Հարցազրույց

Հոկտեմբեր 30, 2018 20:24

Ազնավուրը մեծ մարդ էր, հանճար. Ժերեմի Դելվերը՝ Հայաստանի, Ազնավուրի ու մյուզիքլում երգելու մասին (տեսանյութ)

Ազնավուրը մեծ մարդ էր, հանճար. Ժերեմի Դելվերը՝ Հայաստանի, Ազնավուրի ու մյուզիքլում երգելու մասին (տեսանյութ)

Նա ընդամենը մեկ հայկական երգ երգեց ու այդ երգով կարողացավ գրավել աշխարհի բոլոր ծայրերում ապրող հայերի սրտերը: Ֆրանսիացի բարիտոն, ֆրանսիական ազգային գվարդիայի երգչախմբի անդամ Ժերեմի Դելվերը համահայկական սիրո արժանացավ այն բանից հետո, երբ լեգենդար Շառլ Ազնավուրի հոգեհանգստի արարողության ժամանակ գեղեցիկ մեկնաբանությամբ ներկայացրեց «Հայկական վալս» ստեղծագործությունը՝ չտիրապետելով հայերենին: Դելվերը Հայաստանում է, Երևանում մասնակցում է «Քեզ համար, Ազնավուր» խորագրով համերգին՝ այստեղ ներկայացնելով հայերի սրտերը գերած ստեղծագործությունը:

Ժերեմին անկեղծանում է՝ իր փոխարեն կարող էր լինել ցանկացած այլ երգիչ, որովհետև Ֆրանսիայում բազում տաղանդավոր արտիստներ կան: Բայց բախտը ժպտաց հենց իրեն: «Արմենպրես»-ի հետ զրույցում երգիչը պատմում է Հայաստան այցի, Շառլ Ազնավուրի երգերի ու մյուզիքլում երգելու երազանքի մասին:

Համահայաստանյան սեր՝ մեկ երգից հետո

Չէի սպասում, որ երգից հետո նման արձագանք կլինի: Ֆրանսիական ազգային գվարդիայի երգչախմբում բոլորս շատ զարմացանք նման արձագանքից, որովհետև պարզապես մեր գործն էինք անում: Մենք Ֆրանսիայում հաճախ ենք ելույթ ունենում մեծ մարդկանց հրաժեշտի արարողություններին: Շատ կարճ ժամանակ ունեինք կազմակերպչական առումով ամեն ինչ հասցնելու համար: Մենք շատ կենտրոնացած էինք աշխատում ու, անկեղծ ասած, չէինք սպասում նման արձագանքի, աղմուկի, սիրո:

Սեր երաժշտության նկատմամբ

Ես երաժիշտների ընտանիքից չեմ: Սովորել եմ պատմություն և աշխարհաքաղաքականություն, դրանից հետո ընդունվել կոնսերվատորիա, և իմ կյանքը փոխվել է: Երգել եմ տարբեր երգչախմբերում, հետո հայտ եմ ներկայացրել՝ երգելու Ֆրանսիական ազգային գվարդիայի երգչախմբում: Տղամարդկանց ֆանտաստիկ խումբ է, որը ղեկավարում են երկու կին: Մենք բազմաթիվ արարողությունների ենք մասնակցում, Ֆրանսիայում համերգներ տալիս: Երբեմն ելույթ ենք ունենում եվրոպական երկրներում:

Երբ փոքր էի, և ռադիոյից երաժշտություն էր հնչում, միշտ ձայնակցում էի, երգում: Այդ թվում՝ նաև Շառլ Ազնավուրի երգերը: Բայց այդ ժամանակ դասական երաժշտություն չէի պարապում: Ֆրանսիայում ավագ դպրոցում սովորելու տարիներին բացահայտեցի դասական երաժշտությունը: 20 տարեկան էի, երբ ընդունվեցի կոնսերվատորիա, հիմա գրեթե 34 տարեկան եմ:

Որևէ գործիք չեմ նվագում: Իմ միակ գործիքը ձայնս է:

154724

Ֆրանսիական ազգային գվարդիայի երգչախմբի հնարավոր այցը Հայաստան

Իհարկե, ես սիրում եմ դասական երաժշտություն, բայց սիրում եմ նաև ջազ: ՀՀ մշակույթի նախարար Լիլիթ Մակունցի և ՀՀ-ում Ֆրանսիայի դեսպան Ժոնաթան Լաքոտի հետ եղանք «Մեցցո» ակումբում: Ուղղակի հիասքանչ էր: Ջազ շատ եմ սիրում, իմ տանն էլ շատ եմ ջազ երաժշտություն լսում, որովհետև այն շատ գեղեցիկ է:

Մենք Լիլիթ Մակունցի և Ժոնաթան Լաքոտի հետ քննարկել ենք ֆրանսիական ազգային գվարդիայի երգչախմբի՝ Հայաստանում հնարավոր հյուրախաղերի կազմակերպումը: Մեր երգչախումբն այնքա՜ն գեղեցիկ երկացանկ ունի, հուսով եմ, որ մի օր կկարողանանք այն ցույց տալ հայ ունկնդրին: Իհարկե, դա կապված է մեծ ծախսերի հետ, որովհետև երգչախմբում 40 երգիչ է, գումարած՝ դաշնակահար, դիրիժորներ, դիրիժորի ասիստենտ և այլք: Գիտեմ, որ հեշտ նախագիծ չէ: Բայց ես ցանկանում եմ իմ գործընկերներին ցույց տալ Հայաստանը, որովհետև դուք հիանալի, ջերմ, բարի մարդիկ եք: Նրանք արժանի են տեսնելու այս ամենը: Ազնավուրի հոգեհանգստին միայն ես չէի երգում: Նրանք բոլորն ինձ հետ էին: Ես այսօր այստեղ մենակ եմ, և նրանք էլ պետք է գան Հայաստան:

Երաժշտությունն ու արշավները

Ես շատ եմ սիրում արշավների մասնակցել, սարեր մագլցել, գեղեցիկ բնապատկերներ տեսնել: Ֆրանսիան շատ գեղեցիկ երկիր է: Հուսով եմ՝ նաև Հայաստանում էլ արշավների կմասնակցեմ: ՀՀ մշակույթի փոխնախարար Տիգրան Գալստյանն ինձ հրավիրել է իր հետ արշավի: Հուսով եմ՝ կատակ չէր, որովհետև շատ եմ սիրում արշավներ: Եվ հույս ունեմ, որ կիրականացնենք այդ գաղափարը, որովհետև այստեղ հիասքանչ բնապատկերներ կան: Բնաշխարհն ինձ ոգեշնչում է, ես շատ եմ սիրում լինել բնության գրկում:

Բացի այդ, շատ եմ սիրում ոչինչ չանել: Ուղղակի հանգստանալ գյուղում: Սիրում եմ հանդիպել ընկերներիս հետ: Ընկերներիցս շատերն են երաժիշտներ, հաճախ չենք հանդիպում, քանի որ մշտապես շրջագայությունների մեջ ենք:

Ես վայելում եմ կյանքը: Կյանքն իրոք շատ կարճ է, պետք է պարզապես վայելել այն:

Ես ֆրանսիացի եմ, սիրում եմ նաև համեղ սնվել, լավ գինի ըմպել: Այստեղ պարզապես հիանալի գինի խմեցի: Հայկական խոհանոցը շատ լավն է, Գառնիում շատ համեղ խորոված համտեսեցինք:

Հայաստանում հանդես գալը՝ մեծ պատիվ

Պետք է ասեմ, որ այստեղ շատ բան չեմ հասցրել տեսնել: Բազում լրագրողների հանդիպեցի (ծիծաղում է): Գրաֆիկս հագեցած է բազում հանդիպումերով, փորձերով: Շատ կարճատև ճանապարհորդություն է: Արդեն հանդես եմ եկել օպերային թատրոնում: Շնորհակալ եմ Հայկ Պետրոսյանին Շառլ Ազնավուրին նվիրված այս հիանալի համերգը կազմակերպելու համար:

Մեծ պատիվ է, որ ինձ հրավիրել են, որովհետև, գիտե՞ք, ես պարզապես լավ երգիչ եմ, բայց իմ երկրում այնքա՜ն լավ երգիչներ կան: Ես ինձ շատ բախտավոր եմ համարում, որ այստեղ եմ:

Բացահայտելով Ազնավուրին

Ես շատ փոքր էի, երբ բացահայտեցի Շառլ Ազնավուրին: Իմ մայրիկն ու հայրիկը շատ են լսել ֆրանսիական երգեր, այդ թվում՝ Շառլ Ազնավուրի գործերը: Ազնավուրը կարծես եղել է իմ ընկերը: Ես երեք անգամ հեռվից տեսել եմ նրան, բայց անձնապես չեմ ճանաչել: Բայց ես նրա երկրպագուն եմ եղել:

Շատ սիրելի երգեր ունեմ նրա երկացանկից՝ La Bohème-ը, La mamma-ն, Mourir d'aimer-ը, Hier Encore-ը… Գիտե՞ք, այնքա՜ն շատ են: Ազնավուրը մեծ մարդ էր, հանճար, այնքա՜ն երգեր ունի գրած:

Մանրամասները՝ «Արմենպրես»-ում։

Այս խորագրի վերջին նյութերը

Փաշինյանի պատգամավոր թիմակիցը հերքում է արագաչափերը Սաշիկին պատկանելու լուրը

Փաշինյանի պատգամավոր թիմակիցը հերքում է արագաչափերը Սաշիկին պատկանելու լուրը

Հունվար 23, 2019 11:42 «Պետության սեփականությունն է շատ վաղուց»։
Ապագայում ընդդիմությունը դատապարտված է ձևավորվել ԱԺ-ից դուրս. Միքայել Մինասյան

Ապագայում ընդդիմությունը դատապարտված է ձևավորվել ԱԺ-ից դուրս. Միքայել Մինասյան

Հունվար 18, 2019 08:51 «Եթե այս իշխանությունը ևս չկարողանա բավարարել հանրության լավ ապրելու պահանջմունքը, դարձյալ հանրային հուզումներ կլինեն»:
«Այո՛, Ռոբերտ Քոչարյանը քաղբանտարկյալ է». Վիկտոր Սողոմոնյան

«Այո՛, Ռոբերտ Քոչարյանը քաղբանտարկյալ է». Վիկտոր Սողոմոնյան

Հունվար 11, 2019 12:46 Քաղաքական հետապնդումն իրականացվում է անթաքույց ու կոպիտ ձևերով։
«Քոչարյանին ուղղված Պուտինի շնորհավորանքի հասցեատերը ոչ միայն Քոչարյանն է, այլև Փաշինյանը». Մոդեստ Կոլերով

«Քոչարյանին ուղղված Պուտինի շնորհավորանքի հասցեատերը ոչ միայն Քոչարյանն է, այլև Փաշինյանը». Մոդեստ Կոլերով

Դեկտեմբեր 28, 2018 20:11 «Աբսուրդ է Քոչարյանի դեմ մեղադրանքը, դա քաղաքական պատվեր է Փաշինյանի կողմից»։
Իմ դեմ գործընթացում անձնական վրեժխնդրություն կա․ Վահագն Հարությունյան (տեսանյութ)

Իմ դեմ գործընթացում անձնական վրեժխնդրություն կա․ Վահագն Հարությունյան (տեսանյութ)

Դեկտեմբեր 13, 2018 21:13 «Ամբողջ այս գործընթացներն ուղղորդված են»։
Դատավորի վրա բիրտ ճնշում է եղել. դատավոր Ալեքսանդր Ազարյան

Դատավորի վրա բիրտ ճնշում է եղել. դատավոր Ալեքսանդր Ազարյան

Դեկտեմբեր 08, 2018 10:29 Հասարակության կողմից, տարբեր պաշտոնատար անձանց կողմից, այո՛, ճնշում է եղել։
«Գաղտնալսողին պետք է շնորհակալություն հայտնել». Ստեփան Դանիելյան

«Գաղտնալսողին պետք է շնորհակալություն հայտնել». Ստեփան Դանիելյան

Դեկտեմբեր 07, 2018 12:24 «Սա նույնպես բարոմետր է, որ մենք կարող ենք տեսնել, թե ով իրեն ինչպես է պահում»։
«Չկա այն փոխադարձ վստահությունը Պուտինի և Փաշինյանի միջև, որի մասին պատմում էր Փաշինյանը». Մոդեստ Կոլերով

«Չկա այն փոխադարձ վստահությունը Պուտինի և Փաշինյանի միջև, որի մասին պատմում էր Փաշինյանը». Մոդեստ Կոլերով

Դեկտեմբեր 05, 2018 15:55 «Նույն կերպ Սերժի Սարգսյանի ղեկավարման մեծամասնության օրոք է եղել»։
Կրկնվում է այն պրակտիկան, ինչ ՀՀԿ-ի ժամանակ էր. Վարուժան Հոկտանյան (տեսանյութ)

Կրկնվում է այն պրակտիկան, ինչ ՀՀԿ-ի ժամանակ էր. Վարուժան Հոկտանյան (տեսանյութ)

Նոյեմբեր 22, 2018 13:16 Վարչական ռեսուրսի չարաշահում է տեղի ունենում։
Մտածող ընտրողը շատ ծանր կացության մեջ է հայտնվելու․ Ավետիք Իշխանյան

Մտածող ընտրողը շատ ծանր կացության մեջ է հայտնվելու․ Ավետիք Իշխանյան

Նոյեմբեր 21, 2018 09:54 Պայքարը ընդամենը իշխանության լծակներին տիրանալու համար է։
Երվանդ Բոզոյան. «Հին  մեթոդներով նոր  Հայաստան  կառուցելը  ոչ  միայն  անպատվաբեր է, այլև  վտանգավոր»

Երվանդ Բոզոյան. «Հին  մեթոդներով նոր  Հայաստան  կառուցելը  ոչ  միայն  անպատվաբեր է, այլև  վտանգավոր»

Նոյեմբեր 14, 2018 16:11 «Սամվել Մայրապետյանի հանդեպ խտրական վերաբերմունք կա»:
Նիկոլայ Սվանիձեն հարցազրույց է անցկացրել Ռոբերտ Քոչարյանի հետ (տեսանյութ)

Նիկոլայ Սվանիձեն հարցազրույց է անցկացրել Ռոբերտ Քոչարյանի հետ (տեսանյութ)

Նոյեմբեր 12, 2018 17:12 Խոսել են Հայաստանից և Ղարաբաղից։
Ռոբերտ Քոչարյան․ «Իշխանության մենաշնորհը հանգեցնում է լճացման և բարոյազրկման»

Ռոբերտ Քոչարյան․ «Իշխանության մենաշնորհը հանգեցնում է լճացման և բարոյազրկման»

Հոկտեմբեր 29, 2018 13:32 «Ես Հայաստանի ապագայի հետ կապված լուրջ անհանգստության հիմքեր ունեմ»։