Աշխարհ

19.02.2018 21:41


Խոշոր հրդեհ է բռնկվել Թբիլիսիի պատմական շենքերից մեկում

Խոշոր հրդեհ է բռնկվել Թբիլիսիի պատմական շենքերից մեկում

Աղմաշենեբելի 60 հասցեում երեկ ուշ գիշեր խոշոր հրդեհ է բռնկվել: Այն մարելու համար դեպքի վայրում մոբիլիզացվել է 21 հրշեջ մեքենա, 100 հրշեջ-փրկարար:

Արտակարգ իրավիճակների կառավարման գործակալության Թբիլիսիի բաժանմունքի պետի տեղակալ Մամուկա Կղիրիմելին լրագրողներին հայտնել է, որ հրդեհը տարածվել է մոտ 1500 քմ մակերեսով:

«Ուժգին հրդեհի մասին ահազանգ էր ստացվել: Հաջողվել է հրդեհը ժամանակին տեղայնացնել, ոչ ոք վնասվածք չի ստացել»,-ասել է Կղիրիմելին՝ ընդգծելով, որ շենքը պատմական նշանակություն ունի։

«Ցավոք, հրդեհը բռնկվել է Թբիլիսիի նշանավոր կառույցներից մեկում, սա պատմական հուշարձան էր: Հիշյալ ու մոտակա շենքերում ապրողներ չկան: Ձախ կողմում Ֆոլկլորի Ազգային կենտրոնն է, իսկ մյուս կողմում այսպես կոչված «Միխայիլովի» հիվանդանոցը»,-ասել է Չուղուրեթիի թաղապետ Զուրաբ Չիկվիլաձեն:

Աղբյուրը՝ aliq.ge

Այս խորագրի վերջին նյութերը