Նիկոլ Փաշինյանը հրաժարվո՞ւմ է մադրիդյան սկզբունքներից

Նիկոլ Փաշինյանը հրաժարվո՞ւմ է մադրիդյան սկզբունքներից

Փետրվարի 16, 2019 08:25 Պետք է օր առաջ կանգ առնել և դադարեցնել այդ գործընթացը:
ՀԴՄ կտրոնը և կախարդական փայտիկը

ՀԴՄ կտրոնը և կախարդական փայտիկը

Փետրվարի 16, 2019 08:20 Փաստորեն, եթե չգիտես, թե ինչ անել տնտեսության հետ, ՀԴՄ–ական արշավ սկսիր։

Քաղաքական

Հուլիս 12, 2018 23:45

«Բարսեղ Բեգլարյանը զենքով մարդիկ էր բերել վրես» (տեսանյութ)

«Բարսեղ Բեգլարյանը զենքով մարդիկ էր բերել վրես» (տեսանյութ)

«Ֆլեշ Մոտորս» ընկերության գործով տուժող ճանաչված, ընկերության նախկին կոմերցիոն տնօրեն 39-ամյա Արման Մկրտումյանն «Ազատության» հետ զրույցում պնդում է, որ իր բնակարանը տարիներ առաջ գրավ է դրել՝ «Ֆլեշ» ընկերության նախագահ Բարսեղ Բեգլարյանի մարդկանց կողմից իր դեմ կիրառված բռնությունից հետո:

«Բռնության գործադրմանը ականատես մարդիկ են եղել, բռնությունը գործադրվել է «Ֆլեշ Մոտորս» ՍՊԸ-ի կոնֆերենս դահլիճում, հետո ինձ հեռացրել են «Ֆլեշ Մոտորս» ՍՊԸ-ի տարածքից: Բռնությունը գործադրել ա «Ֆլեշ» բազայի տնօրենը՝ Բարսեղ Բեգլարյանի դրդմամբ և հովանավորմամբ․․․ Եթե փակագծերը մի քիչ բացեմ, Բարսեղ Բեգլարյանը զենքով մարդիկ էր բերել վրես՝ հաստատ իմանալով, որ ես որևիցե առնչություն չունեմ յուրացումներին: Ուղղակի ստեղ խնդիր էն էր եղել, թե դու ղեկավար անձ ես եղել, դուք էդ գումարը պիտի փոխհատուցեք»,-պատմեց Մկրտումյանը:

Օրերս քննչական կոմիտեն մեղադրանք առաջադրեց «Ֆլեշ» ընկերության նախագահ Բարսեղ Բեգլարյանին՝ «բռնության գործադրմամբ, դրա գործադրման սպառնալիքով ինքնիրավչության համար», նրա նկատմամբ խափանման միջոց է ընտրվել ստորագրությունը չհեռանալու մասին: 65-ամյա Բեգլարյանը մեղադրանքը չի ընդունում։

Նախաքննական մարմնի հաղորդմամբ, Բարսեղ Բեգլարյանի որդուն՝ Նարեկ Բեգլարյանին պատկանող «Ֆլեշ Մոտորս» ընկերությունից դեռ 2015-ին կատարվել էր խոշոր չափերի գույքի հափշտակություն։ Բեգլարյանները այդ հանցագործության մեջ մեղադրել են «Ֆլեշ Մոտորս» ընկերության նախկին կոմերցիոն տնօրեն Արման Մկրտումյանին և պահանջել վերականգնել պատճառված գույքային վնասը»։

Ըստ քննչական կոմիտեի, Բարսեղ Բեգլարյանը Մկրտումյանից պահանջել է որպես վնասի փոխհատուցում անվանափոխել Երևան քաղաքի Ազատության պողոտայում գտնվող իր բնակարանը կամ վճարել 20 հազար դոլար: Մկրտումյանը, Բարսեղ Բեգլարյանի ուղղորդմամբ, իր սեփականություն հանդիսացող բնակարանը 2016 թվականին գրավադրել է բանկում և մոտ 10 միլիոն դրամ փոխանցել է ընկերությանը։

«Ազատության» հետ զրույցում Մկրտումյանն ասաց, որ դեռ նախկին իշխանությունների ժամանակ էր դիմել իրավապահներին՝ խնդրելով օգնել մեկ սենյականոց բնակարանը հետ վերցնել բանկից։

Պնդեց, որ հենց Բարսեղ Բեգլարյանի մերձավորավորների կեղծիքի հետևանքով է բնակարանը գրավադրել է բանկում․ «Ստորագրել եմ բոլոր փաստաթղթերը կապված վարկավորման հետ, հետո ինձ ասել են՝ ցտեսություն: Ես, աշխատելով «Ֆլեշ Մոտորս» ընկերությունում, վարկ եմ վերցնում, որի համար չեմ ներկայացնում եկամուտ հաստատող փաստաթուղթ: Այսինքն ես եկամուտ հաստատող փաստաթուղթ չեմ ներկայացնում, որպեսզի ինձ բարձր տոկոսով վարկ տան: Էդ վարկը կատարյալ շինծու վարկ ա, դա ընդամենը ձևակերպված վարկ ա, բայց տրամադրված գումար չի: Մինչև առ այսօր ես վճարում եմ դրա համար տոկոսներ»:

Մկրտումյանի խոսքով՝ «Ֆլեշ Մոտորս»-ի երկու մենեջերներ յուրացումեր են կատարել ընկերությունից, երկուսից մեկն արդեն դատապարտվել է, մյուսի գործը դեռ դատարանում է։ Ասաց նաև, որ նրանք ընկերությունից հափշտակել են մոտ 120 միլիոն դրամ, բայց չեն կարողացել վերականգնել վնասը։

Մկրտումյանը փոխանցեց, որ հափշտակման գործով ինքը ևս հարցաքննվել է որպես վկա, բայց իրավապահները իր նկատմամբ քրեական հետապնդում չեն իրականացրել հանցակազմի բացակայութան պատճառով։

Նկատենք, որ Բարսեղ Բեգլարյանը այս գործով կասկածյալ, ապա մեղադրյալ ճանաչվեց Նիկոլ Փաշինյանի իշխանության ժամանակ։ Քրեակական գործը, սակայն, հարուցվել էր դեռ Սերժ Սարգսյանի օրոք։

Մկրտումյանը համոզված է, որ Հանրապետականի իշխանության օրոք անհնար էր նման զարգացումների ականատես դառնալ, քրեական հետապնդման ենթարկել Սերժ Սարգսյանի մտերիմին։

Բարսեղ Բեգլարյանը «Կենտրոն» հեռուստընկերության եթերում օրերս հայտարարեց, որ երրորդ նախագահը իր որդիների կնքահայրն է:

Բեգլարյանն ավելի վաղ «Ազատության» հետ հեռախոսազրույցում շեշտել էր, որ իրեն անհիմն են մեղադրանք առաջադրել և խոստացել էր ավելի ուշ հանգամանալից պարզաբանել իր դիրքորոշումը։

Կենտրոնի «Ուրվագիծ» հաղորդման ընթացքում կրկին պնդել էր, թե մեղադրանքն իրականության հետ որևէ աղերս չունի, ավելին՝ իր ընկերությունից յուրացումներ կատարած անձինք այժմ իր դեմ ցուցմունքներ են տալիս։

Բեգլարյանը նաև ասել էր, թե Քննչական կոմիտեի նախկին նախագահ Աղվան Հովսեփյանից էր տեղեկացել, որ Արման Մկրտումյանն իր դեմ բողոք է ներկայացրել իրավապահներին։

Անդրադառնալով Բեգլարյանի այս դիտարկմանը, Արման Մկրտումյանն ասաց․ «Իսկ Աղվան Հովսեփյանը տենց բոլորի՞ն ա զանգում ասում, որ Ձեր դեմ բողոք կա: Ոչ մեկին էլ չի ասում: Ուղղակի էս պարագայում Բարսեղ Բեգլարյանի բախտը չբերեց, և հիմա չկա Աղվան Հովսեփյան, չկա Սերժ Սարգսյան»:

Բեգլարյանի փաստաբան Կրոմվել Գրիգորյանն «Ազատության» հետ զրույցում պնդեց՝ որեւէ ապացույց չկա, որ կվկայի Բեգլարյանի մեղավորության մասին․ «Ոչ մի բռնություն չի գործադրվել իր նկատմամբ, լրիվ հեքիաթներ ա: Հաշվի առնելով էսօրվա իրականությունը, որ մարդիկ լարված են օլիգարխների դեմ՝ մտածում են՝ մի բան անեմ, փորձեմ, կարող ա Բարսեղ Բեգլարյանը հասարակությունից վախենա ու իմ ուզած բանը տա ինձ․․․ Եթե իշխանափոխություն չլիներ, մեղադրանք չէր առաջադրվի նման անհիմն ենթադրությունների հիման վրա»:

Նշենք, որ այս գործով մեղադրանք է առաջադրվել նաեւ «Ֆլեշ» ընկերության բազայի պետ Հրայր Հովսեփյանին, ում էլ Արման Մկրտումյանը մատնացույց է անում որպես իր վրա զենք պահած մարդու։

Այս խորագրի վերջին նյութերը

«Ժամանակն է լուծարելու հանցավոր և ամոթալի կենսագրություն ունեցող ԵԿՄ-ն». Սեֆիլյան

«Ժամանակն է լուծարելու հանցավոր և ամոթալի կենսագրություն ունեցող ԵԿՄ-ն». Սեֆիլյան

Փետրվարի 16, 2019 11:41 Ռազմահայրենասիրական դաստիարակության փոխարեն՝ արժեհամակարգային խեղում։
РЕН ТВ. Ինչի՞ համար են դատում Ռոբերտ Քոչարյանին (տեսանյութ)

РЕН ТВ. Ինչի՞ համար են դատում Ռոբերտ Քոչարյանին (տեսանյութ)

Փետրվարի 15, 2019 20:45 Փորձել է վերադառնալ քաղաքականություն։
Ալավերդու պղնձաձուլարանի աշխատողներն այսօր դարձյալ փակել են Երևան-Թբիլիսի երկաթգիծը

Ալավերդու պղնձաձուլարանի աշխատողներն այսօր դարձյալ փակել են Երևան-Թբիլիսի երկաթգիծը

Փետրվարի 15, 2019 20:12 Փոխվարչապետի հետ խոստացված հանդիպումը չի կայացել։
Հացադուլ հայտարարած ազատամարտիկը Փաշինյանի թիմակցի հայրն է

Հացադուլ հայտարարած ազատամարտիկը Փաշինյանի թիմակցի հայրն է

Փետրվարի 15, 2019 19:49 Միացել է կինոռեժիսոր Հովհաննես Գալստյանի հացադուլին:
Սոչիում Գագիկ Ծառուկյանը հանդիպել է ՌԴ քաղաքական և տնտեսական ոլորտների բարձրաստիճան պաշտոնյաների հետ

Սոչիում Գագիկ Ծառուկյանը հանդիպել է ՌԴ քաղաքական և տնտեսական ոլորտների բարձրաստիճան պաշտոնյաների հետ

Փետրվարի 15, 2019 15:57 Վլադիմիր Պուտինի հրավերով մասնակցել է համաժողովի աշխատանքներին:
Տիգրան Մուկուչյանը` Սերժ Սարգսյանից ստացած պարգևի մասին

Տիգրան Մուկուչյանը` Սերժ Սարգսյանից ստացած պարգևի մասին

Փետրվարի 15, 2019 15:33 «Հայրենիքին մատուցած ծառայությունների համար» 1-ին աստիճանի մեդալով:
«Կառավարության հիմնավորումների մեջ մարդասիրական մոտիվացիա չկա». Նաիրա Զոհրաբյան

«Կառավարության հիմնավորումների մեջ մարդասիրական մոտիվացիա չկա». Նաիրա Զոհրաբյան

Փետրվարի 15, 2019 14:50 «Ենթադրելի էր, որ իմ նախագիծը ևս մերժվելու էր»։
ԿԸՀ-ն հանդես է գալու նախընտրական քարոզչության մասին սահմանում ստեղծելու առաջարկությամբ

ԿԸՀ-ն հանդես է գալու նախընտրական քարոզչության մասին սահմանում ստեղծելու առաջարկությամբ

Փետրվարի 15, 2019 14:44 Պետք է նախընտրական քարոզչության հստակ սահմանում լինի:
Նիկոլ Փաշինյանը 15 կետով ներկայացրեց տնտեսական հեղափոխությանը միտված քայլերը

Նիկոլ Փաշինյանը 15 կետով ներկայացրեց տնտեսական հեղափոխությանը միտված քայլերը

Փետրվարի 15, 2019 13:40 Որոնց ուղղությամբ կառավարությունը պետք է առաջիկայում աշխատի։
Կառավարության նիստը՝  ուղիղ միացմամբ

Կառավարության նիստը՝ ուղիղ միացմամբ

Փետրվարի 15, 2019 10:55 Քննարկվում են օրակարգային հարցեր։
Սեյրան Օհանյան․ «Բացահայտ սխալ եմ համարում Ռոբերտ Քոչարյանի նկատմամբ վերաբերմունքը» (տեսանյութ)

Սեյրան Օհանյան․ «Բացահայտ սխալ եմ համարում Ռոբերտ Քոչարյանի նկատմամբ վերաբերմունքը» (տեսանյութ)

Փետրվարի 15, 2019 10:48 «Այդպիսի մարդիկ չեն խուսափում պատասխանատվությունից»։ 
Փաշինյանի ճակատին գրված է սը-տա-խոս. Պարույր Հայրիկյան (տեսանյութ)

Փաշինյանի ճակատին գրված է սը-տա-խոս. Պարույր Հայրիկյան (տեսանյութ)

Փետրվարի 15, 2019 10:11 «Այսօրվա հեղափոխականների կառավարությունը ստախոսների կառավարություն է»։
Իմացի՛ր ավելին ...

Իմացի՛ր ավելին ...

Փետրվարի 14, 2019 17:35 Այսօրվանից իր աշխատանքն է սկսել «Պոլիտէկոնոմիա» հետազոտական ինստիտուտի կայքը:
Ազգային ժողովն ընդունեց ՀՀ կառավարության ծրագիրը (տեսանյութ)

Ազգային ժողովն ընդունեց ՀՀ կառավարության ծրագիրը (տեսանյութ)

Փետրվարի 14, 2019 15:40 Քվեարկել է 119 պատգամավոր։
ՀՔԾ-ն մեղադրանք է առաջադրել ԱԺ ներկայիս պատգամավոր էդուարդ Բաբայանին

ՀՔԾ-ն մեղադրանք է առաջադրել ԱԺ ներկայիս պատգամավոր էդուարդ Բաբայանին

Փետրվարի 14, 2019 15:27 Վյաչեսլավ Հարությունովին ծեծելու համար։