Կարծիք

Փետրվարի 14, 2018 11:51

Անտեր, հետևիցդ ման եկող, ուտելիք փնտրող շներ էստեղ չկան

Անտեր, հետևիցդ ման եկող, ուտելիք փնտրող շներ էստեղ չկան

Քրքրում էի սևագրություններս ու գտա «Գլենդելում»-ից մի հատված, որը վեպի մեջ չմտցրեցի: Կարոտեցի ու հիմա դրեցի:

…Հավի իմ բաժինը կերա, պրծա ու հավաքում եմ ոսկորները թղթե անձեռոցիկի մեջ, դնելով դրանք «Այքիա»-ից գնած մեր սեղանի եզրին: Արսենը աչքի պոչով հետևում է գործողություններիս` ինքն արդեն կերել, մարսել է իր բաժինը: Սպասումով նայում է երեսիս:

– Հը…- հարցնում եմ,- Ի՞նչը նենց չի:

– Տար զիբիլը թափի, ինչի՞ չես գցում,- իր հերթին զարմանում է նա:

– Զիբիլ չի, ոսկորներ են:

– Սո ուո՞թ:

– Դե….հայաթի շներին կտամ, թող ուտեն, ինչի՞ թափեմ:

Նա հանկարծ ասես միանգամից տարիքով հավասարվում է ինձ ու բերանը ծռելով, մեծահոգի փռթկում է,-

– Մեն, քմո՜ն, ստեղ ըտենց բաներ չկան, տար թափի:

– Ի՞նչ բաներ…

– Թափառող շներ-մներ: Ստեղ ամեն շուն տեր ունի, անտեր հայվաններ չկան, որ ոսկոր տաս:

Չկա՞ն…. մտքովս չէր անցնի: Ես ինձ հիմար վիճակում եմ զգում`դու մի ասա ռոմանտիկ գեղացի եմ, Ամերիկայի նիստուկացին անծանոթ, ի՞նչ իմանայի…

Հակաճառելու բան չունեմ`տանում, չուզելով գցում եմ դեռ տաք ոսկորները խոհանոցի լվացարանի տակի աղբաման-դույլի մեջ, լվանալով մատներս: Բայց քունքերս լսելի դմբդմբում են` ու՞ր եք, հավերժ քաղցած, Երևանի թափառական շներ, ձեր երկար ականջը կանչի` ի~նչ ախորժակով հիմա կխրթխրթացնեիք էս մի բուռ ոսկորը, որ սովորության համաձայն պահել էի ձեզ համար…

Ասես ինձ լրիվ ստորացնելու նպատակով, Արսենն ավելի հարմար է հենվում պլաստիկե մեջքով իր աթոռին ու մի կտոր թխվածք նետելով բերանը, փորը շփելով սկսում է պրոֆեսորի պես բարբաջել` նվաստիս խելք է սովորեցնում,-

– Յանի ըսենց չես կարա Ամերիկայում ապրես, իմանաս…

– Յանի ո՞նց` սենց:

– Էրևանի ձևով…Եթե ուզում ես ստեղ մի բանի հասնես` պտի մի վախտով մոռանաս Էրևանն էլ, անցյալդ էլ, ապրածդ էլ….քու համար եմ ասում` ես էդ սաղ բաների միջով հերթով անցել եմ, բլիվ մի, մեն` հերթով:

Կասեի էս ինքնահավան մեծախոս 5ahelin երկու բառ, կշպպացնեի երեսին մտածածս, բայց չգիտեմ ինչ մտածեմ` կարողացավ ինձ պատին դեմ տալ: Ու աչքիս` իրավացի է, ինձնից քանի տարի շուտ է եկել Լոս:

Հավի ոսկորներից ուր հասանք…. հասանք մի երկիր, ուր թափառական շներ չկան: Փողոցներում, ամենուրեք հայտարարություններ են փակցված սյուներին` կորած կամ փախցրած ընտանի կենդանիների լուսանկարներով և դրամական կարգին պարգևների խոստումներով: Բայց անտեր, հետևիցդ ման եկող, ուտելիք փնտրող ու ջրափոսերից ջուր լակող, միշտ քորվող շներ էստեղ, փաստորեն, չկան: Էստեղ մարդիկ են թափառողները` լավ կյանքի անվերջանալի որոնումների մեջ: Որոնցից մեկն էլ հիմա ես եմ` նախկին ու դեռևս ներկա երևանցիս, կիթառ չունեցող երգահան Ռոբերտ Բորյանս: Հա, Ռոբերթն էստեղ գրվում ու արտասանվում է «թ»-ով, անգլերենում «տ» չկա, դա չմոռանանք…

Քրիստ Մանարյանի ֆեյսբուքյան էջից

Print Friendly and PDF

Այս խորագրի վերջին նյութերը

Եվրամիությունը չգիտի՞, որ այս իշխանության համար 160 մլն եվրոն «ջեբի փող» է

Եվրամիությունը չգիտի՞, որ այս իշխանության համար 160 մլն եվրոն «ջեբի փող» է

Փետրվարի 22, 2018 09:06 ԵՄ-ին թվում է, թե իր տված գումարով սրանք երկիրը ոտքի են կանգնեցնելո՞ւ։
Նստացույց. 88թ. մայիս

Նստացույց. 88թ. մայիս

Փետրվարի 20, 2018 14:50 Մենք չգիտեինք` նստացույցն ինչ է․ Հայաստանում առաջին նստացույցն էր:
Առանց մեկնաբանության (լուսանկար)

Առանց մեկնաբանության (լուսանկար)

Փետրվարի 20, 2018 08:03 Որոնք են Հայաստանի Հանրապետության խորհրդանիշերը։
Հեղինակային երգի ամենանուրբ երակը ...կտրվեց

Հեղինակային երգի ամենանուրբ երակը ...կտրվեց

Փետրվարի 19, 2018 14:32 Այնքան տեսակավոր ու պինդ էր, որ երբե՛ք չքծնեց իշխանություններին, շատերի պես չծամածռվեց ուժեղի առաջ:
Լեգիտիմության պերմանենտ դեֆիցիտ․ ՀՀՇ-ն ԳԽ-ում չուներ որակյալ մեծամասնություն

Լեգիտիմության պերմանենտ դեֆիցիտ․ ՀՀՇ-ն ԳԽ-ում չուներ որակյալ մեծամասնություն

Փետրվարի 18, 2018 15:18 Իրավաբանորեն չանցավ, բայց համարվեց «անցած»։
Երկիրն էլ են սարքել քուչա, կառավարման մեթոդն էլ է քուչի մակարդակի

Երկիրն էլ են սարքել քուչա, կառավարման մեթոդն էլ է քուչի մակարդակի

Փետրվարի 18, 2018 12:51 Սահմանադրությունն էլ են «երկնել» քուչի մակարդակով։
Արմեն Սարգսյանը որոշեց անակնկալի բերել հայությանը

Արմեն Սարգսյանը որոշեց անակնկալի բերել հայությանը

Փետրվարի 17, 2018 07:31 Շուտով կլծվի հայի էության որոնողական աշխատանքներին:
Երկու «գաստրալյոր», տարբեր հոգեվիճակներ

Երկու «գաստրալյոր», տարբեր հոգեվիճակներ

Փետրվարի 16, 2018 09:04 Կրկեսի շենքը ոնց որ ճիշտ ժամանակին էլ ավարտում են։
Արմեն Սարգսյանի ապագա հարցազրույցներից մի հատված

Արմեն Սարգսյանի ապագա հարցազրույցներից մի հատված

Փետրվարի 15, 2018 20:54 Տեղյակ չեմ․ եղել եմ կա՛մ նախագահական պալատում, կա՛մ այցելությունների։
Անտեր, հետևիցդ ման եկող, ուտելիք փնտրող շներ էստեղ չկան

Անտեր, հետևիցդ ման եկող, ուտելիք փնտրող շներ էստեղ չկան

Փետրվարի 14, 2018 11:51 Էստեղ մարդիկ են թափառողները։
Հայաստանի քաղաքական համակարգը (տեսանյութ)

Հայաստանի քաղաքական համակարգը (տեսանյութ)

Փետրվարի 14, 2018 10:48 Կառավարման համակարգի տրամաբանության ցուցադրություն՝ արևելյան անկեղծությամբ:
Իշխանությունն արդեն իր շողքից էլ է վախենում

Իշխանությունն արդեն իր շողքից էլ է վախենում

Փետրվարի 14, 2018 09:34 Այդպես գողերն են վախենում։
Սկսվում է տարերային, չգիտակցված քաոսը

Սկսվում է տարերային, չգիտակցված քաոսը

Փետրվարի 13, 2018 19:06 Այն նաև անվանում ունի` անհնազանդություն: