Ադրբեջանում կալանավորվել են բամբակի դաշտերում թունավորումների համար մեղադրվող գյուղատնտեսության ոլորտի տասն աշխատակցի։

Այս տարվա հունիսին Ադրբեջանի տարբեր շրջանների բամբակի դաշտերում թունաքիմիկատներով թունավորվելու չորս դեպք է տեղի ունեցել։ Ընդհանուր առմամբ տուժել է բամբակ հավաքող ավելի քան 200 մարդ, սակայն մահվան դեպքեր չեն գրանցվել։

Ինչպես հաղորդում է գլխավոր դատախազությունը, հետաքննությունը ցույց է տվել, որ թունավորման պատճառը դաշտերում վնասատուների դեմ քիմիկատների օգտագործման ու աշխատանքի անվտանգության տեխնիկայի կանոնների խախտումն է եղել։

Այդ խախտման համար մեղադրվում է 10 գյուղատնտես, բույսերի պաշտպանության կենտրոնի պետն ու պատասխանատու այլ անձինք։

Աղբյուրը՝ jam-news.net