Աշխարհ

03.11.2018 09:23


«Գուգլ» ընկերության աշխատակիցները ցույց են անում (տեսանյութ)

«Գուգլ» ընկերության աշխատակիցները ցույց են անում (տեսանյութ)

«Գուգլ» ընկերության Սան Ֆրանցիսկոյի մասնաճյուղի աշխատակիցները միացան աշխարհի տարբեր երկրներում գործող այս ընկերության բողոքի արշավին եւ նույնպես ժամանակավորապես դադարեցրին աշխատանքը՝ սկսելով երթ քաղաքում: Նրանց զայրացրել է Նյու Յորք Թայմսի հայտնած այն տեղեկությունը, ըստ որի սեռական վատ վարք ցուցաբերած գործադիր ղեկավարներից մեկի պայմանագիրը կարճելուց հետո, ընկերությունը նրան վճարել է 90 միլիոն դոլար:

Երթի մասնակիցները բացի վանկարկումներից նաեւ պատմում էին իրենց հետ այս ընկերությունում տեղի ունեցած սեռական բնույթ ունեցող միջադեպերի մասին: Բողոքում էին, որ շատ դեպքում նման հանգամանքներում են աշխատանքի ընդունում կանանց, առաջարկում ավելի բարձր պաշտոններ ու վճարում ավելի:

Աշխատակիցներն ասում են, թե տխուր է, որ նույնիսկ ամենալավ ընկերություններ համարվող հաստատություններն անգամ զուրկ չեն սեռական բռնությունների կամ սեռական անհարգի մոտեցումների դեպքերից:

Մենք պահանջում ենք, որ «Գուգլ»-ն ամեն ինչ անի իր արժեքներին հավատարիմ մնալու համար, ասում են ցուցարարները:

Ընկերության գործադիր տնօրենը հրապարակել է հայտարարություն, որտեղ ասված է, որ ինքը լիովին աջակցում է աշխատավորներին եւ որ հարգում է ընկերության քաղաքականությունը բարեփոխելու նրանց պահանջն ու առաջարկները:

Դա թույլ է տալիս աշխատավորներին հավատալ, որ փոփոխություններ ու բարեփոխումներ տեղի կունենան, երբ ղեկավարությունը լավ ըմբռնի, թե որքան հաստատակամ են իրենք:

«Մենք դուրս եկանք փողոց, գրավելու համար ղեկավարների ուշադրությունը»,-ասում են բողոքի ցույցի մասնակիցները ու փայփայում մեծ հույսեր, որ գործը միայն ուշադրությամբ չի ավարտվի եւ որ իրենց պահանջները կկատարվեն:

Աղբյուրը՝ Ամերիկայի ձայն

Այս խորագրի վերջին նյութերը