Կամավոր և բռնի ստրկացման տարբերությունները

● Մեկնաբանություն

04.10.2018 ● 23:57

Կամավոր և բռնի ստրկացման տարբերությունները

Բռնի ստրկացումից կարելի է մի օր ազատագրվել։ Կամավոր ստրկացումից ազատագրում չկա։

Բռնություն կիրառելով՝ ստրկատերը կարող է տիրել մարմնին, բայց ոչ հոգուն և մտքին։ Իսկ երբ ստրկացվողը կամավոր է հանձնում իր հոգին և ուղեղը, ապա նրա մարմինն ազատագրելու շանս և իմաստ չկա։

Բռնի ստրկացվողը շատ լավ գիտակցում է իր ստրկական վիճակը և մտածում ստրկությունից ազատվելու մասին, իսկ կամավոր ստրկացողն այդ ուղղությամբ չի մտածում, քանզի ինքը չի գիտակցում, որ ստրուկ է։

Բռնի ստրկատերը իրեն հեռու է պահում իր ստրուկների հետ անմիջական շփումներից։ Իսկ ահա կամավոր ստրկատերը գտնվում է, այսպես ասած, հասանելի անհասանելիության ռեժիմում, այսինքն՝ ստրկատերը համոզում է ստրուկին, որ ինքը ստրուկին ծառայում է և ամեն ինչ ստրուկն է որոշում, բայց դա մեծագույն բլեֆ է և լկտի սուտ։

Բռնի ստրկացնելու տարբեր ձևեր կան։ Տարածված է ֆիզիկական ուժի կիրառումը։ Կարելի է նաև փողով ստրկացնել մարդկանց, օրինակ՝ 10 հազար դրամով։ Քաղաքականապես բոմժացնել նրանց կամ սոցիալապես աղքատացնել, ու հետո 10 հազար դրամով դարձնել իշխանության ստրուկը։

Կամավոր ստրկության դեպքում բռնություն պետք չէ։ Կարելի է մարդուն ներշնչել, որ ինքը արդեն ազատագրվել է ստրկությունից, քանզի ապստամբել է բռնի ստրկատիրոջ դեմ։ Բայց դա պատրանք է. կամավոր ստրկացողները միշտ պատրանքների գիրկն են ընկնում։

Կամավոր ստրկացողը, ի տարբերություն բռնիի, հիվանդ է։ Հիվանդ են նրա հոգին և ուղեղը։ Բռնությունից ազատվել կարելի է ցանկացած հարմար պահի, իսկ ահա կամավոր ստրկացումից ազատագրումը ժամանակ ու լուրջ բժիշկ է պահանջում։

Մեր օրերում հիմնականում հանդիպում ենք կամավոր ստրկացման տարատեսակների։ Մարդիկ կախվածության մեջ են հայտնվում նյութական արժեքներից՝ տեխնիկա, պերճանքի առարկաներ, լայն սպառման ապրանքներ և այլն։

Կան անհատական և կոլեկտիվ ստրկացման տարբերակներ։ Կոլեկտիվ ստրկացման դեպքերի, որպես կանոն, հանդիպում ենք քաղաքական դաշտում։ Ստրկացնելու համար կիրառվում է վախի ներշնչման ու թշնամու կերպարի ստեղծման տեխնոլոգիան։ Սուտը և մանիպուլյացիան կամավոր ստրկացման լավագույն գործիքներն են։

Որքան հիվանդ ու չկայացած է հասարակությունը, այնքան հեշտ է այն ստրկացնել կամավոր հիմունքներով։ Կամավոր ստրկացումից դուրս գալու համար ժամանակ է պետք կամ շոկ։ Երկու դեպքում էլ պետությունը և հասարակությունը տուժում են, բայց դա այն գինն է, որը վճարվում է՝ կամավոր ստրկության մեջ հայտնվելու դիմաց։

Կորյուն Մանուկյան

● Այս խորագրի վերջին նյութերը

Ինչու էր Փաշինյանը հրահանգել Սամվել Վարդանյանի դեմ հանցագործություն իրականացնել

18.04.2024 ● 16:16

Նիկոլը հիմա սվինների վրա է նստած ու այդպես է պահում իշխանությունը: Բայց դե սվիների վրա հնարավոր չէ երկար նստած մնալ:

Ինչու է «հաչում» Տիգրան Ավինյանը

17.04.2024 ● 17:24

Նիկոլ Փաշինյանն իր թիմակիցներին դրդում է համատեղ հանցագործության, լկտիության ու ապօրինության, որպեսզի նրանք անձնական շահագրգռվածություն ունենան իր իշխանությունը պահելու հարցում:

Աննա Հակոբյանը հավաքել էր հին ու նոր օլիգարխներին. 1 մլն դրամանոց ընթրիքի հետքերով

15.04.2024 ● 19:46

Ահա այսպես են օլիգարխիայի դեմ պայքարի լոզունգներով իշխանության եկածները օլիգարխների նոր որջ բուծում։

Ի՞նչ կլիներ, եթե ․․․, ի՞նչ կլինի, եթե ․․․

12.04.2024 ● 17:08

Հետագա «եթե»–ներից խուսափելու և նոր արհավիրքներ չունենալու համար պետք է վռնդել Նիկոլ Փաշինյանին վարչապետի կաբինետից։

Ինչու է թրաշված/անթրաշ Տիգրան Ավինյանը չզեկուցվող դարձնում կասկածելի հարցերը

12.04.2024 ● 16:55

Տիգրան Ավինյանը շինթուլյտվությունների և փողաբեր այլ հարցերի քննարկումները տեղափոխել է հանձնաժողովներ, որոնք հիմնականում չեն լուսաբանվում։ Նույն այդ հարցերը նա ավագանու նիստերի ժամանակ չի ուզում զեկուցել։

Ենիչերիները

12.04.2024 ● 15:23

Թող «խոզն» ու մյուսներն իրենց վատ չզգան, քանզի իրենք էլ են ենիչերիներ, բայց Arabat–ին ու Ալենին չեն հասնի

Հայաստանն ու Ադրբեջանը նախնական համաձայնեցրել են սահմանագծի առանձին հատվածները

ՔՊԿ-ի իրական դեմքը երևում է Երևանի գետնանցումներում՝ սալիկաթափ, գարշահոտ, վտանգավոր (տեսանյութ)

Ադրբեջանը քանդել է Շուշիի Կանաչ ժամը (լուսանկար)

● Մեկնաբանություն