Աշխարհ

13.10.2018 15:15


Թուրքիայի նախագահականից արձագանքել են են ամերիկացի հոգևորականի ազատ արձակմանը

Թուրքիայի նախագահականից արձագանքել են են ամերիկացի հոգևորականի ազատ արձակմանը

Թուրքիայի նախագահականից մեկնաբանել են ամերիկացի հոգևորական Էնդրյու Բրանսոնի ազատ արձակումը։

Թեմային անդրադարձել է Թուրքիայի նախագահականի հասարակության հետ կապի վարչության ղեկավար Ֆարեթթին Ալթունը։

«ԱՄՆ-ի նախագահին ցանկանում ենք մեկ անգամ ևս հիշեցնել, որ Թուրքիան ժողովրդավար և օրենքի պետություն է, իսկ թուրք դատավորներն էլ անկախ են։ Ինչպես թուրքական դատարաներին, այնպես էլ Թուրքիայի Հանրապետության ոչ մի մարմին, պաշտոնյա, կամ որևէ այլ մարդ չի կարող հրահանգ տալ»։

Հոկտեմբերի 11-ին Իզմիրի ծանր հանցանքների դատարանում ընթանում էր Բրանսոնի գործով 4-րդ դատական նիստը։ Նրան սպառնում էր մինչև 35 տարվա ազատազրկում։ Այսօր տեղի ունեցած դատական նիստից հետո դատարանը Բրանսոնին դատապարտեղ 3 տարվա ազատազրկման։ Բայց հաշվի առնելով բանտում Բրանսոնի անցկացրած ժամանակը` դատարանը համարել է, որ ամերիկացի հոգևորականը կրել է իր պատիժը և ազատ է արձակել նրան։ Բրանսոնը կալանավորվել էր 2016թ. կեսերին՝ Թուրքիայում ահաբեկչական համարվող կազմակերպությունների հետ կապ ունենալու մեղադրանքով։

Բրանսոնի կալանավորվելու առնչությամբ թուրք-ամերիկյան հարաբերություները խիստ լարվել էին։ ԱՄՆ-ն այդ հարցում Թուրքիայի վրա ճնշում գործադրելու համար մի շարք տնտեսական պատժամիջոցներ սահմանել։

Աղբյուրը՝ ermenihaber.am

Այս խորագրի վերջին նյութերը