Երևանի ավագանու նիստի ժամանակ տեղի ունեցածի առնչությամբ քրգործ է հարուցվել
Երևանի ավագանու՝ փետրվարի 13-ի նիստի ժամանակ տեղի ունեցած ծեծկռտուքիառնչությամբ քրեական գործ է հարուցվել: Այս մասին «Ազատությանը» հայտնեց Հայաստանի ոստիկանության լրատվական վարչության պետ Աշոտ Ահարոնյանը:
Նրա փոխանցմամբ, գործը հարուցվել է իրականացված հետաքննության արդյունքներով՝ փետրվարի 16-ին, Քրեական օրենսգրքի 258-րդ հոդվածի («Խուլիգանություն») առաջին և 118-րդ հոդվածի («Ծեծ») առաջին մասերով: Հիշեցնենք՝ միջադեպից հետո իրավապահներին հաղորդումներ էին ներկայացվել թե՛ «Երկիր Ծիրանի» կուսակցությունից, և թե՛ Երևանի քաղաքապետարանից:
Աշոտ Ահարոնյանը տեղեկացրեց նաև, որ քրեական գործը Ոստիկանությունը փոխանցել է Քննչական կոմիտեին:
Հիշեցնենք՝ Երևանի ավագանու այս տարվա առաջին նիստը վերածվեց ծեծկռտուքի, երբ «Երկիր Ծիրանի» խմբակցության կանայք որոշեցին քաղաքապետին հանձնել Նուբարաշեն համայնքի բնակիչների «նվերը»՝ գարշահոտ կոյուղաջուրը։ Ընդդիմադիր կանանց և Հանրապետական խմբակցության անդամ տղամարդկանց քաշքշոցը ուղեկցվեց փոխադարձ վիրավորանքներով, բանը հասավ անգամ Մարինա Խաչատրյանի նկատմամբ տղամարդկանց կողմից ֆիզիկական բռնությանը:
Երևանի ավագանու նիստի ժամանակ տեղի ունեցածի առնչությամբ քրգործ է հարուցվել
Երևանի ավագանու՝ փետրվարի 13-ի նիստի ժամանակ տեղի ունեցած ծեծկռտուքիառնչությամբ քրեական գործ է հարուցվել: Այս մասին «Ազատությանը» հայտնեց Հայաստանի ոստիկանության լրատվական վարչության պետ Աշոտ Ահարոնյանը:
Նրա փոխանցմամբ, գործը հարուցվել է իրականացված հետաքննության արդյունքներով՝ փետրվարի 16-ին, Քրեական օրենսգրքի 258-րդ հոդվածի («Խուլիգանություն») առաջին և 118-րդ հոդվածի («Ծեծ») առաջին մասերով: Հիշեցնենք՝ միջադեպից հետո իրավապահներին հաղորդումներ էին ներկայացվել թե՛ «Երկիր Ծիրանի» կուսակցությունից, և թե՛ Երևանի քաղաքապետարանից:
Աշոտ Ահարոնյանը տեղեկացրեց նաև, որ քրեական գործը Ոստիկանությունը փոխանցել է Քննչական կոմիտեին:
Հիշեցնենք՝ Երևանի ավագանու այս տարվա առաջին նիստը վերածվեց ծեծկռտուքի, երբ «Երկիր Ծիրանի» խմբակցության կանայք որոշեցին քաղաքապետին հանձնել Նուբարաշեն համայնքի բնակիչների «նվերը»՝ գարշահոտ կոյուղաջուրը։ Ընդդիմադիր կանանց և Հանրապետական խմբակցության անդամ տղամարդկանց քաշքշոցը ուղեկցվեց փոխադարձ վիրավորանքներով, բանը հասավ անգամ Մարինա Խաչատրյանի նկատմամբ տղամարդկանց կողմից ֆիզիկական բռնությանը: