Մեկնաբանություն

Ապրիլ 25, 2018 11:10

Հեղափոխական տրամաբանություն

Հեղափոխական տրամաբանություն

Հայկական հեղափոխությունը հասավ Սերժ Սարգսյանի հրաժարականին, սակայն հեղափոխությունն ունի իր տրամաբանությունը և չի կարող կիսատ մնալ:

Հիմա Կարեն Կարապետյանն է ուզում դառնալ նոր վարչապետը, բայց դա հնարավոր չէ մի շարք պատճառներով:

1.Հեղափոխության հաղթանակը ենթադրում է ոչ միայն Սերժ Սարգսյանի, այլ նաև նրա ողջ շրջապատի, այսինքն՝ ՀՀԿ-ի, շմայսերի, սաքուլիկների, գագիկհարությունյանների և մյուս օդիոզ ու «թթված» դեմքերի հեռացում:

Հեղափոխությունը հաղթել է և պարզապես ծիծաղելի են հեղափոխության թիրախի փլատակների վրա իշխանություն պահելու փորձերը: Սերժ Սարգսյանը պարտվեց E2E4 քայլից հետո: ՀՀԿ-ին դրանից հետո մնում է միայն համակերպվելը և իրենց արածների դիմաց բումերանգի էֆեկտը զգալը:

2.Կարեն Կարապետյանը քաղաքական մարդ չէ: Նա քաղաքական միտք չարտասանեց Սերժ Սարգսյանի նախագահության օրոք, չի արտասանում նաև հիմա:

Կարապետյանը շանս ուներ դառնալ վարչապետ մինչև հեղափոխությունը, սակայն նա պաշտպանեց Սերժ Սարգսյանի թեկնածությունը, որից հետո դադարեց նրա սուբյեկտայնությունը քաղաքական դաշտում: Կարապետյանի վարկանիշային կտրուկ անկումը ակնհայտ է:

Եթե Կարապետյանը դառնար վարչապետ Սարգսյանի նախագահությունից հետո, ապա փողոցում 10 մարդ չէր հավաքվի ու նրա դեմ չէր պայքարի, բայց քանի որ այժմ լրիվ այլ իրավիճակ է, ապա անտրամաբանական է, որ Կարապետյանը դառնա վարչապետ:

Ակնհայտ է, որ հիմա կռիվը գնում է այն բանի շուրջ, թե ում վարչապետության օրոք է տեղի ունենալու արտահերթ խորհրդարանական ընտրությունը:

Իշխանության մնացուկներն ուզում են, որ դա լինի ավելի շուտ, որպեսզի կարողանան գործող Ընտրական օրենսգրքով խորհրադարան ձևավորել ու գոնե որոշակի չափով հետագայում ինքնապաշտպանվելու հնարավորություն ունենալ: Թե որքանով դա կհաջողվի ճաքեր ու կոտրվածքներ ունեցող իշխանությանը, կախված է փողոցի ուժգնությունից:

3.Քիչ առաջ հրավիրած ասուլիսում Կարեն Կարապետյանն օգտվեց Սերժ Սարգսյանի բառապաշարից՝ նշելով, թե այս վիճակը խանգարում է տուրիզմին ու ներդրումներին: Դա ցույց է տալիս, որ Կարապետյանը ոչ միայն քաղաքականապես անհեռատես է, այլ նաև իր նախորդի պես չի ընկալում հեղափոխական իրավիճակը և չի հասկանում, որ ապաքաղաքական մարդը քաղաքական լարված իրավիճակում պարզապես դատապարտված է:

Ամփոփելով նկատենք, որ հեղափոխության տրամաբանական ավարտը վաղ թե ուշ լինելու է, այն է՝ ամբողջական իշխանափոխություն և Հայաստանի ամբողջական ռեստարտ: Ու լավ կլինի, որ այս ամենը տեղի ունենա անցնցում և անարյուն տարբերակով:

Կորյուն Մանուկյան

Այս խորագրի վերջին նյութերը

Հեղափոխական Լֆիկի փոխակերպումները

Հեղափոխական Լֆիկի փոխակերպումները

Մարտ 18, 2019 18:55 Թե ինչու են հեղափոխականները առանձնահատուկ վերաբերմունք ցուցաբերում Լֆիկի նկատմամբ, կարելի է կռահել: Թե ինչու է վերջինս սիրով լցված հեղափոխականների նկատմամբ, դա էլ դժվար չէ կռահել:
Լուսինե Բադալյանի շուրթերով արձանագրված ճշմարտությունը (տեսանյութ)

Լուսինե Բադալյանի շուրթերով արձանագրված ճշմարտությունը (տեսանյութ)

Մարտ 18, 2019 15:41 Բադալյանն իր գրառմամբ անկեղծացել էր ու Թումանյանի հայտնի ստեղծագործության հերոս Գիքորի պես տան խոսակցությունն արտացոլել ֆեյսբուքյան իր էջում:
Փաշինյանի «ո՛չ, ո՛չ»–ային քաղաքականության առանձնահատկությունները

Փաշինյանի «ո՛չ, ո՛չ»–ային քաղաքականության առանձնահատկությունները

Մարտ 18, 2019 12:00 «Ո՛չ, ո՛չ»–ի արդյունքում մենք դաշնակից ենք կորցնում, նորը չենք գտնում ու բոլորի համար դառնում անվստահելի։
Մի քանի դիտարկում «Օպերա» օպերացիայի կապակցությամբ

Մի քանի դիտարկում «Օպերա» օպերացիայի կապակցությամբ

Մարտ 15, 2019 15:52 Ամեն մի հեղափոխական թիմ իր մեծ ու փոքր վիշինսկիներն ու ենիչերիներն ունի:
Ինչպես է Նիկոլ Փաշինյանը նախապատրաստվում խաղաղության. դուրսը՝ քահանա, ներսը՝ սատանա

Ինչպես է Նիկոլ Փաշինյանը նախապատրաստվում խաղաղության. դուրսը՝ քահանա, ներսը՝ սատանա

Մարտ 15, 2019 12:04 Սրանք «աբիժնիկների», բոմժերի ու նախկին հաճախորդների իշխանություն են ձևավորել, քանզի իրենք են այդպիսին։
ԱկԾիվիստ VS ԱՆՏԻվիստ (տեսանյութ)

ԱկԾիվիստ VS ԱՆՏԻվիստ (տեսանյութ)

Մարտ 14, 2019 19:00 «Թավշյա հեղափոխությունը» յուրօրինակ ցեղասպանություն իրականացրեց: Քաղաքացիական ակԾիվիստը՝ որպես տեսակ,՝ վերացավ:
«Տնտեսական հեղափոխության» դահճային դեմքը

«Տնտեսական հեղափոխության» դահճային դեմքը

Մարտ 14, 2019 10:55 Միայն հեղափոխական Լֆիկով գարուն չի գա։ ... Որքա՞ն կդիմանա Հայաստանն այս նեոբոլշևիկյան էքսպերիմենտին։
Փաշինյանին վերադարձրեցին Կազան

Փաշինյանին վերադարձրեցին Կազան

Մարտ 13, 2019 16:50 Նիկոլ Փաշինյանի «հեղափոխական կուսության» շրջանն ավարտվեց։ Մտնում ենք բանակցային տուրբուլենտության շրջան։
Փաշինյանը Սարգսյանին՝ դու ճիշտ էիր, ես սխալվեցի (տեսանյութ)

Փաշինյանը Սարգսյանին՝ դու ճիշտ էիր, ես սխալվեցի (տեսանյութ)

Մարտ 13, 2019 16:25 Հիմա Փաշինյանը կազանյան գործընթացի շրջանակներում է բանակցելու: Իսկ դա նշանակում է, որ նա հետ է կանգնում իր նախկին հայտարարություններից:
Հարկային տեռորը և Ամուլսարի ոդիսականը

Հարկային տեռորը և Ամուլսարի ոդիսականը

Մարտ 12, 2019 11:50 Ամուլսարի հանքի ոդիսականը բազմաթիվ հարցեր է առաջացնում, իսկ կառավարության անգործությունը՝ կասկածներ։
Նիկոլը սխալվեց ...

Նիկոլը սխալվեց ...

Մարտ 11, 2019 13:35 Նախորդ տարի իշխանափոխությունը տեղի ունեցավ խոստման ու դրա չկատարման պատճառով։ Հիմա խոստումից խուսափում է Փաշինյանը, ընդ որում՝ շատ ավելի ռազմավարական նշանակության հարցում։
«Շան որդի է, բայց մեր շան որդին է»

«Շան որդի է, բայց մեր շան որդին է»

Մարտ 11, 2019 11:50 Արևմտյան կառույցների ու գրանտատուների համար կան լավ ու վատ, սև ու սպիտակ քաղակտիվիստներ։
«Թավշյա հեղափոխության» կոռուպցիոն հմայքը (տեսանյութ)

«Թավշյա հեղափոխության» կոռուպցիոն հմայքը (տեսանյութ)

Մարտ 10, 2019 17:32 «Հեղափոխականների» վերջին հանգրվանը հակակոռուպցիոն «պայքարիստ» դառնալն է։
Սառը ցնցուղ Փաշինյանի վրա

Սառը ցնցուղ Փաշինյանի վրա

Մարտ 10, 2019 15:35 Համանախագահների հայտարարությունը Փաշինյանին բերում է պատասխանատվության դաշտ, ինչից «ժողովրդի վարչապետն» ամեն կերպ փախչում էր։
Ինչու է աղմկում ու «դանոսչիկություն» անում Լևոն Տեր–Պետրոսյանը

Ինչու է աղմկում ու «դանոսչիկություն» անում Լևոն Տեր–Պետրոսյանը

Մարտ 10, 2019 10:45 Երբ Տեր–Պետրոսյանը խոսում է Փաշինյանի անվտանգությունից, դա հուշում է, որ քաղաքական սպանությունների տարիներին նախագահ եղածի մտքով նաև սադրանք է անցնում։
Ինչու է Փաշինյանի իշխանությունը համարվում «սորոսական»

Ինչու է Փաշինյանի իշխանությունը համարվում «սորոսական»

Մարտ 09, 2019 12:55 Եթե մարդ չունի «իզմեր», ապա նրա գլխավոր «իզմը» դառնում է, այսպես ասած, դատարկիզմը։
Ո՞ւմ է ակնարկում Նիկոլ Փաշինյանը (տեսանյութ)

Ո՞ւմ է ակնարկում Նիկոլ Փաշինյանը (տեսանյութ)

Մարտ 06, 2019 16:23 Փաշինյանի ներկայիս թիմը բաժանված է երկու մասի: Նրանց պայմանականորեն կարելի է բաժանել տեղացիների ու սորոսականների:
«Թավշյա հեղափոխության» հունվեյբինները կամ Փաշինյանի «սաքուլիկները»

«Թավշյա հեղափոխության» հունվեյբինները կամ Փաշինյանի «սաքուլիկները»

Մարտ 05, 2019 01:15 Փաշինյանը հանուն իշխանության պահպանման մահապարտ դառնալու ճանապարհն է ընտրել:
Առաջարկ Արայիկ Հարությունյանին (ցանկ)

Առաջարկ Արայիկ Հարությունյանին (ցանկ)

Մարտ 04, 2019 13:34 Փոխել պետք է ամեն ինչ՝ մարդկանց, հիմնը, պատմությունը, ժողովրդին։
Ինչու են Տերպետրոսյանենք «վերևից» քծնում, իսկ «տակից» հարվածում Նիկոլ Փաշինյանին (տեսանյութ)

Ինչու են Տերպետրոսյանենք «վերևից» քծնում, իսկ «տակից» հարվածում Նիկոլ Փաշինյանին (տեսանյութ)

Մարտ 04, 2019 12:55 Եթե Փաշինյանը կանգ չառնի, ապա ինքն ու Լևոն Տեր–Պետրոսյանը կհայտնվեն իրենց իսկ բացած «Պանդորայի արկղում»։