չկա: Երկուսն էլ համաշխարհային մակարդակի թիմեր են, ունեն փառահեղ անցյալ ու պայքարում են ներկան փառահեղ դարձնելու համար:

«Արսենալը» Անրիի, Բերգկամպի, Պիրեսի, Քեմպբելի, Ադամսի, Ջենինգսի, Վան Պերսիի, Սիմենի, Ադեբայորի, Վիերայի ու այլ բարձրակարգ ֆուտբոլիստների թիմն է:

ՄՅՈւ-ն ու «Արսենալը» հիմա նոր պատմություն կերտելու ճանապարհին են: Ալեքս Ֆերգյուսոնից հետո ՄՅՈւ-ն չի փայլել այնպես, ինչպես նախկինում ու նոր-նոր է փորձում վերանվաճել իր դիրքերն անգլիական ու եվրոպական ֆուտբոլում:

«Արսենալի» գլխավոր մարզիչ Արսեն Վենգերը Ֆերգյուսոնի սերնդից է: Վերջին տարիները նրա համար այնքան էլ լավը չեն (զգացնել է տալիս նաև ակումբի ֆինանսական վիճակը, որը համեմատաբար թույլ է Անգլիայի թոփ վեցյակում), քանզի ցանկալի տիտղոսներ թիմը չի նվաճում: Երկրպագուները նույնիսկ պահանջում էին նրա հրաժարականը: Եվ հիմա ճշմարտության պահ է ինչպես Մխիթարյանի, այնպես էլ Վենգերի համար: Վերջինս ամենահետևողականն էր Հենրիխի տեղափոխման հարցում: Ճիշտ է, որոշումը կայացրել է ակումբի ղեկավարությունը, բայց հիմնական լոբբիստը Վենգերն էր, ինչը որոշակի պատասխանատվություն է առաջացնում նրա համար:

Չիլիացի ագրեսիվ ոճի ֆուտբոլիստ Սանչեսի փոխարեն «Արսենալը» վերցրել է լրիվ ուրիշ տիպի՝ հանդարտ, խաղի նուրբ զգացողությամբ և ֆուտբոլային ինտելեկտուալ Մխիթարյանին (մասնագետների կարծիքով Մխիթարյանն իր խաղային ոճով ավելի է համապատասխանում Վենգերի դավանած ֆուտբոլային մարտավարությանն ու ոճին, քան Սանչեսը):

Ի դեպ, ՄՅՈւ-ի հետ այդ փոխանակումը բոլորը չէ, որ ողջունել են Լոնդոնում: Ոմանք կարծում են, որ տեղի է ունեցել անհամարժեք փոխատեղում: Վենգերն ու Մխիթարյանը, բնականաբար, այդպես չեն կարծում: Երկուսն էլ հիմա պետք է ապացուցեն, որ ոմանք սխալվում են:

Հենրիխի համար հիմա գլխավոր խնդիրը հոգեբանական ճնշումը հաղթահարելն է: Նա դարձել է «Արսենալի» ու նաև Պրեմիեր լիգայի ամենաբարձր վարձատրվող ֆուտբոլիստներից (որպես լիրիկական զեղում նկատենք, որ Հենրիխը, ի տարբերություն Հայաստանի իշխող վերնախավի ու, այսպես կոչված, օլիգարխիկ շրջանակների, մեր երկրի միակ լեգիտիմ միլիոնատերն է, քանզի լեգալ ու թափանցիկ են նրա վաստակած գումարների ծագման աղբյուրները): Ու հիմա բոլորը արդյունք են սպասելու: Սպասելու են, որ Մխիթարյանը ցույց կտա Դորտմունդի «Բորուսիայում» ցույց տված խաղը (հատկապես Տուխելի գլխավորած «Բորուսիայում» ցույց տված խաղը):

Հենրիխն ապացուցելու բան ունի և դա պետք է անի շատ հանգիստ՝ առանց լարվածության: Նա պետք է ապացուցի, որ իր խաղային որակների անկումը ՄՅՈւ-ում պայմանավորված էր Մոուրինյուի սիրած «ավտոբուս» մարտավարությամբ: Պետք է ապացուցի, որ իզուր չեն իրեն այդքան շատ վճարում: Պետք է ապացուցի, որ արժանի է ֆրանսիացի Անրիի տիպի ֆուտբոլիստների հետ նույն շարքում հայտնվելուն և նույն մարզաշապիկը կրելուն:

Իսկ ապացուցելու համար շատ բան պետք չէ: Հենոն ընդամենը պետք է հոգեբանական ռեստարտ լինի, մոռանա Մոուրինյուի մասին ու ցույց տա այն, ինչին ունակ է: Ինքը կարող է դառնալ «Արսենալի» ու Վենգերի փրկիչը: Ինչպես ասում են՝ Հենո՛, դուխո՛վ:

Խորեն Շատվորյան

Հ.Գ.։ Եթե «Արսենալին» հաջողվի թիմ բերել «Բորուսիայի» հարձակվող Օբամեյանգին, ապա դա հիանալի տարբերակ կլինի: Հենոն Օբամեյանգին գնդակներ մատակարարելու և նրա հետ արդյունավետ համագործակցելու հիանալի փորձ ունի:

Գաբոնցին արագ է ու տեխնիկապես պատրաստված, ինչն այսօր պակասում է «Արսենալի» հարձակման գծում. Ժիրուն արդեն այն չէ, իսկ Լակազետը դեռ չի հարմարվել Վենգերի ոճին:

Հենո-Օբամեյանգ-Օզիլ եռյակը «Արսենալում» կարող է դառնալ Հենո-Օբամեյանգ-Ռոյս եռյակի պես, երբ վերջինս հաջող խաղ էր ցույց տալիս «Բորուսիայում» և մի պահ (մինչև Ռոյսի վնասվածք ստանալը) դարձել էր եվրոպական թոփ առաջնությունների ամենաարդյունավետ (գոլ+փոխանցում բանաձևով) եռյակներից (ավելի արդյունավետ էր միայն Մեսսի-Նեյմար-Սուարես բարսելոնյան եռյակը):

Հ.Գ.-2: Հենոն Անգլիայում ու աշխարհում մեր դեսպանն է ու շատ ավելի մեծ ճանաչում է բերել Հայաստանին, քան մեր բոլոր դեսպանները միասին վերցրած: Չքաղաքականացնե՛լ: )))

Այս խորագրի վերջին նյութերը

Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:
Լյումպենը տարերքի մեջ է

Լյումպենը տարերքի մեջ է

Մայիս 16, 2019 00:30 Նիկոլականները ծանր են տարել, որ Քոչարյանը մենակ չէ`կան մարդիկ, որոնք գնահատում են 2-րդ նախագահի պաշտոնավարման տարիների արդյունքները և սատարում են նրան։
Դատարանում` ինչպես դատարանում

Դատարանում` ինչպես դատարանում

Մայիս 15, 2019 00:37 Դատավորը որքանո՞վ է պատրաստ «հերոս լինել», կարո՞ղ է վեր կանգնել հեղափոխական կոնյունկտուրայի «թելադրանքից» և քվեարկել «խղճի մտոք»։