Աշխարհ

23.04.2018 14:58


Պեսկով. «Հայաստանում տեղի ունեցող իրադարձությունները այդ երկրի ներքին գործն են»

Պեսկով. «Հայաստանում տեղի ունեցող իրադարձությունները այդ երկրի ներքին գործն են»

«Հայաստանում տեղի ունեցող իրադարձությունները այդ երկրի ներքին գործն են»,-այսօր, պատասխանելով մոսկվացի լրագրողների հարցերին, հայտարարել է Ռուսաստանի նախագահի մամուլի խոսնակ Դմիտրի Պեսկովը:

Լրագրողներից մեկի հարցին էլ՝ արդյոք Ռուսաստանի իշխանությունները կարո՞ղ են միջամտել Հայաստանում տեղի ունեցող իրադարձություններին, Պեսկովը հակադարձել է․ «Իսկ ինչո՞ւ պետք է Մոսկվան միջամտի այդ իրադարձություններին: Կարծում եմ, որ հիպոթետիկ բնույթի նման դատողությունները բացարձակապես տեղին չեն»:

Ռուսաստանի նախագահի մամուլի խոսնակը նաև նշել է, որ տեղյակ չէ՝ արդյոք պաշտոնական Երևանը վերջին օրերին փորձե՞լ է կապ հաստատել Կրեմլի հետ` երկրում ստեղծված ներքին կացության առթիվ կոնսուլտացիաներ կազմակերպելու նպատակով:

Աղբյուրը՝ Ազատություն

Այս խորագրի վերջին նյութերը