Կարծիք

Սեպտեմբեր 14, 2018 14:06

Ինչո՞ւ Փաշինյանը որոշում չի կայացնում

Ինչո՞ւ Փաշինյանը որոշում չի կայացնում

Մամուլում տեղեկություններ հրապարակվեցին, ըստ որի՝ Հայաստան են ժամանել, ապա Թեղուտ մեկնել ռուսական «ВТБ» բանկի ներկայացուցիչները։

Բանն այն է, որ «Վալլեքս գրուպի» կազմում գտնվող Թեղուտ հանքավայրի շահագործման համար Թեղուտ հանքավայրի գլխավոր տնօրեն Վալերի Մեջլումյանը ժամանակին բավականին մեծ վարկ է վերցրել՝ գրավադրելով հանքավայրը։

Վերջին շրջանում Թեղուտը մեծ ֆինանսական դժվարություններ ունի և վարկային պարտավորությունները չի կարողանում կատարել, ինչի արդյունքում «ВТБ»-ում ժամկետանց վարկեր ունի՝ մոտ 380 միլիոն դոլարի կարգի։ Եվ բանկն արդեն սկսել է հանքավայրը վարկի դիմաց վերցնելու գործընթացը։

Նույն աղբյուրի համաձայն՝ բանկի կողմից նշանակված անձը ժամանակավորապես կստանձնի տնօրենի պաշտոնը, ապա բանկը կառողջացնի այն և կվաճառի նոր գնորդի։

Այս տեղեկության մեջ ուշագրավն այն է, որ փլուզվող պոչամբար և բազմաթիվ բնապահպանական խնդիրներ ունեցող Թեղուտի հանքի աշխատանքը որևէ խոչընդոտի չի հանդիպում այսպես կոչված՝ բնապահպանների կողմից, իսկ գործադիր իշխանությունն էլ որևէ լրացուցիչ խնդիրներ չի առաջացնում Թեղուտի համար: Արդյունքում՝ վտանգավոր հանքավայրը դառնում է գրավի առարկա, սեփականատեր է փոխվում, բանկային գործարքներ են կատարվում:

Հետաքրքրական է, որ փլուզվող պոչամբար ունեցող հանքին կարելի է աշխատել, սեփականատեր փոխել, «առողջանալ», վերավաճառվել և այլն, իսկ ահա միջազգային բոլոր ստանդարտներին համապատասխանող Ամուլսարի հանքավայրը շահագործելու ծրագիր իրականացնող «Լիդիան Արմենիային» ապօրինաբար արգելում են բիզնես-գործունեություն վարել: Սա կասկածի տեղիք տվող երևույթ է: Սա հարցեր առաջանցող երևույթ է:

Տպավորությունն այնպիսին է, որ «Լիդիանի» դեմ քայլերը եթե ոչ խրախուսվում, ապա գոնե չեն արգելվում ներկայիս գործադիր իշխանության կողմից: Բայց չէ՞ որ դա հարվածում է Նիկոլ Փաշինյանի կառավարությանը: Ո՞վ է շահագրգիռ այդ հարցում:

Երբ «Լիդիանի» դեմ խոչընդոտներ էին հարուցվում Սերժ Սարգսյանի նախագահության շրջանում, հասկանալի էր. մարդիկ փայ էին ուզում ստանալ, բայց հանդիպում էին միջազգային կազմակերպությունների «ոչ»-ին: Անհասկանալի է, թե նոր կառավարությունն ինչո՞ւ որոշում չի կայացնում: Վախենում է 20-հոգանոց «բնապահպանական» ակցիայի՞ց, թե՞ այլ բան կա:

Հիմա նույն սերժական շրջանակները բնապահպան-բնապահպան են խաղում՝ ակնհայտորեն նպատակ ունենալով օգնել նախորդ իշխանության պարագլխին խլելու Ամուլսարի հանքը: Սերժ Սարգսյանի, նրա դրածո Վահե Հակոբյանի և մյուսների շահը տեսանելի է այս պատմության մեջ: Ո՞րն է Փաշինյանի շահը: Ի՞նչն է պատճառը, որ Նիկոլ Փաշինյանը տեղի է տալիս շանտաժիստների ճնշումներին ու որոշում չի կայացնում: Սրանք հարցեր են, որոնք շտապ պատասխաններ են պահանջում:

Արմեն Միքայելյանի ֆեյսբուքյան էջից

Print Friendly and PDF

Այս խորագրի վերջին նյութերը

Ոչ թե արգելել, այլ խստացնել բնապահպանական նորմերը

Ոչ թե արգելել, այլ խստացնել բնապահպանական նորմերը

Սեպտեմբեր 19, 2018 14:00 Հաջորդ քայլը պետք է լինի նաև գործող այլ հանքերում լուրջ ստուգումներ իրականացնելը։
Ընտրություններից ոչ մեկի ժամանակ մասնակիցներն այսքան կեղտ միմյանց վրա չեն թափել

Ընտրություններից ոչ մեկի ժամանակ մասնակիցներն այսքան կեղտ միմյանց վրա չեն թափել

Սեպտեմբեր 17, 2018 19:22 Նույնիսկ բովանդակության առումով այսպիսի անբովանդակ քարոզարշավ չի եղել:
Այսպես ողջ ժողովրդի օրը սկսվում է ոգևորությամբ, ավարտվում՝ հուսալքությամբ

Այսպես ողջ ժողովրդի օրը սկսվում է ոգևորությամբ, ավարտվում՝ հուսալքությամբ

Սեպտեմբեր 16, 2018 09:31 Ամբողջ ազգով բռնում ենք, թողում ենք, փռում ենք, մեղադրում ենք, հարուցում ենք։
Ուրեմն պետք է մի հատ էլ ներողություն խնդրեն Սերժի Վաչոյից

Ուրեմն պետք է մի հատ էլ ներողություն խնդրեն Սերժի Վաչոյից

Սեպտեմբեր 15, 2018 11:45 Եթե իրոք նրա գումարները հետ են տալիս։
Միգուցե Պրահայի քաղաքապե՞տ

Միգուցե Պրահայի քաղաքապե՞տ

Սեպտեմբեր 15, 2018 08:50 Ունի վեց բնակարան, որից մեկը Հյուսիսային պողոտայում, իսկ մնացածը՝ Պրահայում․ ունի նաև առանձնատուն։
ՄԱԿ-ի «Զարգացման ծրագրեր» տարեկան զեկույցում Հայաստանը 83-րդ տեղում է

ՄԱԿ-ի «Զարգացման ծրագրեր» տարեկան զեկույցում Հայաստանը 83-րդ տեղում է

Սեպտեմբեր 15, 2018 08:28 Վրաստանը՝ 70-րդ, Ադրբեջանը՝ 80-րդ:
Ինչո՞ւ Փաշինյանը որոշում չի կայացնում

Ինչո՞ւ Փաշինյանը որոշում չի կայացնում

Սեպտեմբեր 14, 2018 14:06 Ո՞րն է Փաշինյանի շահը:
Նախորդներից տարբերվել գործով

Նախորդներից տարբերվել գործով

Սեպտեմբեր 13, 2018 13:57 Մի՛ թողեք հանքարդյունաբերությունը մառազմի վերածվի:
Այսօրվա հանրահավաքում Նիկոլ Փաշինյանը պաշտպանեց Հայկ Մարությանի «սև-սպիտակների» տեսությունը

Այսօրվա հանրահավաքում Նիկոլ Փաշինյանը պաշտպանեց Հայկ Մարությանի «սև-սպիտակների» տեսությունը

Սեպտեմբեր 10, 2018 20:26 Հիմա հարց՝ ո՞րն է հակահեղափոխության դրոշակակիր ուժը։
Հայերի համար հերոս ունենալը հակացուցված է

Հայերի համար հերոս ունենալը հակացուցված է

Սեպտեմբեր 10, 2018 19:48 Հերոսին երկրպագուներ են պետք ու կատարողներ՝ առանց հարցնելու գերագույն ստրատեգիայի մասին։
Խառնաշփոթ՝ կառավարությունում

Խառնաշփոթ՝ կառավարությունում

Սեպտեմբեր 10, 2018 10:02 Երբ բազմակարծություն է լինում մեկ գլխում, դա արդեն շիզոֆրենիա է:
Ալիևը 15 պայմանագիր բերեց, Փաշինյանը բերեց ստատուս, որը հավաքեց ավելի քան 12 հազ. լայք

Ալիևը 15 պայմանագիր բերեց, Փաշինյանը բերեց ստատուս, որը հավաքեց ավելի քան 12 հազ. լայք

Սեպտեմբեր 09, 2018 10:53 Եվ պայմանագրերի մի մասը ռազմական համագործակցությանն էր վերաբերում։
Բա որ ասում էի Մկոյի թեկնածությունը առաջ քաշեք

Բա որ ասում էի Մկոյի թեկնածությունը առաջ քաշեք

Սեպտեմբեր 08, 2018 08:50 Լավ, բա հիմա ո՞ւմ ենք ընտրում քաղաքապետ։
Ինչու ավելի շատ հարկ վճարելն ավելի լավ է, քան քիչ հարկ վճարելը

Ինչու ավելի շատ հարկ վճարելն ավելի լավ է, քան քիչ հարկ վճարելը

Սեպտեմբեր 07, 2018 17:38 Թե ինչու Հայաստանն այդ ճանապարհով չի գնում, անհասկանալի է։