Հարցազրույց

Սեպտեմբեր 24, 2018 17:20

Վահրամ Բաղդասարյան․ «Հիմքեր և անհրաժեշտություն չենք տեսնում նոր խորհրդարանական ընտրությունների» (տեսանյութ)

Վահրամ Բաղդասարյան․ «Հիմքեր և անհրաժեշտություն չենք տեսնում նոր խորհրդարանական ընտրությունների» (տեսանյութ)

Ազգային ժողովի Հանրապետական խմբակցությունում նոր խորհրդարանական ընտրությունների անհրաժեշտություն չեն տեսնում: Այդ մասին «Ազատության» հետ զրույցում հայտարարեց խմբակցության ղեկավար Վահրամ Բաղդասարյանը:

«Ազատության» հարցին՝ Հանրապետականը պատրա՞ստ է քննարկումներ սկսել արտահերթ խորհրդարանական ընտրությունների շուրջ, ինչի մասին խոսել է վարչապետ Նիկոլ Փաշինյանը, Վահրամ Բաղդասարյանը արձագանքեց․ «Մենք ցանկացած քննարկումների պատրաստ ենք, բայց մենք, ինձ թվում է, Ընտրական օրենսգրքի' հետ կապված քննարկումներ մենք կունենանք, որովհետև մինչև ընտրությունները Ընտրական օրենսգիրքը մենք պետք է բարելավենք: Եվ ինձ թվում է, որ մենք ավելի շատ, ավելի կարևոր գործեր ունենք անելու, քան արտահերթ ընտրությունների մասին մտածելը»:

«Ազատություն»․ - «Այսինքն, չե՞ք բանակցի Փաշինյանի հետ արտահերթ ընտրությունների շուրջ»:

Բաղդասարյան․ - Չենք ստացել նման առաջարկ, երբ որ նման առաջարկ կստանանք, մենք դրա մասին կմտածենք:

«Ազատություն»․ - Ժամկետները ձեզ համար կարևո՞ր են լինելու, թե երբ դրանք տեղի կունենան:

Բաղդասարյան․ - Մենք առաջարկ չենք ստացել և քննարկում չենք կազմակերպել: Մենք այժմ աշխատում ենք Ընտրական օրենսգրքի վրա:

«Ազատություն»․ - Ընդունելի՞ է բայց ձեզ համար:

Բաղդասարյան․ - Մենք աշխատում ենք Ընտրական օրենսգրքի վրա: Երբ որ Ընտրական օրենսգիրքը մենք կհասցնենք իր ավարտուն տեսքին, նոր այդ ժամանակ եթե․․․ Մենք հիմքեր չենք տեսնում, անհրաժեշտություն չենք տեսնում նոր խորհրդարանական ընտրությունների:

«Շնորհավորում եմ բոլորին, բեղմնավոր աշխատանք եմ ցանկանում»

«Ազատություն»․ - Կցանկանայի Ձեր գնահատականը երեկ տեղի ունեցած ընտրությունների վերաբերյալ, որտեղ Նիկոլ Փաշինյանի աջակցությունը ստացած «Իմ քայլը» դաշինքը ջախջախիչ հաղթանակ տարավ՝ ավելի քան 81 տոկոս: Սպասելի՞ էր:

Վահրամ Բաղդասարյան․ - Բառը մի քիչ՝ «ջախջախիչ հաղթանակ տարավ»․․․ Հաղթանակ տոնեցին, իհարկե, այս արդյունքը կարող էր լինել նաև շատ ավելի ընկալելի, ավելի ցայտուն, անձամբ վարչապետի միջամտությունը եթե չլիներ, որովհետև վարչապետի համար պետք է միևնույն լինի, թե ով կլինի քաղաքապետը, որովհետև ինքը բոլորի վարչապետն է: Ինձ թվում է՝ նույն արդյունքը նորից կապահովվեր, որովհետև բոլորը գիտեն, որ դա վարչապետի քաղաքական ուժն է, և նման վարչական ռեսուրսի մասին երբ որ խոսում ենք, եթե երկրի առաջին դեմքով նման հայտարարություններ արվում են, մի փոքր քաղաքական տեսանկյունից ընկալելի չէր պարզապես:

Իսկ ինձ համար սպասելի էր այս արդյունքները, անկեղծ ասած, շատ նորմալ է, շնորհավորում եմ բոլորին, բեղմնավոր աշխատանք եմ ցանկանում: Իհարկե, ցանկալի կլիներ, որ ես ավագանում տեսնեի մի քանի քաղաքական ուժերի, ասենք՝ 6-7 քաղաքական ուժերի, որ ավելի քաղաքական լիներ, այսպես ասած: Բայց ինչևիցե՝ դա ժողովրդի կամքն է, իրենք են այդ կամքը արտահայտել:

«Ազատություն»․ - Իսկ ընդունո՞ւմ եք, որ վերջապես Հայաստանում տեղի ունեցան ազատ, արդար, ժողովրդավար ընտրություններ, և վերջապես Հայաստանի քաղաքացին, տվյալ պարագայում՝ երևանցին, կարողացավ ազատորեն իր կամքը արտահայտել:

Բաղդասարյան․ - Պարզապես ցանկացած ընտրության ժամանակ նման կարծիքներ հայտնվում են: 17 թվականի Ազգային ժողովի ընտրություններին նույն կարծիքն է եղել բոլոր քաղաքական ուժերի կողմից և բոլոր միջազգային կառույցների կողմից, և բազմաթիվ մեր ընդդիմադիրների այն պահանջները, որոնք որ պետք է մտնեին Ընտրական օրենսգիրք, դրանք մտան, և որևէ բողոք որևէ տեղամասում չի եղել, և Սահմանադրական դատարան ընդամենը մեկ հայց է եղել՝ [Հայ ազգային] Կոնգրեսի կողմից: Ինձ թվում է, որ այս նույն գնահատականները տրվել են այն ժամանակ: <...> Անհատները չպետք է տան գնահատականներ, դրանք պետք է տան միջազգային կառույցները, դիտորդները, քաղաքական ուժերը:

«Ազատություն»․ - Դիտորդներն ասում էին, որ ի տարբերություն նախորդի՝ չկային ընտրակաշառքները համատարած, մարդկանց ավտոբուսներով, «Գազել»-ներով ընտրատեղամասեր բերելը, ինչը որ հատուկ էր ձեր իշխանության ժամանակ:

Բաղդասարյան․ - Ես չեմ մասնակցել և չեմ հետևել ընտրությունների ընթացքին, որովհետև քաղաքում չեմ եղել <...>, ուրեմն՝ կարելի է առաջընթաց արձանագրել: Մենք կսպասենք, դեռ նոր է ընտրություններն ավարտվել, արդյունքները կամփոփվեն, գնահատականները կլսենք, մենք կտանք գնահատական:

«Ազատություն»․ - Իսկ մասնակցության մասո՞վ:

Բաղդասարյան․ - Մասնակցությունը ցանկալի կլինի, որ, այն էլ՝ մայրաքաղաքի ընտրություններում, Երևան քաղաքում, նաև նախորդ ընտրությունների ժամանակ դա բավականին քիչ է եղել, ինձ թվում է, որ ցանկալի կլինի, որ եթե ոչ 80 տոկոս, գոնե 50 տոկոսից ավել մասնակցություն լինի, որ դա իմանանք, որ երևանցիների կամքն է դա:

«Ազատություն»․ - Այս ընտրությունը չի՞ արտահայտում երևանցիների կամքը:

Բաղդասարյան․ - Ընդհանուր առմամբ, ընտրողների քանակին համապատասխան՝ արտահայտում է այն կամքը, որը արտահայտել է, ընտրողների քանակին: Ես ասում եմ, որ ցանկալի կլինի, որ ավելի մեծ քանակությամբ:

«Ազատություն»․ - Ինչո՞ւ էր քիչ մասնակցությունը, ունե՞ք բացատրությունը:

Բաղդասարյան․ - Ժողովրդի այդ հավատը ապագայի նկատմամբ: Ինձ թվում է, որ մարդիկ տունը նստած, դա այնպես չի, որ Երևանում ընդամենը ընտրողների այդ քանակն է՝ 43 տոկոսն է, որ այստեղ է եղել, ես համոզված եմ, որ 85-90 տոկոս, համենայն դեպս, եղել են Երևան քաղաքում, և նրանք կարող էին մասնակցություն ունենալ: Այսինքն՝ անտարբերությունը դեռևս կա:

«Ազատություն»․ - Տեսակետ կա, որ գուցե Հայաստանում չեն նրանք, արտագաղթել են, ցուցակներում կան, բայց․․․

Բաղդասարյան․ - Դե տպավորությունն այնպիսին էր, որ այս ոգևորության ֆոնի վրա պետք է նույնիսկ դրսից գային և մասնակցեին, իրենց քաղաքացիական պարտքը կատարեին:

Այս խորագրի վերջին նյութերը

Վարչապետը չպետք է գնահատի՝ ինքը քաղբանտարկյալ եղե՞լ է, թե՞ ոչ․ Ազարյան

Վարչապետը չպետք է գնահատի՝ ինքը քաղբանտարկյալ եղե՞լ է, թե՞ ոչ․ Ազարյան

Ապրիլ 19, 2019 16:34 Անմակարդակ մարդու ելույթն ինձ վրա չի կարող ազդել:
«Այն, ինչ կատարվում է երկրորդ նախագահի շուրջ, ակնհայտորեն անձնական և քաղաքական վրեժխնդրության հետևանք է»

«Այն, ինչ կատարվում է երկրորդ նախագահի շուրջ, ակնհայտորեն անձնական և քաղաքական վրեժխնդրության հետևանք է»

Ապրիլ 19, 2019 11:55 «Ամենաստոր տեխնոլոգիաների կիրառմամբ ժողովրդի միջից հանեցին անհատականությունը»։
«Եթե կառավարությունը կատարել է խոստումները, վարչապետի վարկանիշն ինչո՞ւ է ընկնում»

«Եթե կառավարությունը կատարել է խոստումները, վարչապետի վարկանիշն ինչո՞ւ է ընկնում»

Ապրիլ 18, 2019 00:36 Դա հեղափոխություն էր, որը շատ կարճ ժամանակ անց վերածվեց իշխանափոխության։
Ողջամի՞տ է արդյոք 6 ամսով հետաձգել դատական նիստը

Ողջամի՞տ է արդյոք 6 ամսով հետաձգել դատական նիստը

Ապրիլ 17, 2019 13:50 Սիլվա Համբարձումյանն ինքն է խճճվել իր ասածներում:
Վահե Հովհաննիսյան. «Մենք ունենք բովանդակային դատարկություն» (տեսանյութ)

Վահե Հովհաննիսյան. «Մենք ունենք բովանդակային դատարկություն» (տեսանյութ)

Ապրիլ 17, 2019 10:24 «Ունենք առանց պատկերացումների կառավարման մոդել»:
Ինչո՞ւ հենց հիմա գրեց․ Ռիմա Դեմիրճյանը՝ Շիրխանյանի նամակի մասին

Ինչո՞ւ հենց հիմա գրեց․ Ռիմա Դեմիրճյանը՝ Շիրխանյանի նամակի մասին

Ապրիլ 16, 2019 11:55 «Ինձ այնքան էլ դուր չեկավ Վահան Շիրխանյանի նամակը։ Շինծու նամակ էր»։
«Մենք կցանկանայինք, որ Փաշինյան-Ալիև շփումները շարունակվեին»․ ԱՄՆ դեսպան

«Մենք կցանկանայինք, որ Փաշինյան-Ալիև շփումները շարունակվեին»․ ԱՄՆ դեսպան

Ապրիլ 16, 2019 09:50 Վերջին մի քանի ամիսներին շատ դրական զարգացումներ են տեղի ունեցել։
«Երկրի ղեկավարը զգացմունքներին, մանիպուլյացիաներին տրվելու իրավունք չունի». Տարասով

«Երկրի ղեկավարը զգացմունքներին, մանիպուլյացիաներին տրվելու իրավունք չունի». Տարասով

Ապրիլ 14, 2019 00:45 «Նոր ղեկավարները երիտասարդ են, անփորձ, հրապարակախոս, զգացմունքային»։
«Հայաստանը երբեք այսքան մեկուսացված չի եղել». Ռուբեն Հակոբյան (տեսանյութ)

«Հայաստանը երբեք այսքան մեկուսացված չի եղել». Ռուբեն Հակոբյան (տեսանյութ)

Ապրիլ 11, 2019 11:34 «Մտահոգիչ է վարչապետի հոգեկան անհավասարակշիռ վիճակը»։
«Ունենք նոր երևույթ՝ քաղաքական տրանսգենդերիզմ». Անդրանիկ Թևանյան (տեսանյութ)

«Ունենք նոր երևույթ՝ քաղաքական տրանսգենդերիզմ». Անդրանիկ Թևանյան (տեսանյութ)

Ապրիլ 11, 2019 09:25 «Պոլիտէկոնոմիա» հետազոտական ինստիտուտի տնօրենը՝ հանրային-քաղաքական գործընթացների մասին։
Բացահայտ ճշմարտություն է այն, որ կալանքն ապօրինի է. Վիկտոր Սողոմոնյան (տեսանյութ)

Բացահայտ ճշմարտություն է այն, որ կալանքն ապօրինի է. Վիկտոր Սողոմոնյան (տեսանյութ)

Ապրիլ 10, 2019 20:12 Մարտի 1-ի գործը դեռ պարզա­բանման կարիք ունի, և մեր հանրությունը պետք է տեղեկանա, թե ով ինչ սադ­րանքների դիմեց և գնաց թաքնվեց:
«Եթե մենք ունենանք կարգավիճակ, բայց ԼՂԻՄ-ի սահմաններում, իհարկե` այդ լուծումը մեզ ձեռք չի տալիս»

«Եթե մենք ունենանք կարգավիճակ, բայց ԼՂԻՄ-ի սահմաններում, իհարկե` այդ լուծումը մեզ ձեռք չի տալիս»

Ապրիլ 10, 2019 00:05 Չի կարող լինել վերադարձ անցյալին, լինի դա սահմանների, թե կարգավիճակի առումով։
Աննա Հակոբյանի սկանդալային հարցազրույցը «Ամերիկայի ձայնին»

Աննա Հակոբյանի սկանդալային հարցազրույցը «Ամերիկայի ձայնին»

Ապրիլ 08, 2019 11:13 «Հազարավոր զինվորներ իրենց կյանքը տվել են հանուն ոչնչի»։