Քաղաքական

Հունիս 12, 2018 20:24

Մանե Թանդիլյանը հրաժարական է տվել

Մանե Թանդիլյանը հրաժարական է տվել

Աշխատանքի և սոցիալական հարցերի նախարար Մանե Թանդիլյանը հայտնել է նախարարի պաշտոնում իր լիազորությունները դադարեցնելու մասին՝ պայմանավորված կուտակային կենսաթոշակի պարտադիր բաղադրիչի վերաբերյալ իր և կառավարության այլ անդամների դիրքորոշման տարբերություններով: Մանե Թանդիլյանի հայտարարությունը ներկայացնում ենք ստորև.

«Սիրելի հայրենակիցներ,

Կառավարության երեկվա նիստում քննարկվում էր պարտադիր կուտակային համակարգի ամբողջական ներդրման հարցը։ Դուք տեղյակ եք իմ դիրքորոշմանը, որը ես հայտնել եմ դեռ տարիներ առաջ՝ համակարգի պարտադիր բաղադրիչի վերաբերյալ։ Նշանակվելով Աշխատանքի և սոցիալական հարցերի նախարար, իմ դիրքորոշումը հայտնել եմ պարտադիր բաղադրիչի ամբողջական ներդնումը 1 տարով հետաձգելու և հանրային քննարկումների միջոցով համակարգը փոփոխելու տեսքով՝ շահառուների համար գրավիչ տարբեր լուծումներ տալու, առանցքում ունենալով ազատ կամահայտնության սկզբունքը։ Այս ճանապարհը ևս ուներ որոշակի բարդություններ, բայց ես հայտնել եմ իմ պատրաստակամությունը այդ աշխատանքները նախաձեռնելու, հանրության լայն շերտերի հետ լայնամասշտաբ աշխատանքներ իրականացնելու՝ լավագույն և հանրության համար ընդունելի լուծումը գտնելու համար։

Երկար քննարկումներից հետո պարզ դարձավ, որ իմ առաջարկը չունի կառավարության աջակցությունը։ Փոխարենը առաջ քաշվեց այլ տարբերակ, որն էլ ներկայացվեց և հաստատվեց կառավարության նիստում։

Այս հարցը սկզբունքային նշանակություն ունի ինձ համար։ Պարտադիր բաղադրիչը չուներ և չունի հանրության աջակցությունը, և դրա պատճառները բազմաթիվ են և բազմաշերտ։ Այն ունի թե՛ սոցիալական, թե՛ իրավական, թե՛ քաղաքական, թե՛ համակարգային խնդիրներ, և առանց հանրության հետ քննարկելու, խնդիրները բացահայտելու և միասնական և ընդունելի լուծումներ գտնելու, ես ճանապարհ չեմ տեսնում պարտադիր բաղադրիչի ամբողջ ծավալով ներդրման համար։ Ես լիահույս էի, որ նոր կառավարությունը այս խնդրի լուծման նոր ճանապարհով կգնա։ Նախորդ իշխանությունների կողմից խնդիրների լուծման իմպերատիվ մեթոդները ընդունելի չեն ինձ համար։

Սիրելի հայրենակիցներ, ես դեմ եմ եղել պարտադիր կուտակային համակարգին, իմ համախոհների հետ միասին այդ համակարգի դեմ կազմակերպել եմ ցույցեր, և հիմա էլ գտնում եմ, որ կուտակային համակարգը պետք է առանցքում ունենա ազատ կամահայտնության և ընտրության հնարավորության սկզբունքը, հաշվի առնելով համակարգի ռիսկայնությունը և երկարաժամկետությունը։

Այս գրառումով ես դադարեցնում եմ Աշխատանքի և սոցիալական հարցերի նախարարի իմ լիազորությունները, որոնք եղել են բացառապես ՀՀ քաղաքացիներին ծառայելու գործիքներ։

Գործող կառավարությանը մաղթում եմ բազում հաջողություններ և հեռատեսություն՝ ի շահ ժողովրդավարական Հայաստանի։

Հաշվի առնելով այն հանգամանքը, որ ես կառավարության անդամ եմ դարձել որպես Լուսավոր Հայաստան կուսակցության անդամ, ես դադարեցնում եմ նաև կուսակցության անդամակցությունը՝ հաստատակամ աջակցելու իմ ընկերներին լուսավոր Հայաստան կերտելու գործում։

Այսօրվանից, արդեն որպես քաղաքացի, շարունակելու եմ ուշի-ուշով հետևել քաղաքական բոլոր զարգացումներին, ջանք չխնայելով հայոց պետականության կայացման համար։

Եղե՛ք երջանիկ, և խաղաղությու՛ն մեր սահմաններին․․․
Հարգանքով՝ Մանե Թանդիլյան»։

Print Friendly and PDF

Այս խորագրի վերջին նյութերը

Բակո Սահակյանն անվտանգության խորհրդի նիստ է հրավիրել

Բակո Սահակյանն անվտանգության խորհրդի նիստ է հրավիրել

Օգոստոս 14, 2018 20:03 Քննարկվել են նաև արցախա-ադրբեջանական սահմանի ներկա իրավիճակին վերաբերող հարցեր:
Մարտի 1-ի գործը ԱՄՆ կառավարության ուշադրության կենտրոնում է. դեսպան Միլս

Մարտի 1-ի գործը ԱՄՆ կառավարության ուշադրության կենտրոնում է. դեսպան Միլս

Օգոստոս 14, 2018 19:59 «ԱՄՆ կառավարությունը վաղուց ցանկանում էր տեսնել ամբողջական և անկողմնակալ քննությունը»։
Վարդան Բոստանջյանի պատգամավորական մանդատը փոխանցվեց Այծեմնիկ Օհանյանին

Վարդան Բոստանջյանի պատգամավորական մանդատը փոխանցվեց Այծեմնիկ Օհանյանին

Օգոստոս 14, 2018 17:54 «Համապետական ընտրական ցուցակի հերթական հաջորդ թեկնածուն էր»։
Ակցիա կառավարության դիմաց. «ՄՄՄ» ընկերությունը չի վճարում աշխատավարձերը (տեսանյութ)

Ակցիա կառավարության դիմաց. «ՄՄՄ» ընկերությունը չի վճարում աշխատավարձերը (տեսանյութ)

Օգոստոս 14, 2018 14:24 Ընկերությունն աշխատակիցներին պարտք է 74. 945. 692 դրամ գումար:
«Իշխանությունը վախենում է, որ Ռոբերտ Քոչարյանը խոսի». Վիկտոր Սողոմոնյան

«Իշխանությունը վախենում է, որ Ռոբերտ Քոչարյանը խոսի». Վիկտոր Սողոմոնյան

Օգոստոս 14, 2018 14:00 Անդրադարձել է ասուլիսի տապալմանը։
Ռոբերտ Քոչարյանի մամուլի ասուլիսը չկայացավ (տեսանյութ)

Ռոբերտ Քոչարյանի մամուլի ասուլիսը չկայացավ (տեսանյութ)

Օգոստոս 14, 2018 12:30 Ընդդեմ ՀՀ 2-րդ նախագահի բողոքի ակցիա իրականացնող ցուցարարները ներխուժել են ասուլիսի սրահ։
ՀՀ ԱԳՆ-ն ճշտում է Յուրի Խաչատուրովի ՌԴ քաղաքացիության մասին տեղեկատվությունը

ՀՀ ԱԳՆ-ն ճշտում է Յուրի Խաչատուրովի ՌԴ քաղաքացիության մասին տեղեկատվությունը

Օգոստոս 14, 2018 12:25 ՀԱՊԿ գլխավոր քարտուղարի փոփոխման շուրջ ընթացող գործընթացը շարունակվում է:
«Ես նման անգրագետ արձագանք չէի սպասում ՀՔԾ-ից». Քոչարյանի ազատման որոշումը կայացրած դատավոր

«Ես նման անգրագետ արձագանք չէի սպասում ՀՔԾ-ից». Քոչարյանի ազատման որոշումը կայացրած դատավոր

Օգոստոս 14, 2018 09:11 «Դեռևս որոշումը չկարդացած, ՀՔԾ-ն գնահատական է տալիս՝ ապօրինի է, թե ոչ»։
ՀՔԾ-ն Ռոբերտ Քոչարյանի հարցով Վերաքննիչ դատարանի որոշումն ապօրինի է համարում

ՀՔԾ-ն Ռոբերտ Քոչարյանի հարցով Վերաքննիչ դատարանի որոշումն ապօրինի է համարում

Օգոստոս 13, 2018 20:10 Հույս ունեն, որ դատախազությունը վճռաբեկ բողոք կներկայացնի։
Դատարանը Ռոբերտ Քոչարյանին ազատ արձակեց (տեսանյութ)

Դատարանը Ռոբերտ Քոչարյանին ազատ արձակեց (տեսանյութ)

Օգոստոս 13, 2018 16:20 Բավարարել է պաշտպանների բողոքը և Ռ․Քոչարյանի նկատմամբ կիրառված կալանքը վերացրել է՝ համարելով, որ նա օրենքով անձեռնմխելի է։
Տոնոյանը Շոյգուին է ներկայացրել Նախիջևանի ուղղությամբ տիրող իրավիճակը

Տոնոյանը Շոյգուին է ներկայացրել Նախիջևանի ուղղությամբ տիրող իրավիճակը

Օգոստոս 11, 2018 22:33 Անդրադարձել են ՀԱՊԿ-ի շրջանակներում համատեղ ծրագրերին։