Խմբագրական

Մարտ 05, 2018 15:30

Ե՞րբ է իրականում ուրախանում թուրքը

Ե՞րբ է իրականում ուրախանում թուրքը

«Թուրքը տեսնում է և ուրախանում»,- հաճախ դեմագոգիկ ձևով հայտարարում են իշխանության ներկայացուցիչները կամ նրանց մանկլավիկները:

Այս ձևակերպումն օգտագործում են այն ժամանակ, երբ ուզում են հակադարձել իշխանությունների ապօրինություններին վերաբերող գնահատականներին: «Թուրք» ասելով էլ նկատի ունեն ոչ միայն թուրքերին, այլ նաև ադրբեջանցիներին:

Իրենք թալանում են, բայց դու պետք է լռես, որպեսզի «թուրքը չուրախանա»: Իրենք կեղծում են ընտրությունները, բայց դու պետք է լռես, որպեսզի «թուրքը չուրախանա»: Իրենք բիզնեսը կենտրոնացնում են, բայց դու պետք է լռես, որպեսզի «թուրքը չուրախանա»: Իրենք վարում են արտագաղթին նպաստող քաղաքականություն, բայց դու պետք է լռես, որպեսզի «թուրքը չուրախանա»:

Թուրքն, իրոք, կարող է ուրախանալ, բայց այլ պատճառներով: Օրինակ՝ Սամվել Բաբայանի դեմ շինծու գործով:

ԼՂՀ ՊԲ նախկին հրամանատարն իր ծննդյան 53-ամյակը դիմավորում է անազատության մեջ, քանզի անկախության նշույլ անգամ չունեցող դատարանի կողմից դատապարտվել է 6 տարվա ազատազրկման:

Ինչպե՞ս կարող է թուրքը չուրախանալ այս առումով: Պատերազմի տարիներին մեր հաղթական բանակը ղեկավարած մարդը հնարովի մեղադրանքներով կալանավորված է: Դա միայն իրական ուրախություն կարող է պատճառել Երևանն ադրբեջանական քաղաք համարող ադրբեջանցիներին: Այնպես որ թուրքն, իրոք, տեսնում և ուրախանում է:

Իսկ ինչո՞ւ այսպես ստացվեց և որտե՞ղ էր Սամվել Բաբայանի քաղաքական սխալը: Ինչո՞ւ երկիրը հայտնվեց գորշության գրկում:

Համաշխարհային պատմության փորձը ցույց է տալիս, որ պատերազմի մեջ կամ հարաբերական հրադադարի ռեժիմում գտնվող երկրում իշխանությունը վերցնում են ռազմական գործիչները, ովքեր հետպատերազմական շրջանում կոշտ ձեռքով իրականացնում են անհրաժեշտ քաղաքացիական փոփոխությունները: Դա, այսպես կոչված, անցումային փուլին բնորոշ երևույթ է: Եվ միայն այդ ձևով է հնարավոր լինում դնել պետության հետագա ժողովրդավարացման հիմքերը: Այդպես էր Թուրքիայում Աթաթուրքի օրոք: Այդպես է պատերազմով անցած մյուս երկրներում: Այդպես է նաև այսօրվա Իսրայելում, որտեղ քաղաքական վերնախավի ճնշող մեծամասնությունը ռազմական ոլորտի մարդիկ են:

Սամվել Բաբայանը պատերազմից հետո ունեցած իր դե ֆակտո իշխանությանը պետք է տար նաև դե յուրե տեսք, սակայն նա խուսափեց դրանից: Նա որոշեց, այսպես ասած, թիմային խաղալ և բավարարվել արժանիորեն ձեռքբերված հանրային մեծ հեղինակությամբ ու բանակով: Սակայն քաղաքականության մեջ այդպես չի լինում: Նա գործեց նույն սխալն, ինչ Ստալինի մահից հետո Ժուկովը: Վերջինս 2-րդ համաշխարհային պատերազմից հետո ուներ շատ բարձր հանրային լեգիտիմություն, քանի որ ղեկավարել էր հաղթանակած սովետական բանակը, բայց ոչ թե գերադասեց իշխանություն վերցնել, այլ, այսպես կոչված, թիմային խաղ տանել՝ օգնելով «կոլխոզնիկ» Խրյուշչովին կուլիսային պայքարում վերցնել իշխանությունը: Ու հենց Խրյուշչովն իր տեղն ամրապնդեց իշխանության մեջ, անմիջապես ձերբազատվեց Ժուկովից:

Բաբայանն իր՝ Վազգեն Սարգսյանին ուղղված նամակում գրել էր, որ ինքը չի ուզում միայնակ խաղալ, չի ուզում, որ ներքին թշնամանք լինի ու պատրաստ է հեռանալ, եթե դա թիմի համար անհրաժեշտ է, բայց երբեք չի համակերպվի այն իրականության հետ, որը հաստատվել էր պատերազմից հետո: Բաբայանն առաջարկում էր մի կողմ դնել անձնական հավակնությունները և նորմալ երկիր կառուցել, որից չեն հեռանա նույն այդ երկրի համար կյանքը չխանայած մարտիկները: Բաբայանն իր զինվորականի շիտակությամբ ու պատերազմի արհավիրք տեսածի պատասխանատվությամբ էր մոտենում խնդիրներին ու կարծում էր, թե անձնական հավակնություններն ու թիմային նեղ շահերը պետք է ստորադասվեն պետականին: Նա այդպես էր մտածում ու սխալմամբ համոզված էր, որ մյուսներն էլ են այդպես մտածում:

Նամակն այդ քաղաքական առումով Բաբայանի համար ցանկալի ընթացք չստացավ, և նա որոշեց բոլոր հարցերը տեղափոխել հրապարակային քաղաքական դաշտ՝ պատրաստվելով 2000թ. ԼՂՀ ԱԺ ընտրություններին, սակայն արդեն ուշ էր, քանզի նրա դեմ գորշությունների ապստամբություն էր հասունացել պետական համակարգում: Պատերազմի ժամանակ թախտի տակ մտածները պատրաստվում էին մսխել հաղթանակը: Ու մսխեցին:

Բաբայանի դեմ գործ սարքվեց և նա հայտնվեց անազատության մեջ: Իշխանության եկավ գորշությունը, որին հետաքրքրում էր միայն սեփականաշնորհումից ակնկալվող թալանն ու բյուջեի մսխումը:

Ի դեպ, Վազգեն Սարգսյանն էլ ուշ սկսեց զբաղվել քաղաքականությամբ, ինչը ճակատագրական եղավ նրա համար: Վրա հասավ «Հոկտեմբերի 27»-ը:

2000թ. մարտի 22-ին Սամվել Բաբայանի ձերբակալությունն Արցախում և «Հոկտեմբերի 27»-ը Հայաստանում նույն շղթայի տարբեր օղակներն էին: Դրանից հետո տեղի ունեցավ այն, ինչին ականատես եղանք բոլորս:

Սամվել Բաբայանին ու Վազգեն Սարգսյանին ռազմական դիկտատուրայի մեջ մեղադրողներն այժմ այնպիսի տնտեսական ու քաղաքական դիկտատուրա են հաստատում, որ ՀՀ քաղաքացիներն ինքնաէվակուացվում են այստեղից:

2016-ին Ռուսաստանից վերադառնալով՝ Սամվել Բաբայանի նպատակը երկրում թալանն ու մսխումը թույլ չտալն էր, քանզի նա տեսնում էր, որ օրեցօր թուլացող Հայաստանը լկտիացնում է Ադրբեջանին:

Այսօր նա բանտում է, իսկ Ալիևը հոխորտում է Երևանը գրավելու մասին: Դրանք փոխկապակցված երևույթներ են: Ու որպեսզի թուրքն իրոք չուրախանա, մենք պետք է տնտեսաքաղաքական նոր վերնախավ ունենանք՝ դիմագրավելու համար մեր ներքին ու արտաքին մարտահրավերներին:

7or.am

Հ.Գ.: Ուշագրավն այն է, որ Ադրբեջանում հերոս են հռչակում այն ճիվաղին, ով մեր քնած սպային կացնահարեց: Իսկ Հայաստանում սարքովի գործով բանտարկում են մեր իրական հերոս Սամվել Բաբայանին: Իսկ ինչո՞ւ չպետք է այսքանից հետո ուրախանա թուրքը:

Հ.Գ.-2: Շնորհավո՛ր ծնունդդ, Սամվե՛լ: Այսպես չի՛ մնա: Ինչ էլ անեն, միևնույն է, մարդու արած գործն է մնում՝ փառահեղ հաղթանակը: Ամեն ինչ դեռ առջևում է:

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: