Հերոսից դավաճանի վերածված Մանվել Գրիգորյանի հարցի քննարկումը ԱԺ-ում տևեց մոտ մեկուկես ժամ:
Երկրում տիրող թալանի, անպատժելիության, քրեական ու հակամարդկային մթնոլորտի, արցունքով շաղախված մանուկների նամակների, սարսափելի բարքերի մասին և ընդհանրապես՝ մեր կյանքի զազրելի պատկերը ցուցանողների դառնացած ու խիզախ, ցավագին ու խրոխտ ելույթներով հանդես եկողների պակաս չկար:
Բայց նրանցից ոչ ոք չհանդգնեց տալ երկրում նման իրավիճակ ստեղծած մարդու անունը:
Կարելի է կարծել, թե անցած տասը տարում այս պետությունը գլուխ չի ունեցել և Բաղրամյան 26-ում թիվ մեկ աթոռը թափուր է եղել:
Վերջապե՛ս՝ ո՞վ էր այս անտերության ու «բեսպրեդելի» հեղինակն ու գլխավոր պատասխանատուն կամ այդ ամենին «դաբրո» տվողը:
Նրա նկարները ջարդուփշուր անելուց և ցած նետելուց հետո համարեցիք, որ այդքանը հերի՞ք էր, թե՞ երկու ամսում հասցրիք կորցնել ձեր հիշողությունը...

Կիմա Եղիազարյանի ֆեյսբուքյան էջից