Քաղաքական

Օգոստոս 10, 2018 13:40

ՔԿ-ն հայտնում է նախկին պրոռեկտորի նկատմամբ հետախուզում հայտարարելու մասին (տեսանյութ)

ՔԿ-ն հայտնում է նախկին պրոռեկտորի նկատմամբ հետախուզում հայտարարելու մասին (տեսանյութ)

Քննչական կոմիտեի Շիրակի մարզային քննչական վարչության Ախուրյանի քննչական բաժնում հարուցվել է քրեական գործ ՀՀ քրեական օրենսգրքի 178-րդ հոդվածի 3-րդ մասի առաջին կետով (առանձնապես խոշոր չափերով խարդախություն), 179-րդ հոդվածի 2-րդ մասի 1-ին, 2-րդ, 3-րդ կետերով (յուրացնելը, կամ վատնելը, որը կատարվել է պաշտոնեական դիրքն օգտագործելով, մի խումբ անձանց կողմից նախնական համաձայնությամբ և խոշոր չափերով) և 179-րդ հոդվածի 3-րդ մասի 1-ին կետով (յուրացնելը կամ վատնելն առանձնապես խոշոր չափերով):

Ինչպես «Արմենպրես»-ին տեղեկացրեցին ՀՀ քննչական կոմիտեի լրատվական ծառայությունից, որոշում է կայացվել Շիրակի պետական համալսարանի նախկին պրոռեկտոր Անահիտ Ֆարմանյանին որպես մեղադրյալ ներգրավելու մասին, ՀՀ քրեական օրենսգրքի 178-րդ հոդվածի 3-րդ մասի 1-ին կետով (առանձնապես խոշոր չափերով խարդախություն): Նրա նկատմամբ հայտարարվել է հետախուզում:

Քննիչը միջնորդություն է ներկայացրել Շիրակի մարզի ընդհանուր իրավասության դատարան նրա նկատմամբ որպես խափանման միջոց կալանավորում կիրառելու վերաբերյալ, ինչը բավարարվել է:

Նախաքննությունը շարունակվում է:

***

ՀՀ քննչական կոմիտեի Շիրակի մարզային քննչական վարչության Ախուրյանի քննչական բաժնում քննվող քրեական գործով իրականացված անհրաժեշտ միջոցառումների արդյունքում փաստական տվյալներ են ձեռք բերվել՝ «Գյումրու Մ. Նալբանդյանի անվան պետական մանկավարժական ինստիտուտ» ՊՈԱԿ-ում շրջանավարտներից խաբեությամբ գումար հափշտակելու դեպքի վերաբերյալ. հետախուզում է հայտարարվել ինստիտուտի նախկին պրոռեկտորի նկատմամբ:

Նախնական քննությամբ պարզվել է, որ 2012-2016թթ. ուսումնական տարիների ընթացքում շրջանավարտներին հատկացվող դիպլոմները և դրանց միջուկները պատվիրելու և հատկացնելու պատրվակով 3529 շրջանավարտից խաբեության եղանակով գումար են վերցրել, թեև այդ նպատակով գումար է դուրս գրված եղել, իսկ շրջանավարտներից հավաքված գումարը առերևույթ հափշտակվել է: Նախնական տվյալներով՝ հափշտակված գումարի չափը կազմում է 19.409.500 ՀՀ դրամ:

Քրեական գործով բավարար տվյալներ են ձեռք բերվել «Գյումրու Մ. Նալբանդյանի անվան պետական մանկավարժական ինստիտուտ» ՊՈԱԿ-ի նախկին պրոռեկտոր` Անահիտ Ֆարմանյանի առնչության վերաբերյալ: Վերջինս ներգրավվել է որպես մեղադրյալ՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և նրա նկատմամբ հայտարարվել հետախուզում: Նախկին պրոռեկտորի նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է, միջոցներ են ձեռնարկվում՝ դեպքի բոլոր հանգամանքները, ենթադրյալ հանցագործություն կատարած անձանց շրջանակը հստակեցնելու ուղղությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

***

Ոստիկանության կազմակերպված հանցավորության դեմ պայքարի գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման, Շիրակի մարզային վարչությունների ու Գյումրի քաղաքի Մուշի բաժնի ծառայողները համատեղ տարաբնույթ միջոցառումներով օպերատիվ տվյալներ են ձեռք բերել, որ Գյումրու Միքայել Նալբանդյանի անվան մանկավարժական ինստիտուտում կոռուպցիոն բնույթի հանցագործություններ են տեղի ունեցել:

Տեղեկությունների հիման վրա ոստիկանության Գյումրի քաղաքի Մուշի բաժնում քրեական դատավարության օրենսգրքով սահմանված կարգով նախապատրաստվել են նյութեր: Պարզվել է, որ ուսումնական հաստատության նախկին պրոռեկտոր Անահիտ Ֆարմանյանը, ինչպես և ֆիզիկական դաստիարակության ու տեսության ֆակուլտետի նախկին դեկան Արթուր Խաչատրյանը միջին որակական գնահատական ունեցող մի ուսանողուհու ներառել են հիշյալ ֆակուլտետի մագիստրատուրայի վճարովի ուսուցման բաժնում՝ նրա փոխարեն անվճար ուսուցման բաժնում ընդգրկելով կրկնակի ցածր միջին որակական գնահատական ունեցող մի ուսանողի, որպեսզի վերջինս խուսափի զորակոչից: Ուսանողուհուն խոստացել են, որ նրա փոխարեն իրենք կվճարեն ուսման վարձը՝ 300.000 դրամ, ինչը չի կատարվել: Պարզվել է նաև, որ ուսումնական չորս տարվա ընթացքում Անահիտ Ֆարմանյանը հրավիրել է դեկանատների գործավարների ժողով ու աշխատակիցներին հանձնարարել, որ դիպլոմների և դրանց միջուկների տպման աշխատանքները կազմակերպելու նպատակով նրանք յուրաքանչյուր շրջանավարտից վերցնեն 5.500 դրամ: Մեկ ուսումնական տարվա ընթացքում հավաքագրվել է շուրջ 5.000.000 դրամ, չորս տարում՝ 20.000.000:
Ոստիկանությունում նախապատրաստված նյութերով փաստական տվյալներ են ձեռք բերվել բարձրագույն ուսումնական հաստատության աշխատակիցների կողմից հանցակցությամբ և պաշտոնական դիրքն օգտագործելով՝ խարդախությամբ առանձնապես խոշոր չափով գումար հափշտակելու վերաբերյալ:
Նախապատրաստված նյութերի հիման վրա Շիրակի մարզի դատախազությունում հարուցվել է քրեական գործ, որն ուղարկվել է տարածքային նախաքննական մարմնին՝ հետագա քննության:
ԲՈՒՀ-ի նախկին պրոռեկտոր 45-ամյա Անահիտ Ֆարմանյանի նկատմամբ հայտարարվել է հետախուզում: Ոստիկանության ծառայողները ձեռնարկում են համապատասխան միջոցառումներ նրան հայտնաբերելու և քննությանը ներկայացնելու ուղղությամբ:
Գյումրու բնակիչ Անահիտ Ֆարմանյանի գտնվելու վայրի մասին տեղեկություն ունեցողներին խնդրում ենք դիմել ոստիկանության Մուշի կա՛մ մոտակա ստորաբաժանում, կա՛մ զանգահարել 1-02, 010-59-06-54 հեռախոսահամարներով:
Տեղեկություն հայտնող անձի գաղտնիությունը երաշխավորվում է:

Այս խորագրի վերջին նյութերը

ԱԱԾ-ն կարճել է Առաքել Մովսիսյանի վերաբերյալ գործը

ԱԱԾ-ն կարճել է Առաքել Մովսիսյանի վերաբերյալ գործը

Դեկտեմբեր 15, 2018 20:56 «Շնորհքով ներխուժելուց» հետո։
Հակառակորդը հրադադարի պահպանման ռեժիմը խախտել է շուրջ 250 անգամ

Հակառակորդը հրադադարի պահպանման ռեժիմը խախտել է շուրջ 250 անգամ

Դեկտեմբեր 15, 2018 13:19 Հայ դիրքապահների ուղղությամբ արձակել է ավելի քան 2500 կրակոց:
Լուկաշենկոն Սերժ Սարգսյանի մասին

Լուկաշենկոն Սերժ Սարգսյանի մասին

Դեկտեմբեր 14, 2018 17:06 Նա ասել է, որ Սերժ Սարգսյանը հրաժարվել է հանձնել Արցախի 5 շրջանները Ադրբեջանին։
Դատարանը չբավարարեց Արմեն Գևորգյանին կալանավորելու միջնորդությունը (տեսանյութ)

Դատարանը չբավարարեց Արմեն Գևորգյանին կալանավորելու միջնորդությունը (տեսանյութ)

Դեկտեմբեր 14, 2018 16:50 «Շարունակելու ենք ապացուցել իմ անմեղությունը»,-ասել է Գևորգյանը։
Լուկաշենկո. Նիկոլ Փաշինյանը թաթախեց մեզ ներքաղաքական խնդիրների մեջ

Լուկաշենկո. Նիկոլ Փաշինյանը թաթախեց մեզ ներքաղաքական խնդիրների մեջ

Դեկտեմբեր 14, 2018 14:44 Նիկոլ Փաշինյանն այս հարցում «շիլաշփոթ» է ստեղծել:
Բակո Սահակյանը ներկայացրել է ՊԲ նոր հրամանատարին․ Լևոն Մնացականյանն ազատվեց պաշտոնից (տեսանյութ)

Բակո Սահակյանը ներկայացրել է ՊԲ նոր հրամանատարին․ Լևոն Մնացականյանն ազատվեց պաշտոնից (տեսանյութ)

Դեկտեմբեր 14, 2018 12:47 Ջալալ Հարությունյանն էլ նշանակվել է Արցախի ՊԲ շտաբի պետ։
Հաստատվել է Լին Թրեյսիի թեկնածությունը ՀՀ-ում ԱՄՆ դեսպանի պաշտոնում

Հաստատվել է Լին Թրեյսիի թեկնածությունը ՀՀ-ում ԱՄՆ դեսպանի պաշտոնում

Դեկտեմբեր 14, 2018 09:26 ԱՄՆ Սենատի արտաքին հարաբերությունների հանձնաժողովի կողմից։
Վալերի Սեմերիկովը շնորհավորական հեռագիր է հղել Նիկոլ Փաշինյանին

Վալերի Սեմերիկովը շնորհավորական հեռագիր է հղել Նիկոլ Փաշինյանին

Դեկտեմբեր 14, 2018 09:09 ՀՀ ԱԺ արտահերթ ընտրությունների հաջող անցկացման կապակցությամբ:
Նիկոլ Փաշինյանի խոսնակը՝ Ղազախստանի նախագահ Նուրսուլթան Նազարբաևի հայտարարության մասին

Նիկոլ Փաշինյանի խոսնակը՝ Ղազախստանի նախագահ Նուրսուլթան Նազարբաևի հայտարարության մասին

Դեկտեմբեր 13, 2018 18:48 «ՀԱՊԿ գլխավոր քարտուղարի նշանակման հարցը պետք է լուծվի կոնսենսուսով»։
Բակո Սահակյանը Երևանում հանդիպել է Նիկոլ Փաշինյանի հետ

Բակո Սահակյանը Երևանում հանդիպել է Նիկոլ Փաշինյանի հետ

Դեկտեմբեր 13, 2018 16:51 Քննարկել են ներքին և արտաքին քաղաքականությանը վերաբերող հարցեր։
Դատարանը որոշեց Վաչագան Ղազարյանի  կալանքը երկարաձգել ևս երկու ամսով

Դատարանը որոշեց Վաչագան Ղազարյանի կալանքը երկարաձգել ևս երկու ամսով

Դեկտեմբեր 13, 2018 15:17 Դատարանը բավարարել է քննիչի միջնորդությունը։
Հայաստանի պատվիրակությունը մեկնել է Բաքու

Հայաստանի պատվիրակությունը մեկնել է Բաքու

Դեկտեմբեր 13, 2018 13:42 Այնտեղ է լինելու նաև Լավրովը, ով հանդիպելու է Ալիևի հետ։
Ռուսաստանից չեն շտապում շնորհավորել Փաշինյանին. Զախարովայի մեկնաբանությունը

Ռուսաստանից չեն շտապում շնորհավորել Փաշինյանին. Զախարովայի մեկնաբանությունը

Դեկտեմբեր 13, 2018 13:01 «Հայաստանում ընտրություններն անցել են առանց լուրջ խախտումների»,-ասել է ՌԴ ԱԳՆ խոսնակը։
Մարտի 1-ի գործով քննչական խմբի նախկին ղեկավար Վահագն Հարությունյանն ազատվել է կալանքից

Մարտի 1-ի գործով քննչական խմբի նախկին ղեկավար Վահագն Հարությունյանն ազատվել է կալանքից

Դեկտեմբեր 13, 2018 12:50 Այժմ շարունակում է բուժման կուրսը Մոսկվայում։