Տնտեսական

Մայիս 15, 2018 11:43

Բողոքի գործողություններ են իրականացնում «Էջմիածին ՋՕԸ»-ի, Արարատի ցեմենտի գործարանի և Արարատի ոսկու կորզման գործարանի աշխատակիցները (տեսանյութ)

Բողոքի գործողություններ են իրականացնում «Էջմիածին ՋՕԸ»-ի, Արարատի ցեմենտի գործարանի և Արարատի ոսկու կորզման գործարանի աշխատակիցները (տեսանյութ)

«Էջմիածին ՋՕԸ»-ի աշխատակիցներն այսօր դարձյալ հավաքվել են գլխամասի գրասենյակի դիմաց և պահանջում են իրենց աշխատավարձերը: Նրանց հետ էին նաև մի խումբ գյուղացիներ, ովքեր ոռոգման ջուր են պահանջում, որ սածիլ տնկեն դաշտերում:

Աղավնատուն գյուղի բնակիչ Մխիթար Վրթանեսյանն ասաց, որ պոմպակայանի հարևանությամբ է գտնվում հողամասը, սակայն երրորդ օրն է՝ չի կարողանում սածիլ անել, պոմպակայանը չեն միացնում: Այս մասին հայտնում է Հետք-ը։

Մխիթարն ասաց, որ վնաս է կրում, օրը 8000 դրամ բանվորի գումար է տալիս: Ջրօգտագործողների ընկերության տնօրեն Վլադիկ Հովսեփյանը հեռախոսով հանձնարարեց միացնել պոմպակայանը:

Վլադիկ Հովսեփյանը գյուղացիների մոտ եկավ փողկապով, սպիտակ տաբատով ու վերնաշապիկով: Գյուղացիները դժգոհեցին, որ նա «չինովնիկ է» և գյուղացիներին վերևից է նայում: Վերևից նայելը պատճառաբանվեց նաև աստիճանների վրա կանգնելով ու ներքևում կանգնածների հետ խոսելով:

«ԳեոՊրոՄայնինգ Գոլդ» ընկերության Արարատի ոսկու կորզման գործարանի աշխատակիցներն էլ գործադուլ են հայտարարել, պահանջում են՝ գործարանի ղեկավարությունն իրենց իրավունքները չոտնահարի: Tert.am-ի հետ զրույցում աշխատակիցներից մեկը պատմեց, որ այս պահին գործարանը չի աշխատում, աշխատակիցներն առավոտյան գործարան չեն մտել:

«Մենք պահանջում ենք, որ մեր իրավունքները չոտնահարեն: Գործարանի ղեկավարությունը խախտում է մեր իրավունքները՝ շատ աշխատացնելով՝ քիչ աշխատավարձ տալով»,-ասաց նա և պատմեց, որ բողոքողները գործարանի բանվորներն են, ղեկավարները շատ բարձր աշխատավարձ են ստանում:

Ըստ նրա՝ իրենց պահանջը ոչ միայն աշխատավարձի բարձրացումն է, այլ նաև՝ սոցփաթեթներ տրամադրելը: «Գործարանում աշխատելը վտանգավոր է առողջությանը, թունավոր նյութերի հետ ենք աշխատում: Բայց, երբ հիվանդանում ենք, գնում ենք հիվանդանոց, և բյուլետենի օրերը շատ են լինում, աշխատավարձից են հանում»,-ասաց աշխատակիցը՝ նշելով, որ գործարանի ղեկավարությունն ընդհանրապես չի մտահոգվում իր աշխատակիցների առողջությամբ:

Ըստ Ոսկու կորզման գործարանի աշխատակցի՝ բողոքում են բոլոր աշխատակիցները, նշյալ պահանջների տակ ստորագրել է գործարանի աշխատակիցների ութսուն տոկոսը:

Արարատի ցեմենտի գործարանի մի քանի հարյուր աշխատակիցներ ևս բողոքի ակցիա են իրականացնում գործարանի դիմաց: Նրանք NEWS.am-ի թղթակցի հետ զրույցում նշեցին, որ պահանջում են աշխատավարձերի ժամանակին վճարում, ինչպես նաեւ աշխատավարձերի բարձրացում, քանի որ շատ ցածր աշխատավարձով են աշխատում՝ 60-80 հազար դրամ:

Գործարարնի տնօրեն Մանուկ Առաքելյանը իջել է ներքեւ, փորձել համոզել, որ հեռանան գործարանի դիմացից, սակայն ապարդյուն:

7or.am

Print Friendly and PDF

Այս խորագրի վերջին նյութերը

Արտարժույթի ներբանկային շուկայում բանկերի կողմից գնվել է 89,424,111 ԱՄՆ դոլար

Արտարժույթի ներբանկային շուկայում բանկերի կողմից գնվել է 89,424,111 ԱՄՆ դոլար

Հուլիս 21, 2018 13:19 479.91 դրամ ԱՄՆ մեկ դոլարի դիմաց միջին փոխարժեքով:
Կառավարությունը ՊԵԿ-ին կհատկացնի լրացուցիչ 1 մլրդ 873 մլն դրամ

Կառավարությունը ՊԵԿ-ին կհատկացնի լրացուցիչ 1 մլրդ 873 մլն դրամ

Հուլիս 19, 2018 17:50 Ծխախոտի ակցիզային դրոշմանիշերի և դրոշմապիտակների ձեռքբերման համար:
ՊԵԿ-ը պարզաբանում է Դավիթ Անանյանի հայտարարությունը

ՊԵԿ-ը պարզաբանում է Դավիթ Անանյանի հայտարարությունը

Հուլիս 16, 2018 15:04 Փաստացի սեփականատերերի մասին տեղեկատվությունը՝ ապացույցների հիման վրա։
Հաշվարկվել է 1.259.610 ՀՀ դրամի շրջակա միջավայրին հասցված վնաս

Հաշվարկվել է 1.259.610 ՀՀ դրամի շրջակա միջավայրին հասցված վնաս

Հուլիս 11, 2018 19:22 Արձանագրվել է 14 իրավախախտում։
2 միլիարդ դրամին ավելացել է ևս 600 մլն դրամ

2 միլիարդ դրամին ավելացել է ևս 600 մլն դրամ

Հուլիս 10, 2018 20:27 «Կարգո»-ների գործով ՊԵԿ-ը նոր հաշվարկներ է ներկայացրել:
Վերականգնվել է 20 մլրդ 622 մլն դրամի վնաս կամ չվճարված հարկ

Վերականգնվել է 20 մլրդ 622 մլն դրամի վնաս կամ չվճարված հարկ

Հուլիս 10, 2018 14:34 Հարկային պարտավորությունների չկատարման մասով։
Արտարժույթի ներբանկային շուկայում բանկերի կողմից գնվել է 65,017,091 ԱՄՆ դոլար

Արտարժույթի ներբանկային շուկայում բանկերի կողմից գնվել է 65,017,091 ԱՄՆ դոլար

Հուլիս 07, 2018 17:26 482,08 դրամ ԱՄՆ մեկ դոլարի դիմաց միջին փոխարժեքով։
Հայաստանի օդանավակայաններում ուղևորահոսքն աճել է 10.3 տոկոսով

Հայաստանի օդանավակայաններում ուղևորահոսքն աճել է 10.3 տոկոսով

Հուլիս 04, 2018 18:23 Ուղևորահոսքը հունվար-հունիս ամիսներին կազմել է 1 մլն 206 հազար 952 մարդ։
Լարսի անցակետում հայկական բեռնատարների կուտակումներ են

Լարսի անցակետում հայկական բեռնատարների կուտակումներ են

Հուլիս 03, 2018 12:13 Վարորդներից շատերը արդեն 7 օր է՝ անցակետում են: