Խմբագրական

Մայիս 14, 2018 19:25

Չմոռանանք, թե ինչու են հավաքվել

Չմոռանանք, թե ինչու են հավաքվել

Կառավարության նոր կազմն արդեն հայտնի է: Ոմանք դրական գնահատեցին նորանշանակներին, իսկ ոմանք՝ բացասական: Երկու դեպքում էլ գնահատականի հիմքում կար և՛ օբյեկտիվ, և՛ սուբյեկտիվ պահ:

Մեր կարծիքով՝ քննադատությունը կամ գովքը սխալ տեղից է սկսած, բայց ստեղծված իրավիճակում դա հասկանալի է: Տարիքը, խնամիածանոթական կապերը կամ ընկերությունը քննության առարկա են դարձել, քանզի հեղափոխությունը գաղափարական ու բովանդակային առումով, մեղմ ասած, կաղում է: Պետք է կադրին գնահատել ըստ չափելի արդյունքների ու համեմատելի ծրագրերի: Դրանք առայժմ չկան: Նորանշանակներից մեծ մասի տեսակետներն իրենց վստահված ոլորտների վերաբերյալ հայտնի չեն, ուստի անիմաստ է գնահատել նրանց լավ կամ վատ լինելը (հատկապես որ էմոցիոնալ փուլ է և ռացիոնալ գնահատականը հանդիպում է մարտնչող տգիտության հարձակումներին):

Կառավարման մեջ կա ոսկե կանոն, այն է՝ ֆունկցիան պետք է որոշի կառուցվածքը, իսկ կառուցվածքում արդեն պետք է տեղավորել համապատասխան կադրերին: Հետանկախական Հայաստանում հիմնականում հակառակն է եղել՝ անձն է որոշել ֆունկցիան ու անձն է դրվել առաջին տեղում, այլ ոչ թե գաղափարն ու ֆունկցիան:

Վերջին 27 տարում կադրային ոլորտում հիմնականում առաջնորդվել են «Պոլի փեդ լինի, ՀՀՇ-ից լինի» տխրահռչակ սկզբունքով, այսինքն՝ կարևորը մեր «կռուգից» լինի, ջհանդամ թե անփորձ կամ անգրագետ չէ:

Հիմա առանձնապես բան չի փոխվել: Այնպես որ շատ պետք չէ խորանալ, ասենք, Օսիպյանի կամ մյուս պաշտոնյաների հարցում:

Մեր կարծիքով, պետք չէ երկարաժամկետում դիտարկել այս կառավարության գործունեությունը: Սա ժամանակավոր կառավարություն է՝ իր ժամանակավոր խնդիրներով, որոնք պետք է շատ արագ լուծվեն: Այդ խնդիրները հետևյալն են՝

1. ազատ արձակել անխտիր բոլոր քաղբանտարկյալներին՝ ոմանց մասով կիրառելով արդարացման, իսկ ոմանց մասով՝ ներման ինստիտուտը:

2. ընդունել Ընտրական նոր օրենսգիրք, որի շրջանակներում պետք է խստագույն պատիժներ սահմանվեն ընտրակեղծիքների համար, ընտրակաշառքը պետք է քրեականացվի, ռեյտինգային կոչված ընտրակարգը պետք է վերացվի, անհրաժեշտ է սահմանել 100 տոկոսանոց համամասնական ընտրակարգ, հանել բոնուսային մեխանիզմը և այլն,

3.օրենսդրորեն ապամոտաժել Սերժ Սարգսյանի վրայով կարված սուպերվարչապետական համակարգը՝ լիազորությունները վերաբաշխելով ՀՀ նախագահի, խորհրդարանի ու կառավարության միջև,

4. նախապատրաստել արտահերթ խորհրդարանական ընտրությունները՝ տեխնիկական մասով:

Իհարկե, կան նաև այլ խնդիրներ (բյուջետային, հարկային և այլ բնույթի), որոնք ժամանակավոր կառավարությունը պետք է լուծի, սակայն վերը նշվածներն այն խնդիրներն են, որոնք եթե չլուծվեն մինչև արտահերթ ընտրությունները, ապա այդ ընտրությունները չեն կարող լեգիտիմ համարվել:

Պարզ է, որ եթե թեկուզ մեկ քաղբանտարկյալ մնա բանտում, ապա բոլոր առումներով դա ապալեգիտիմացնելու է առաջիկա ընտրությունները: Եվ ուրեմն, եկեք չմոռանանք, թե ինչու է հավաքվել այս նոր կառավարությունը: Մնացած խոսակցություններն արդեն արտահերթ ընտրությունների փուլում ու դրանից հետո կունենանք:

7or.am

Հ.Գ.: Հեղափոխական ալիքը միշտ էլ դրական բաների հետ համատեղ ջրի երես է հանում նաև փրփուրը, բայց ժամանակն ամեն ինչ իր տեղը կդնի:

Կարևորն այն է, որ Սերժ Սարգսյանը հեռացվել է, ու մենք ժամանակակից պետություն կառուցելու հնարավորություն ենք ստացել: Կօգտագործե՞նք, թե՞ ոչ այդ հնարավորությունը, կախված է բացառապես մեզանից:

Սա մեր 2-րդ հնարավորությունն է 88-ի շարժումից հետո: Առաջին երկուսն այդքան էլ լավ չեն օգտագործվել, որի արդյունքն էր նաև ՀՀԿ-իզմը և երկրում տիրող գաղջ մթնոլորտը:

2-րդ հնարավորությունը բաց թողնելու իրավունք չունենք:

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: