Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքի հիշատակը վիրավորելու մեղադրանքով նոյմեբերի 10-ին կալանավորված Թուրքիայի քաղաքացի տկն Էմինե Շահինը պայմանականորեն ազատ է արձակվել։

Դա տեղի է ունեցել այն բանից հետո, երբ նրա փաստաբանները բողոքարկել էին որպես խափանման միջոց կալանքն ընտրելու որոշումը։ Թուրքական դատարանը բավարարել է այդ պահանջը և կնոջը պայմանականորեն ազատ արձակել։

Տեղեկացնենք, որ երբ Թուրքիայում նոյեմբերի 10-ին հիշատակում էին Աթաթուրքի մահվան օրը, Էմինե Շահինն այդ արարողության ժամանակ վանկարկել էր. «Աթաթուրքը Ալլահ չէ, գոյություն ունեն Ալլահի օրենքները։ Դուք պաշտում եք կուռքերին և նրանց նկատմամբ հարգանք ցուցաբերում»։

Աղբյուրը՝ ermenihaber.am