Քաղաքական

Հոկտեմբեր 11, 2018 11:22

ԱԱԾ-ն պարզում է Արմեն Ավետիսյանի ընտանիքին պատկանող երեք բարձրակարգ հյուրանոցների կառուցման ֆինանսավորման աղբյուրները

ԱԱԾ-ն պարզում է Արմեն Ավետիսյանի ընտանիքին պատկանող երեք բարձրակարգ հյուրանոցների կառուցման ֆինանսավորման աղբյուրները

Հայաստանի Հանրապետության ազգային անվտանգության ծառայության քննչական վարչությունում հարուցվել է քրեական գործ ՀՀ մաքսային պետական կոմիտեի նախկին նախագահ Արմեն Ավետիսյանի կողմից ձեռնարկատիրական գործունեությանն ապօրինի մասնակցելու և հանցավոր ճանապարհով ստացված առանձնապես խոշոր չափերով գումարներն օրինականացնելու (փողերի լվացում) դեպքի առթիվ` նախատեսված ՀՀ քրեական օրենսգրքի 310-րդ հոդվածով և 190-րդ հոդվածի 3-րդ մասի 1-ին կետով:

Ձեռնարկված օպերատիվ-հետախուզական միջոցառումների և քննչական գործողությունների արդյունքում ստացված նախնական տվյալների համաձայն, Արմեն Ավետիսյանը, 2001 թվականից զբաղեցնելով ՀՀ մաքսային պետական կոմիտեի նախագահի պաշտոնը, իր հետ գործնական կապերի մեջ գտնված անձանց հետ համատեղ ձեռնարկել և հիմնականում կանխիկ գումարներով ֆինանսավորել է Երևանի Ազատության պողոտայում գտնվող «Գոլդեն Փելես» հյուրանոցային համալիրի կառուցումը: Իր և մյուսների մասնակցությունը, ինչպես նաև ֆինանսավորման աղբյուրը քողարկելու նպատակով հյուրանոցի կառուցումը վերագրվել է Կիպրոսի օֆշորային գոտում հիմնադրված «Ռիվերհիլ Հոլդինգս» ՍՊ ընկերությանը` հանրությանը այդկերպ մոլորեցնելով, թե հյուրանոցի կառուցման համար ծախսված միլիոնավոր ԱՄՆ դոլարներն իբր ՀՀ-ում օտարեկրյա ներդրում են: Արմեն Ավետիսյանն անձամբ վերահսկելով շինարարական աշխատանքների ընթացքը, իր պաշտոնական դիրքն օգտագործելով, առանձին դեպքերում նաև նպաստել է հյուրանոցի կառուցման ընթացքում ծագած տարաբնույթ խնդիրների լուծմանը:

Հատկանշական է, որ օտարերկրյա ներդրումներով հյուրանոցը կառուցված լինելու փաստարկն ավելի համոզիչ դարձնելու համար 2005 թվականին հյուրանոցի բացման արարողության ժամանակ հանրությանը, որպես օտարերկրյա ներդրող ներկայացվել է իրականում այդ ընկերության գործունեության հետ որևէ կապ չունեցող Լիբանանի քաղաքացու, ով որոշ ժամանակ նույն հյուրանոցում աշխատել է ընդամենը որպես տնօրեն:

Այնուհետև, ընդլայնելով հյուրանոցային բիզնեսը` նույն կազմակերպության անունից 2010-2012 թթ. Ծաղկաձորում կառուցվել է «Գոլդեն Փելես» հյուրանոցը: 2012 թվականին վերը նշված երկու հյուրանոցների սեփականատեր դարձել է Անգլիայի Դուգլաս քաղաքում հիմնադրված «Գոլդեն գրուպ լիմիտեդ» ՓԲԸ-ն, որի 100 տոկոս բաժնետեր հանդիսացել է Արմեն Ավետիսյանի որդին՝ Արտաշես Ավետիսյանը:

Հետագայում` 2018 թվականին, Արմեն Ավետիսյանի և նրա որդու կողմից Երևանի Հյուսիսային պողոտայում հիմնադրվել է երրորդ` «Գոլդեն փելես բուտիկ» հյուրանոցը:

Ի դեպ, վերոնշյալ երեք հյուրանոցների շուկայական ընդհանուր արժեքը գնահատվել է առնվազն 90 մլն ԱՄՆ դոլար:

Կատարվում է նախաքննություն: Քրեական գործի շրջանակներում իրականացվում են լայնածավալ օպերատիվ-հետախուզական միջոցառումներ և անհետաձգելի քննչական գործողություններ` հյուրանոցների կառուցման համար ներդրված միլիոնավոր դոլարների ծագման իրական աղբյուրը, փաստացի ներդրողներին և հնարավոր մյուս սեփականատերերին պարզելու ուղղությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս խորագրի վերջին նյութերը

«Դատարանը հլու-հնազանդ կատարում է ՀՔԾ պատվերը». Մանվել Գրիգորյանի պաշտպան

«Դատարանը հլու-հնազանդ կատարում է ՀՔԾ պատվերը». Մանվել Գրիգորյանի պաշտպան

Դեկտեմբեր 18, 2018 14:51 «Հայաստանում դատական իշխանությունը գտնվում է ծայրահեղ հոգեվարքի մեջ»,-Լևոն Բաղդասարյան։
Կարեն Կարապետյանը ՀՀԿ-ից դուրս գալու դիմում է գրել

Կարեն Կարապետյանը ՀՀԿ-ից դուրս գալու դիմում է գրել

Դեկտեմբեր 18, 2018 09:28 Տևական ժամանակ չէր այցելում Հանրապետական կուսակցություն։
Դատարանը մերժել է 2-րդ նախագահի պաշտպանական թիմի միջնորդությունը

Դատարանը մերժել է 2-րդ նախագահի պաշտպանական թիմի միջնորդությունը

Դեկտեմբեր 17, 2018 16:25 Պահանջում էին Նիկոլ Փաշինյանին պարտավորեցնել ներողություն խնդրել։
Լուկաշենկոյի ելույթի նոր մանրամասները Փաշինյանի հետ զրույցից (տեսանյութ)

Լուկաշենկոյի ելույթի նոր մանրամասները Փաշինյանի հետ զրույցից (տեսանյութ)

Դեկտեմբեր 17, 2018 09:53 «Ես Նիկոլին ասացի՝ ինչո՞ւ ես լեզուդ մտցրել...: Վախենո՞ւմ ես Վլադիմիր Վլադիմիրովիչից»:
Տասնյակ ընդդիմադիրներ ու ակտիվիստներ են ձերբակալվել Ղազախստանում

Տասնյակ ընդդիմադիրներ ու ակտիվիստներ են ձերբակալվել Ղազախստանում

Դեկտեմբեր 16, 2018 19:04 Փորձել են բարձրաձայնել տեղի ունեցած արյունալի իրադարձությունների մասին:
ԿԸՀ-ն հրապարակել է ԱԺ արտահերթ ընտրությունների վերջնական արդյունքները (տեսանյութ)

ԿԸՀ-ն հրապարակել է ԱԺ արտահերթ ընտրությունների վերջնական արդյունքները (տեսանյութ)

Դեկտեմբեր 16, 2018 13:08 Ընտրության մասնակիցների թիվը կազմել է 1 միլիոն 261 105 կամ 48․ 63 տոկոս։
ԱԱԾ-ն կարճել է Առաքել Մովսիսյանի վերաբերյալ գործը

ԱԱԾ-ն կարճել է Առաքել Մովսիսյանի վերաբերյալ գործը

Դեկտեմբեր 15, 2018 20:56 «Շնորհքով ներխուժելուց» հետո։
Հակառակորդը հրադադարի պահպանման ռեժիմը խախտել է շուրջ 250 անգամ

Հակառակորդը հրադադարի պահպանման ռեժիմը խախտել է շուրջ 250 անգամ

Դեկտեմբեր 15, 2018 13:19 Հայ դիրքապահների ուղղությամբ արձակել է ավելի քան 2500 կրակոց:
Լուկաշենկոն Սերժ Սարգսյանի մասին

Լուկաշենկոն Սերժ Սարգսյանի մասին

Դեկտեմբեր 14, 2018 17:06 Նա ասել է, որ Սերժ Սարգսյանը հրաժարվել է հանձնել Արցախի 5 շրջանները Ադրբեջանին։
Դատարանը չբավարարեց Արմեն Գևորգյանին կալանավորելու միջնորդությունը (տեսանյութ)

Դատարանը չբավարարեց Արմեն Գևորգյանին կալանավորելու միջնորդությունը (տեսանյութ)

Դեկտեմբեր 14, 2018 16:50 «Շարունակելու ենք ապացուցել իմ անմեղությունը»,-ասել է Գևորգյանը։
Լուկաշենկո. Նիկոլ Փաշինյանը թաթախեց մեզ ներքաղաքական խնդիրների մեջ

Լուկաշենկո. Նիկոլ Փաշինյանը թաթախեց մեզ ներքաղաքական խնդիրների մեջ

Դեկտեմբեր 14, 2018 14:44 Նիկոլ Փաշինյանն այս հարցում «շիլաշփոթ» է ստեղծել:

Թունավորվել են Վանաձորում

Դեկտեմբեր 18, 2018 19:50