Լրահոս

20.11.2018 10:29


Երևանում թալանել են Սևանի գաղութի հատուկ բաժնի պետի Opel-ը, ՓԲԸ գլխավոր տնօրենի Volkswagen Touareg-ը և 21-ամյա երիտասարդի Porsche Cayenne-ը

Երևանում թալանել են Սևանի գաղութի հատուկ բաժնի պետի Opel-ը, ՓԲԸ գլխավոր տնօրենի Volkswagen Touareg-ը և 21-ամյա երիտասարդի Porsche Cayenne-ը

SHAMSHYAN.com-ի տեղեկություններով՝ նոյեմբերի 18-ին, Երևանում ավտոմեքենաների մի քանի գողության դեպքեր են տեղի ունեցել: Արաբկիր վարչական շրջանում՝ Ն. Զարյան փողոցի 24/ա շենքի բամկում, անհայտ անձը կամ անձինք տեխնիկական միջոցների գործադրմամբ գողացել են նույն փողոցի բնակիչ, 21-ամյա Սահակ Քոսյանին պատկանող Porsche Cayenne մակնիշի ՏA 001 AK համարանիշի ավտոմեքենայի լուսարձակները: Նշված գողության փաստով ոստիկանության Արաբկիրի բաժնի հետաքննչական բաժանմունքում նյութեր են նախապատրաստվում:

Նույն օրը Շենգավիթ վարչական շրջանում անհայտ անձը կամ անձինք Արտաշիսյան փողոցի թիվ 41 շենքի բակում կոտրել են Երևան քաղաղքի Նիզամի փողոցի բնակիչ, 34-ամյա Արտյոմ Կարապետյանին պատկանող Opel մակնիշի 34 QC 362 համարիշի ավտոմեքենայի սրահից կողացել են պայուսակը, որի մեջ եղել են բանալիներ և վարսահարդարիչ: Գ. Շամշյանի տեղեկություններով՝ Ա. Կարապետյանը աշխատում է ՀՀ Արդարադատության նախարարության «Սևան քրեակատարողական հիմնարկում»՝ որպես բաժնի պետ: Փաստի առթիվ ոստիկանության Շենգավիթի բաժնի հետաքննչական բաժանմունքում նյութեր են նախապատրաստվում:

Ոստիկանության Մաշտոցի բաժին է դիմել Դավիթաշեն 4-րդ թաղամասի բնակիչ, 58-ամյա Հրաչյա Հարությունյանը և հայտնել, որ անհայտ անձը կամ անձինք գողացել են շենքի բակում կայանված իր կողմից շահագործվող Volkswagen Touareg մակնիշի 011 DD 10 համարանիշի ավտոմեքենայի լուսարձակները: Գ. Շամշյանի տեղեկություններով՝ Հ․ Հարությունյանը աշխատում է «Սագամար» ՓԲԸ-ում՝ որպես գլխավոր տնօրեն: Գողության այս փաստով էլ ոստիկանության Մաշտոցի բաժնի հետաքննչական բաժանմունքում նյութեր են նախապատրաստվում:

Այս խորագրի վերջին նյութերը