Աշխարհ

Հունիս 14, 2018 20:21

Վրաստանի իշխող ուժը վարչապետի պաշտոնում առաջադրեց 36-ամյա Մամուկա Բախտաձեի թեկնածությունը

Վրաստանի իշխող ուժը վարչապետի պաշտոնում առաջադրեց 36-ամյա Մամուկա Բախտաձեի թեկնածությունը

Վրաստանի հաջորդ վարչապետի պաշտոնում իշխող «Վրացական երազանք» կուսակցությունը առաջադրում է Ֆինանսների նախարար Մամուկա Բախտաձեի թեկնածությունը: Այս մասին «Վրացական երազանքի» ներկայացուցիչները հայտարարեցին հինգշաբթի երեկոյան կուսակցության ղեկավար մարմնի ավելի քան մեկ ժամ տևած նիստից հետո:

36-ամյա Բախտաձեն մի քանի տարի շարունակ ղեկավարում էր «Վրացական երկաթուղիներ» ընկերությունը, 2017-ի նոյեմբերին նշանակվել էր Ֆինանսների նախարարի պաշտոնում:

«Ինձ համար այս պաշտոնի ստանձնումը մեծ պատիվ է: Իմ գործունեության ընթացքում հիմնական առաջնահերությունները լինելու են վրաց ժողովրդի աշխարհքաղաքական ընտրության` Եվրատլանտյան ինտեգրման գործընթացի հետագա ծավալումը, ինչպես նաև նորարարական, համապարփակ բարեփոխումների անցկացումը»,-նշել է Բախտաձեն:

Խորհրդարանի կողմից հաստատվելու դեպքում Բախտաձեն կդառնա երրորդ գործիչը, որ կզբաղեցնի Կառավարության ղեկավարի պաշտոնը Բիձինա Իվանիշվիլիի` 2013-ին ներկայացրած հրաժարականից հետո:

Վրաստանի քաղաքական շրջանակներում, սակայն, վստահ են, որ Իվանիշվիլին հերթական անգամ խուսափում է պատասխանատվությունից` գերադասելով վարչապետի պաշտոնում նշանակել իրենից լիակատար կախվածության մեջ գտնվող ենթականերից մեկին:

«Մենք պետք է վերջ տանք քաղաքական դիմակահանդեսի այս ժամանակաշրջանին, երբ վարչապետեր են ընտրվում, սակայն ո՛չ Վրաստանի հանրություն, ո՛չ էլ մեր գործընկերները արտերկրում չեն հասկանում, թե ինչ սկզբունքով են ընտրվել այդ մարդիկ: Եթե մենք խոսում ենք եվրոպական ուղու ընտրության և եվրոպական չափանիշներին համապատասխանող պետության կերտման մասին, ապա պետք է հասկանանք, որ վարչապետի պաշտոնը զբաղեցնում է իշխող կուսակցության ղեկավարը: Այդ իսկ պատճառով ես կարծում եմ, որ եթե մենք խոսում ենք պատասխանատու քաղաքականության, պետության և հանրության համար հասկանալի կառավարման համակարգի ձևավորման մասին, ապա հենց Բիձինա Իվանիշվիլին պետք է զբաղեցնի վարչապետի պաշտոնը»,-արձագանքելով Կառավարության հերթական փոփոխությանը՝ այսօր հայտարարել է Վրաստանի նախագահը:

Հիշեցնենք, որ Վրաստանի վարչապետ Գիորգի Կվիրիկաշվիլին հրաժարական ներկայացրեց երեկ երեկոյան: 2015-ի դեկտեմբերից Կառավարության ղեկավարի պաշտոնը զբաղեցնող Կվիրիկաշվիլին որպես իր այս քայլի գլխավոր պատճառ մատնանշել է իշխող «Վրացական երազանքի» ներսում առկա տարաձայնությունները․

«Իմ և իշխող թիմի միջև մի շարք ուղղություններով տարաձայնություններ են ի հայտ եկել: Խոսքը, մասնավորաբար, մեր Կառավարության վարած տնտեսական քաղաքականության մասին է: Ցանկանում եմ նաև ընդգծել, որ վերջին մի քանի ամիսներին մի շարք հիմնարար թեմաների շուրջ ես և «Վրացական երազանք»-ի ղեկավար Բիձինա Իվանիշվիլին տարբեր մոտեցումներ որդեգրեցինք: Ես դա բավական նորմալ գործընթաց եմ համարում»:

«Վրացական երազանքի» ներկայացուցիչները, ի դեպ, այսօր որոշ մանրամասներ են հաղորդել Կվիրիկաշվիլիի հրաժարականի իրական դրդապատճառների մասին: «Վրացական երազանքի» անդամ Դավիթ Չիչինաձեն «Ռուսթավի 2» հեռուստաընկերության եթերում պատմել է, որ իշխող թիմի ներսում առկա հիմնական տարաձայնությունները վերաբերում էին երկրում տիրող տնտեսական կացությանը:

«Հիմնական տարաձայնությունները, որ առկա էին վարչապետի և Իվանիշվիլիի միջև, վերաբերում էին բանկային համակարգի կարգավորումներին, ինչպես նաև Անակլիայի նավահանգստին, որը որը վերջերս հանձնվել էր գործարար Մամուկա Խազարաձեին պատկանող ընկերություններից մեկին», -նշել է պատգամավորը:

Աղբյուրը՝ Ազատություն

Այս խորագրի վերջին նյութերը

Վենսան Քասելի հղի կինն ուրախացրել է երկրպագուներին (լուսանկարներ)

Վենսան Քասելի հղի կինն ուրախացրել է երկրպագուներին (լուսանկարներ)

Հունվար 23, 2019 20:45 Թինան ու Վենսանն ապրում են Բրազիլիայում։
Սոցցանցում գրառում անելու համար Թուրքիայում շարունակում են մարդ ձերբակալել

Սոցցանցում գրառում անելու համար Թուրքիայում շարունակում են մարդ ձերբակալել

Հունվար 23, 2019 18:29 Էրդողանին վիրավորող գրառում անելու համար։
Բաքվի ոստիկանությունը մտադիր է արգելել ընդդիմության հանրահավաքները քաղաքի վարչական սահմաններում

Բաքվի ոստիկանությունը մտադիր է արգելել ընդդիմության հանրահավաքները քաղաքի վարչական սահմաններում

Հունվար 23, 2019 17:30 Քաղաքացիների շրջանում խուճապային տրամադրություններ են առաջացել։
Տիմոշենկոն՝ Ուկրաինայի նախագահի թեկնածու

Տիմոշենկոն՝ Ուկրաինայի նախագահի թեկնածու

Հունվար 23, 2019 15:58 Պաշտոնապես առաջադրվել է իր կուսակցության՝ «Բատկիվշչինայի» համագումարում։
Հունվարի 23-ի գիշերը Մոսկվայում ամենացուրտն է եղել 127 տարվա ընթացքում

Հունվարի 23-ի գիշերը Մոսկվայում ամենացուրտն է եղել 127 տարվա ընթացքում

Հունվար 23, 2019 13:35 Առաջիկա գիշերներին նույնպես սառնամանիք կլինի։
Վենեսուելայում ցուցարարներն այրել են Չավեսի արձանը

Վենեսուելայում ցուցարարներն այրել են Չավեսի արձանը

Հունվար 23, 2019 12:10 Մադուրոյի դեմ բողոքի ցույցեր են սկսվել։
Թուրքիայում 75-ամյա ընդդիմադիր լրագրողը դատապարտվել է 5 տարի 10 ամիս ազատազրկման

Թուրքիայում 75-ամյա ընդդիմադիր լրագրողը դատապարտվել է 5 տարի 10 ամիս ազատազրկման

Հունվար 23, 2019 11:40 «Գաղտնիություն պարունակող տեղեկությունները բացահայտել է»։
Պուտին-Էրդողան հանդիպումից առաջ Լավրովն ու Չավուշօղլուն հեռախոսազրույց են ունեցել

Պուտին-Էրդողան հանդիպումից առաջ Լավրովն ու Չավուշօղլուն հեռախոսազրույց են ունեցել

Հունվար 23, 2019 11:34 Թե ինչ են քննարկել, աղբյուրներն առայժմ չեն հրապարակում։ 
Աջարիայի ևս 2 բնակիչ է մահացել «խոզի գրիպից». Rustavi2

Աջարիայի ևս 2 բնակիչ է մահացել «խոզի գրիպից». Rustavi2

Հունվար 23, 2019 11:20 48-ամյա մի կին և 33-ամյա մի տղամարդ:
Ճապոնիայում կարծում են, որ ՌԴ–ի հետ հաշտության պայմանագրի կնքումը ժամանակ կպահանջի

Ճապոնիայում կարծում են, որ ՌԴ–ի հետ հաշտության պայմանագրի կնքումը ժամանակ կպահանջի

Հունվար 23, 2019 10:45 Այդ հարցը չի կարելի լուծել մի քանի բանակցություններով:
Ներկայացուցիչների պալատի ընդունած օրինագիծը Թրամփին արգելում Է ԱՄՆ-ը դուրս բերել ՆԱՏՕ-ից

Ներկայացուցիչների պալատի ընդունած օրինագիծը Թրամփին արգելում Է ԱՄՆ-ը դուրս բերել ՆԱՏՕ-ից

Հունվար 23, 2019 10:32 Արգելում է դաշինքից դուրս գալու բոլոր փորձերը։
Երգիչ Քրիս Բրաունին ձերբակալել են խմբակային բռնաբարությանը մասնակցելու կասկածանքով

Երգիչ Քրիս Բրաունին ձերբակալել են խմբակային բռնաբարությանը մասնակցելու կասկածանքով

Հունվար 22, 2019 21:20 2 այլ տղամարդու հետ 24-ամյա աղջկա է բռնաբարել։
11 ամսում Թուրքիայից 450 մլն դոլարի ձմեռային հագուստ է արտահանվել

11 ամսում Թուրքիայից 450 մլն դոլարի ձմեռային հագուստ է արտահանվել

Հունվար 22, 2019 20:45 Սվիտերներ, վերարկուներ և բաճկոններ։
Բարձրագույն կրթություն չստացած միլիարդատերերը (ֆոտոշարք)

Բարձրագույն կրթություն չստացած միլիարդատերերը (ֆոտոշարք)

Հունվար 22, 2019 19:46 Չի խանգարել բարձունքներ նվաճել։
Թաթար երգչուհին մահացել է բեմի վրա (տեսանյութ)

Թաթար երգչուհին մահացել է բեմի վրա (տեսանյութ)

Հունվար 22, 2019 19:00 Ելույթ ունենալիս։
Ահաբեկչության հետ կապի մեղադրանքով Թուրքիայում 33․000 քաղաքացի է բանտարկվել

Ահաբեկչության հետ կապի մեղադրանքով Թուրքիայում 33․000 քաղաքացի է բանտարկվել

Հունվար 22, 2019 18:40 Ընթացքի մեջ է ավելի քան 48․000 քրգործ։