Ռուսաստանը, ՌԴ գլխավոր դատախազության որոշմամբ, Հայաստանին է արտահանձնել Կուբայի քաղաքացի 38-ամյա Օրտեգա Բենկոմոյին։ Այս տեղեկությունը երեկ «Ինտերֆաքս»-ին փոխանցել են Ռուսաստանի գլխավոր դատախազությունից։

Հայաստանի իրավապահները նրա նկատմամբ հետախուզում էին հայտարարել անցյալ տարվանից։ Նա մեղադրվում է խարդախության միջոցով մեծ գումարներ հափշտակելու մեջ։

Ըստ հրապարակված նյութի, Բենկոմոն 2014-2015 թվականներին Երևանում գումարներ է յուրացրել Հայաստանի քաղաքացիներից՝ Միացյալ Նահանգներ մեկնելու համար փաստաթղթեր ձևակերպելու նպատակով։

Մոսկվայի իրավապահները նրան ձերբակալել են 2017 թվականի մայիսին։ Ավելի քան մեկ տարի անց Ռուսաստանի գլխավոր դատախազությունը որոշեց Բենկոմոյին արտահանձնել Հայաստանին։

Աղբյուրը՝ Ազատություն