Այս տարվա ապրիլին Չեխիայի հանրային Ceska Televize հեռուստաընկերությունը լրագրողական հետաքննություն էր կատարել, որտեղ անանուն աղբյուրը, պատմել էր, որ հին հաուբիցները Չեխիայից տեղափոխվում են Սլովայիայի Տրենչին քաղաքում գտնվող գործարան և վերանորոգումից հետո ուղարկվում են Իսրայել, ապա անմիջապես Ադրբեջան:

Արբանյակային լուսանկարների ուսումնասիրությունը հաստատում է տվյալ գործարանում տարբեր ժամանակներում «Դանաների» առկայությունը:

Գործարանի տարածքից առաջին նկարը, որտեղ երևում են «Դանաները», արվել է 2016-ի հուլիսի 10-ին: Տարածքում երևում է կայանված 35 միավոր ինքնագնաց հրետանի: Առաջին մատակարարումները մեծ հավանականությամբ հենց 2016-ի երկրորդ կեսից են սկսել, քանի որ 2017-ի հունվարին դրանք արդեն եղել են Ադրբեջանում, իսկ առաջին անգամ ամբողջովին ցուցադրվել են 2017-ի սեպտեմբերի 18-ին:

Հարկ է նշել, որ ավելի վաղ արված լուսանկարներում «Դանային» նմանվող տեխնիկա նույն տարածքում չի նկատվել: Հնարավոր է, որ նկարում երևացող տեխնիկան կամ դրա մի մասը արդեն մատակարարվել է Ադրբեջանին:

Տրենչին. 2016-07-10

Երկրորդ նկարը արվել է 2018-ի մարտի 22-ին: Այս նկարում երևում է կայանված առնվազն 3 միավոր «Դանա»: Հատկանշական է, որ հենց այդ օրերին կատարվում էին Սլովակիա-Իսրայել-Ադրբեջան ուղղությամբ ադրբեջանական բեռնատար ինքնաթիռների ակտիվ չվերթներ, որոնք, ըստ երևույթի, զենք էին տեղափոխվում:

Կա նման ևս 2 մեքենա, սակայն վստահ չենք կարող պնդել, որ հենց «Դանա» են:

Տրենչին. 2018-03-22

Նշենք որ այս օրերին ևս շարունակվում են նույն ուղղությամբ բեռնատար ինքնաթիռների չվերթները, զենքի մատակարարումները ընթանում են:

Աղբյուրը՝ razm.info