Խմբագրական

Հունվար 29, 2018 00:05

«Who is Mister Sargsyan?» (մի քանի հարց ՀՀ նախագահի թեկնածուին)

«Who is Mister Sargsyan?» (մի քանի հարց ՀՀ նախագահի թեկնածուին)

Սերժ Սարգսյանը հայտարարեց, որ ՀՀԿ գործկոմը միաձայն կողմ է արտահայտվել իր առաջարկին՝ ՀՀ նախագահի պաշտոնում տեսնել Արմեն Սարգսյանին: Վերջինս ասաց, որ կմտածի այդ առաջարկի ուղղությամբ և որոշ հանդիպումներից հետո միայն պատասխան կտա (ՀՀԿ-ի համար դա, թերևս, տարօրինակ պատասխան է եղել, քանզի մինչև հիմա այդպիսի մարդ չի եղել իրենց մեջ, որ ՀՀԿ ղեկավարից պաշտոնի առաջարկ ստանա ու միանգամից չասի «հա՛»):

Կարելի է 99,99 տոկոսով պնդել, որ Արմեն Սարգսյանը կընդունի Սերժ Սարգսյանի առաջարկը և կդառնա ՀՀ նախագահի միակ թեկնածուն, ում էլ խորհրդարանի կոճակային մեծամասնությունը «կողմ» կքվեարկի: Ասել է թե՝ ի դեմս Ա. Սարգսյանի՝ մենք գործ ունենք «բեզ պիծի մինուտ» նախագահի հետ:

Իսկ ճանաչո՞ւմ է նրան Հայաստանի հասարակությունը: Պետք է ասել, որ ո՛չ, չի ճանաչում:

Արմեն Սարգսյանի կենսագրական տվյալները հասանելի են համացանցում: Կան թվեր, թե երբ ինչ է աշխատել ու որտեղ: Այդ կենսագրական տվյալները, սակայն, ոչինչ չեն ասում, քանզի Սարգսյանը միշտ եղել է փակ ու լռակյաց գործիչ, այսինքն՝ նա չունի քաղաքական դիմագիծ:

Որքան էլ Բ26-ից պնդեն, որ ՀՀ նոր նախագահը պետք է լինի օտար լեզվի ապաքաղաքական մասնագետ, միևնույն է նախագահը նախևառաջ քաղաքական դեմք է, ապա նոր միայն օտար լեզուներ տիրապետող կամ չտիրապետող մեկը:

Եվ ուրեմն, պետք է հասկանալ, թե ով է Արմեն Սարգսյանը:

«Who is Mister Sargsyan?»,- նման դեպքերում սիրում են հարցնել Արևմուտքում:

Ա. Սարգսյանը հայտարարել է, որ հանդիպումների շարք է ունենալու հանրության լայն շրջանակների հետ ու միայն դրանից հետո նախագահ դառնալու որոշում կկայացնի: Եթե դրանք զուտ կամերային ու ձևական միջոցառումներ չեն լինելու (օրինակ՝ Սերժ Սարգսյանը մի ժամանակ սիրում էր ՄՀՀ-ում հավաքել Հայաստանում գրանցված բոլոր կուսակցություններին ու նրանց հետ քննարկում կազմակերպել), ապա պետք է հարմար առիթ հանդիսանան, որպեսզի Արմեն Սարգսյանը մեր հանրությանը ծանոթացնի իր տեսակետների հետ, ներկայացնի իր քաղաքական դիմագիծը: Ասել է թե՝ այդ հանդիպումների ժամանակ Արմեն Սարգսյանը ոչ այնքան պետք է լսի, որքան խոսի: Խոսի արդիական թեմաներից:

Հայաստանն ունի բազմաթիվ ներքին ու արտաքին խնդիրներ: Դրանց մասին Արմեն Սարգսյանը երբեք տեսակետ չի հայտնել, բայց հիմա պետք է արտահայտվի: Կան հարցեր, որոնց նա պարտավոր է պատասխանել որպես նախագահի թեկնածու: Այլապես իրոք կդառնա ապաքաղաքական նախագահ, ինչը նոնսենս կլինի և անպատվաբեր:

Եվ այսպես, ստորև ներկայացնում ենք հարցեր, որոնց պատասխաններն Արմեն Սարգսյանից ակնկալվում են մինչև մարտի 2-ն ընկած փաստացի քարոզարշավային այս ժամանակահատվածում:

1. Ո՞րն է Ձեր գնահատականը ՀՀ անկախության 27 տարիների ընթացքում Հայաստանի ներսում տեղի ունեցած քաղաքական (ներառյալ՝ ընտրական) ու տնտեսական գործընթացների մասով: Տոտալիտարիզմից անցումը դեպի ժողովրդավարություն ո՞ր փուլում է մեզ մոտ: Շարժվում ենք առա՞ջ, թե՞ հետ՝ դեպի համայնավարություն:

2. Ինչպիսի՞ն է Ղարաբաղի խնդրի լուծման Ձեր տեսակետը: ՀՀ երեք նախագահներից որի՞ մոտեցումն է Ձեզ համար ավելի հոգեհարազատ: Իսկ միգուցե Դուք ունեք այլ՝ չորրո՞րդ մոտեցում:

3. Ո՞րն է հայ-թուրքական հարաբերությունների ու Հայոց ցեղասպանության միջազգային ճանաչման գործընթացի վերաբերյալ Ձեր կարծիքը:

Լևոն Տեր-Պետրոսյանը շաղկապված է տեսնում հայ-թուրքական ու հայ-ադրբեջանական հարաբերությունները և կարծում է, որ երկու կողմի հետ էլ ամեն գնով պետք է հասնել շուտափույթ համաձայնության՝ Ադրբեջանի մասով հակամարտության փուլային լուծման միջոցով (ԼՂՀ կարգավիճակի հարցը բաց է մնում), Թուրքիայի մասով՝ Հայոց ցեղասպանության միջազգային ճանաչման հարցը ՀՀ արտաքին պետական օրակագից հանելու միջոցով (առաջարկվում է հարցը թողնել Սփյուռքին):

Ռոբերտ Քոչարյանն ունի լրիվ այլ մոտեցում: Նա տարանջատված է տեսնում հայ-թուրքական հարաբերությունները հայ-ադրբեջանականից: Գտնում է, որ Հայոց ցեղասպանության միջազգային ճանաչման հարցը պետք է լինի ՀՀ արտաքին քաղաքական օրակարգում: Ղարաբաղի հարցով էլ փաստացի վարել է ստատուս քվոն պահպանելու քաղաքականություն՝ բանակցային գործընթացի միջոցով հետ պտտեցնելով առաջին նախագահի կողմից հավանության արժանացած փուլային տարբերակն ու ամրագրելով ԼՂՀ կարգավիճակի որոշման հարցը հանրաքվեի միջոցով:

Սերժ Սարգսյանն այս հարցերում փորձեց տեղավորվել առաջին և երկրորդ նախագահների արանքում՝ ձգտելով երրորդ տեսակետով հանդես գալ («ֆուտբոլային» դիվանագիտություն, Կազանյան գործընթաց և այլն), ինչը հանգեցրեց հայտարարվածից ու խոստացվածից հակառակ արդյունքների (հայ-թուրքական սահմանը չբացվեց և չհաստատվեցին հայ-թուրքական դիվանագիտական հարաբերություններ, հայ-թուրքական հարցը շաղկապվեց հայ-ադրբեջանականի հետ ու Թուրքիան «Ֆուտբոլային» դիվանագիտության մեկնարկից հետո ակտիվացրեց իր դերակատարումը Ղարաբաղի հարցում, Հայոց ցեղասպանության միջազգային ճանաչման հարցը գործնականում հայտնվեց գրեթե սառեցված վիճակում):

Տեղին է հիշեցնելը, որ նախաձեռնողական որակված քաղաքականության ընթացքում (2016 թ.) ունեցել ենք ապրիլյան քառօրյա պատերազմ ու տարածքային կորուստներ, ինչը չէր եղել 1994-ի հրադադարից հետո:

Դուք դեսպան եք աշխատել և՛ Տեր-Պետրոսյանի, և՛ Քոչարյանի, և՛ Սարգսյանի ղեկավարման ներքո, և, ուրեմն, կարիք կա հստակեցնելու, թե ո՞ր նախագահի տեսակետն է այս հարցերում Ձեզ համար ավելի ընդունելի: Երեք նախագահների կառավարման շրջանում եղել են փիլիսոփայորեն տարբեր արտաքին քաղաքական գծեր, սակայն երեքի ժամանակ էլ Դուք ՀՀ դեսպան եք եղել ու, փաստացի, իրականացրել այդ գծերի ապահովումը Ձեր մասով: Արժե, ուրեմն, հստակեցնել, թե ո՞ր գծին եք Դուք համակրում: Իսկ միգուցե ունեք չորրո՞րդ գիծը:

4. Որո՞նք է հայ-ռուսական հարաբերությունների Ձեր պատկերացումները: Ինչպիսի՞ն են դրանք այժմ:

Ճի՞շտ էր արդյոք ԵԱՏՄ մտնելը:

Հնչում են տեսակետներ, թե պետք է դուրս գալ ԵԱՏՄ-ից: Կիսո՞ւմ եք այդ տեսակետները:

5. Նախագահ դառնալու դեպքում ի՞նչ քայլեր եք ձեռնարկելու, որպեսզի կյանքի կոչվեն Հայաստան-ԵՄ վերջերս ստորագրված համաձայնագրում առկա կետերը:

Ունե՞ք արդյոք հայեցակարգ, թե ինչպիսին պետք է լինեն ՀՀ-ի ու ՆԱՏՕ-ի հարաբերությունները:

Կա նաև տեսակետ, որ ՀՀ-ն պետք է դուրս գա ՀԱՊԿ-ից ու անդամակցի ՆԱՏՕ-ին: Ո՞րն է Ձեր դիրքորոշումը:

6. Մեր անմիջական հարևաններ Իրանի ու Վրաստանի հետ հարաբերությունների զարգացումն ինչպե՞ս եք տեսնում:

2008-ին հայտարարվեց, որ շատ շուտով սկսվելու է Իրան-Հայաստան երկաթգծի շինարարությունը, սակայն հայտարարությունը գործնական տեսք չստացավ: Հնարավոր համարո՞ւմ եք այդպիսի շինարարություն, և եթե այո, ապա ե՞րբ, ըստ Ձեզ, այն տեղի կունենա:

Գոհացնո՞ւմ են Ձեզ հայ-վրացական ներկայիս հարաբերությունների բնույթն ու մակարդակը: Հայ-վրացական տնտեսական կոոպերացիայի համար ինչպիսի՞ գործնական քայլեր պետք է արվեն:

7. Հետանկախական շրջանում Դուք փաստացի ավելի շատ դրսում եք ապրել, քան Հայաստանում: Քննարկման առարկա են դարձել Ձեր ու Ձեր ընտանիքի անդամների քաղաքացիության ու ՀՀ-ում մշտական բնակության թեմաները: Այս առումով մի քանի հարց՝

Ա. Համաձայն նոր Սահմանադրության՝ ՀՀ նախագահը պետք է պաշտոնը ստանձնելուն նախորդած 6 տարում լինի միայն ՀՀ քաղաքացի ու 6 տարի մշտապես բնակված լինի Հայաստանում: Կարո՞ղ եք հստակություն մտցնել Ձեր՝ ՀՀ քաղաքացիության ու ՀՀ-ում մշտական բնակության հարցերում:

Բ. Նախագահ դառնալուց հետո Ձեր ընտանիքի բոլոր անդամները տեղափոխվելու են Հայաստա՞ն, թե՞ մնալու են Անգլիայում:

Գ. Նոր Սահմանադրության համաձայն՝ ՀՀ նախագահը ԱԺ-ի կողմից ընտրվում է 7 տարով: Եթե ԱԺ-ն Ձեզ կողմ քվեարկի (ինչին որևէ մեկը չի կասկածում), ապա այդ 7 տարին նախագահելուց հետո Դուք ապրելո՞ւ եք Հայաստանում, թե՞ մեկնելու եք Լոնդոն: Նույն հարցը վերաբերում է նաև Ձեր ընտանիքի բոլոր անդամներին:

. . .

Այս և այլ հարցերի հրապարակային պատասխաններից կախված կլինի այն, թե արդյոք Արմեն Սարգսյանը դրակա՞ն, թե՞ բացասական քաղաքական իմիջ կձևավորի: Իսկ առայժմ նա ունի միայն բարի ժպիտով, բայց չխոսկան ու քաղաքական տեսակետ չունեցող մարդու իմիջ, ում թեկնածությունն առաջադրել է Սերժ Սարգսյանը:

Այս հարցերի պատասխաններից կամ դրանց բացակայությունից կախված կլինի նաև այն, թե արդյոք Արմեն Սարգսյանը ՀՀԿ-ին կի՞ց, թե՞ Հայաստանի նախագահ կդառնա:

7or.am

Այս խորագրի վերջին նյութերը

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը:
Ադրբեջանական ագրեսիան ու հայկական խաղաղասիրությունը

Ադրբեջանական ագրեսիան ու հայկական խաղաղասիրությունը

Նոյեմբեր 07, 2018 14:21 Փաշինյանի վարչապետ դառնալուց հետո Երևանի դիրքորոշումը Ղարաբաղի հարցում դարձավ հակասական ու էկլեկտիկ (ծայրահեղ խաղաղասիրականից մինչև ռազմատենչ):
Հեղափոխությունից հետո և արտահերթից առաջ

Հեղափոխությունից հետո և արտահերթից առաջ

Հոկտեմբեր 19, 2018 10:45 Հեղափոխությունը, միգուցե, կարելի է անել «դուխով», բայց պետությունը պետք է կառուցել ու զարգացնել ԽԵԼՔՈՎ:
Քաղաքական մանիպուլյացիա

Քաղաքական մանիպուլյացիա

Սեպտեմբեր 28, 2018 12:54 Ամբոխն անշնորհակալ է, դավաճան և մոռացկոտ. մանիպուլյատորը պետք է շատ լավ իմանա այդ մասին:
Ժողովրդավարությունը և ամբողջատիրությունը

Ժողովրդավարությունը և ամբողջատիրությունը

Սեպտեմբեր 24, 2018 19:07 Բռնապետական կամ ամբողջատիրական ռեժիմները հաստատվում են հիվանդ հասարակություններում։
Պատմական և հայաստանյան «սևերն» ու «սպիտակները». Լյուդովիկոս 16-րդից մինչև Նիկոլ Փաշինյան

Պատմական և հայաստանյան «սևերն» ու «սպիտակները». Լյուդովիկոս 16-րդից մինչև Նիկոլ Փաշինյան

Սեպտեմբեր 20, 2018 14:29 Հետո են տեսնելու, որ երջանկություն խոստացողները «Նապոլեոն» խոզի պես ձեռք են բերել նախորդների հատկանիշները...
Ինչպես թույլ չտալ զանգվածների ամբոխացումը

Ինչպես թույլ չտալ զանգվածների ամբոխացումը

Սեպտեմբեր 17, 2018 15:53 Ամբոխի ու կուռքի հարաբերությունները սադո-մազոխիստական սեռական հարաբերությունների են նման: Ամբոխին հեշտ է գայթակղել և օգտագործել:
Հրաժարվել «ինքնաոչնչացման բնազդից»

Հրաժարվել «ինքնաոչնչացման բնազդից»

Սեպտեմբեր 08, 2018 14:00 Մոսկվան կոշտ «մեսիջներ» է հղում, իսկ Երևանը ներսում ձգտում է պահել հեղափոխական պաթոսը: Թե ուր կհասցնի մեզ այս ամենը, կերևա շատ շուտով:
Չմոռանանք, թե ինչու են հավաքվել

Չմոռանանք, թե ինչու են հավաքվել

Մայիս 14, 2018 19:25 Վերջին 27 տարում կադրային ոլորտում հիմնականում առաջնորդվել են «Պոլի փեդ լինի, ՀՀՇ-ից լինի» տխրահռչակ սկզբունքով:
Ռետրո. Շուշիի ազատագրումը. միֆեր և իրականություն

Ռետրո. Շուշիի ազատագրումը. միֆեր և իրականություն

Մայիս 09, 2018 09:40 Եթե հավատալու լինենք պաշտոնական քարոզչությանը, ապա Ղարաբաղյան պատերազմը հաղթել են Սերժ Սարգսյանը և Զորի Բալայանը, բայց դա մեծագույն բլեֆ է:
Հայաստանն առանց Սերժ Սարգսյանի

Հայաստանն առանց Սերժ Սարգսյանի

Ապրիլ 20, 2018 09:30 «Քա՛յլ արա, մերժի՛ր Սերժին» կարգախոսը վերածվել է համազգային գաղափարի: ՀՀԿ ղեկավարը դարձել է համազգային հակահերոս:
Ե՞րբ է իրականում ուրախանում թուրքը

Ե՞րբ է իրականում ուրախանում թուրքը

Մարտ 05, 2018 15:30 Սամվել Բաբայանին ու Վազգեն Սարգսյանին ռազմական դիկտատուրայի մեջ մեղադրողներն այժմ այնպիսի տնտեսական ու քաղաքական դիկտատուրա են հաստատում, որ ...