Քաղաքական

Սեպտեմբեր 11, 2018 20:19

ՀՀ երկրորդ նախագահ Ռոբերտ Քոչարյանի գրասենյակի հայտարարությունը

ՀՀ երկրորդ նախագահ Ռոբերտ Քոչարյանի գրասենյակի հայտարարությունը

ՀՀ երկրորդ նախագահ Ռոբերտ Քոչարյանի գրասենյակը հանդես է եկել հայտարարությամբ՝ կապված ԱԱԾ և ՀՔԾ ղեկավարների աղմկահարույց հեռախոսազրույցի և մամուլի ասուլիսի հետ:

«Ինչպես հայտնի է, այսօր, սեպտեմբերի 11-ին համացանցում հայտնվեց մի տեսագրություն, որը ներկայացնում էր ՀՀ ԱԱԾ տնօրենի և ՀՀ ՀՔԾ պետի հեռախոսազրույցները` «Մարտի 1-ի» գործին վերաբերող հարցերի, մասնավորա­պես` ՀՀ երկրորդ Նախագահ Ռոբերտ Քոչարյանին և ՀԱՊԿ գլխավոր քարտուղար Յուրի Խաչատուրովին կալանավորելու վերաբերյալ: Այս զրույցների մանրամասները հայտնի են բոլորին և կարիք չկա վերաշարադրել դրանք:

Հեռախոսազրույցների բովանդակությունը գալիս է փաստելու մի քանի կարևոր հանգամանք, որի մասին մեկ անգամ չէ, որ հայտարարել ենք: Դրանք են.

Նախագահ Ռոբերտ Քոչարյանի նկատմամբ իրականցվում է քաղաքական հետապնդում, որն ուղղորդվում է անմիջականորեն ՀՀ վարչապետ Նիկոլ Փաշինյանի կողմից: ԱԱԾ տնօրենի և ՀՔԾ պետի խոսակցությունը սրանում կասկածի տեղ չի թողնում:

Դատելով ձայնագրությունից, ի սկզբանե խնդիր է դրվել ոչ թե բացահայտել «Մարտի 1-ի» գործը և գտնել մեղավորներին, այլ պարզապես կալանավորել /զրուցակիցների բառապաշարով` «փակել»/ նախագահ Քոչարյանին, ինչը քաղաքական վենդետայի դասական օրինակ է:
Առաջին ատյանի դատավորը, որը կալանքի որոշում է կայացրել, գտնվել է իշխանական բիրտ ճնշման ներքո և իրեն վերևից թելադրված «դուխով» ապօրինի որոշում է կայացրել:

ՀՀ երկրորդ նախագահի և ՀԱՊԿ գլխավոր քարտուղար Յուրի Խաչատուրովի խափանման միջոցն ընտրվել է ուղիղ Նիկոլ Փաշինյանի համաձայնությամբ. նախ` ՀՔԾ պետն է համաձայնեցրել /կալանք/, իսկ այնուհետ` ԱԱԾ պետը /գրավ/:

Կատարվածը հանցագործություն է` բարձարաստիճան պաշտոնյաների մասնակ­ցու­­թյամբ: Հեռախոսազրույցների հրապարակմանը հետևած ՀՀ վարչապետի, ինչպես նաև ԱԱԾ տնօրենի և ՀՔԾ պետի հայտնի ասուլիսում արված հայտարարություն­ները, մեծապես ոչ այլ ինչ են, քան անհաջող արդարացումներ: Հեռախոսազրույցների խայտառակ բովանդակու­թյու­նը մեկնաբանությունների կարիք չունի, ու զրույցներն այն մասին, թե «չար ուժերը» փորձում են նման ձայնագրություններ տարածելով խոչընդոտել «բարի ուժերի» հերոսական պայքարը կոռուպցիայի և հանցավորու­թյան դեմ, տվյալ համատեքստում պարզապես զավեշտալի են: Կարևոր է ընդգծել, որ այս հեռախոսազրույցները բացահայտում են ոչ միայն ինչ-որ մի կոնկրետ գործին առնչվող դրվագ, այլև գործող ռեժիմի բուն էությունը, օրվա իշխանության իրական դեմքը: Մարդիկ, որոնք առավոտից երեկո գոռում-գոչում են սիրո և հանդուրժողա­կանության ու արդարադատության մեջ չմիջամտելու մասին, անում են ճիշտ հակառակը` մոլորեցնելով ու խաբելով հասարակությանը: Մարդիկ, որոնք առավոտից երեկո խոսում են ժողովրդավարու­թյան մասին ամենակոպիտ ձևով ճնշում են ժողովրդավարական ազատություններն ու մարդու իրավունքները:

Հարկ ենք համարում ընդգծել նաև հետևյալը: Վարչապետի, ԱԱԾ տնօրենի և ՀՔԾ պետի ելույթներից պարզ է դառնում. տեսնելով, որ շինծու գործի միջոցով հնարավոր չէ կալանվորել և հետապնդման ենթարկել նախագահ Քոչարյանին` հեռացնելով նրան քաղաքական դաշտից, ինչպես նաև համոզվելով, որ ապօրինի հարստացման և առասպելական ունեցվածքի մասին խոսակցությունները իրականությանը չեն համապատասխանում, իշխանությունները նոր միջոցի են դիմում` հայտարարելով, թե Քոչարյանների ընտանիքը փողերի լվացմամբ է զբաղվել: Թե ինչ արժեն այս հայտարարությունները, որ արված են հայտնի հեռախոսազրույցների մասնակիցների կողմից` առաջարկում ենք որոշի հանրությունը: Սակայն ակնհայտ է, որ Նախագահ Քոչարյանի դեմ քաղաքական հետապնդումները շարունակվում են և նոր շրջան են մտնում:

Մենք կոչ ենք անում բոլոր մեր հայրենակիցներին ու բարեկամներին սթափ կերպով գնահատել ստեղծված իրավիճակը, իշխանությունների գործելակերպը, պատռել քարոզչա­կան շղարշը և թույլ չտալ, որպեսզի Հայաստանը ժողովրդավարական երկրից վերած­վի ամբոխավարական ձախողված պետության, որը կառավարվում է դիլետանտների կողմից` բոլշևիզմի սկզբունքներով և ուր խրախուսվում են քաղաքա­կան ռեպրեսիա­ները»:

Print Friendly and PDF

Այս խորագրի վերջին նյութերը

Քննչական կոմիտեն ևս մեկ անգամ անդրադարձել է «Yerevan.Today»-ի խմբագրությունում խուզարկությանը

Քննչական կոմիտեն ևս մեկ անգամ անդրադարձել է «Yerevan.Today»-ի խմբագրությունում խուզարկությանը

Սեպտեմբեր 19, 2018 16:52 Պնդում են, որ խուզարկությունն առնչություն չունի լրագրողական գործունեության հետ։
Մեզ խուզարկել են, քանի որ դեմ ենք ԼԳԲՏ քարոզին (տեսանյութ)

Մեզ խուզարկել են, քանի որ դեմ ենք ԼԳԲՏ քարոզին (տեսանյութ)

Սեպտեմբեր 19, 2018 13:03 Փնտրել են նաև թմրանյութեր և զենք։
Վերջնական ցուցակների հրապարակման դրությամբ ընտրողների թիվ 848.343 է

Վերջնական ցուցակների հրապարակման դրությամբ ընտրողների թիվ 848.343 է

Սեպտեմբեր 19, 2018 12:49 Հրապարակվել են ավագանու արտահերթ ընտրությունների վերջնական ցուցակները։
ՀՀ ԱԺ քննիչ հանձնաժողովի անդրանիկ նիստը (տեսանյութ)

ՀՀ ԱԺ քննիչ հանձնաժողովի անդրանիկ նիստը (տեսանյութ)

Սեպտեմբեր 19, 2018 12:08 Արդարադատության իրականացմանը խոչընդոտելու, արդար դատաքննության իրավունքի, հեռախոսային խոսակցությունների գաղտնիությունը խախտելու փաստերով:
Նշանակվել է անշարժ գույքի կադաստրի կոմիտեի ղեկավարի տեղակալ

Նշանակվել է անշարժ գույքի կադաստրի կոմիտեի ղեկավարի տեղակալ

Սեպտեմբեր 19, 2018 10:20 ՀՀ վարչապետի որոշմամբ։
Նիկոլ Փաշինյանն ու արջերը (տեսանյութ)

Նիկոլ Փաշինյանն ու արջերը (տեսանյութ)

Սեպտեմբեր 18, 2018 19:55 Արցախում շրջելիս հանդիպել է արջերի։
ՀՀ երեք նախագահները հրավիրվելու են մասնակցելու Անկախության տոնակատարությանը

ՀՀ երեք նախագահները հրավիրվելու են մասնակցելու Անկախության տոնակատարությանը

Սեպտեմբեր 18, 2018 17:55 Հայտնել է ՀՀ վարչապետի աշխատակազմի ղեկավարը։
Սերժ Սարգսյանը հրաժարվել է մինչ այժմ առաջարկված բոլոր առանձնատներից (տեսանյութ)

Սերժ Սարգսյանը հրաժարվել է մինչ այժմ առաջարկված բոլոր առանձնատներից (տեսանյութ)

Սեպտեմբեր 18, 2018 14:48 Մոտ օրերս նրան նոր առանձնատուն կառաջարկեն։
Yerevan.Today-ում խուզարկությունների վերաբերյալ կայքի խմբագրի ասուլիսը (տեսանյութ)

Yerevan.Today-ում խուզարկությունների վերաբերյալ կայքի խմբագրի ասուլիսը (տեսանյութ)

Սեպտեմբեր 18, 2018 14:40 Ներկայացրել է խուզարկության մանրամասները և իրենց հետագա քայլերը:
Բաղանիսում իրավիճակը հանգիստ է

Բաղանիսում իրավիճակը հանգիստ է

Սեպտեմբեր 18, 2018 09:24 Գյուղը բնականոն կերպով շարունակում է իր կենցաղավարությունը:
Մասիսի քաղաքապետն ազատ կարձակվի գրավի դիմաց

Մասիսի քաղաքապետն ազատ կարձակվի գրավի դիմաց

Սեպտեմբեր 17, 2018 17:17 5 մլն դրամ գրավի դիմաց:
Տավուշի հատվածում այս գիշերը կրկին կրակոցներ են եղել

Տավուշի հատվածում այս գիշերը կրկին կրակոցներ են եղել

Սեպտեմբեր 17, 2018 10:52 Սակայն, նախորդ օրերի համեմատ, ավելի քիչ․ կորուստներ չունենք։