Քաղաքական

27.04.2018 16:48


ՀՀ-ում հավատարմագրված դեսպանները երկրում իրադրության կարգավորումը տեսնում են սահմանադրության շրջանակում (տեսանյութ)

ՀՀ-ում հավատարմագրված դեսպանները երկրում իրադրության կարգավորումը տեսնում են սահմանադրության շրջանակում (տեսանյութ)

Հայաստանի Հանրապետության նախագահ Արմեն Սարգսյանն ընդունել է Հայաստանում Լեհաստանի, Չեխիայի, Հունաստանի, Բուլղարիայի, Շվեյցարիայի արտակարգ և լիազոր դեսպաններին և Ռումինիայի գործերի ժամանակավոր հավատարմատարին: Այս մասին «Արմենպրես»-ին տեղեկացրի ՀՀ Նախագահի աշխատակազմից:

Ողջունելով հյուրերին Հանրապետության նախագահը մեծապես կարևորել է Եվրոպական երկրների և ԵՄ հետ հարաբերությունների հետագա զարգացումը և խորացումը: Նախագահը խոսել է նաև տարվա ընթացքում կայանալիք Հայաստանի Հանրապետության և Մայիսյան հերոսամարտերի 100-ամյակին և Երևանի հիմնադրման 2800-ամյակին նվիրված հոբելյանական միջոցառումների, ինչպես նաև Ֆրանկոֆոնիայի գագաթնաժողովի պատշաճ անցկացման մասին:

Մտքեր են փոխանակվել երկրում ստեղծված իրավիճակի շուրջ: Եվրոպական երկրների դեսպանները հույս են հայտնել, որ ամեն ինչ պետք է կարգավորվի սահմանադրության շրջանակներում և կարևորել Հանրապետության նախագահի դերը այդ գործում:

Այս խորագրի վերջին նյութերը