Կարծիք

21.11.2018 11:43


Խախտումներ և պարզաբանումներ

Խախտումներ և պարզաբանումներ

«Մարդու իրավունքներ–96» կուսակցության՝

Ընտրությունների օրինականության վերահսկման հասարակական հանձնաժողովի (ԸՕՎՀՀ )

ԹԻՎ – 1 Ե Զ Ր Ա Կ Ա Ց ՈՒ Թ Յ ՈՒ Ն Ը

Հիմք ընդունելով թավշյա, ոչ բռնի և ժողովրդական հեղափոխության գաղափարական արժեքներն արձանագրում ենք, որ արդեն իսկ տեղի են ունենում հայաստանցուս ընտրական իրավունքի խախտումներ, մասնավորապես՝

  1. վարչական ռեսուրսների օգտագործում՝ հիմնականում ՔՊ-ի կողմից, այն են.

- Վարչապետի պաշտոնակատարի ուղղակի քարոզչությունն ընտրողների հետ հանդիպումներում իր լիազորությունների կատարման ընթացքում;

- պատգամավորության թեկնածուների ցուցակներում ընդգրկված քաղաքական և հայեցողական պաշտոնյաների անունների հրապարակումը, որն ըստ էության անուղղակի քարոզչություն է այդ պաշտոնյաների լիազորությունների իրականացման ընթացքում:

  1. ծառայությունների մատուցման խոստումներ, ինչն իրականացնում է ԲՀԿ-ն սոցիալական ցանցերի օգնությամբ;
  2. քարոզչության իրականացում ՔՊ-ի, ԲՀԿ-ի և «Սասնա Ծռեր»-ի կողմից նախընտրական քարոզչությունից դուրս ժամանակահատվածում, չնայած նրան, որ միայն վերջիններիս մոտ է դա հասկանալի:

Ելնելով վերը շարադրվածից, սույն եզրակացությունը ներկայացնում ենք ԿԸՀ՝ [email protected], ակնկալելով, որ այն չի դրսևորի իր պատմական անգործությունը և միաժամանակ առաջարկում ենք տալ պարզաբանումներ ԸՕ-ի հետևյալ դրույթների վերաբերյալ՝

  1. հ. 19-ի 2-րդ մասը նախընտրական քարոզչությամբ չսահմանափակված ժամանակահատվածի մասին, այն է՝ ի՞նչ է դա։
  2. հ.հ. 20 և 21 – ը սոցիալական ցանցերի առնչության մասին, այն է՝ անկառավարելի՞ են դրանք։
  3. «յուրաքանչյուր ոք, ով գտնում է, որ խախտվել կամ կարող է խախտվել իր՝ սույն օրենսգրքով սահմանված սուբյեկտիվ ընտրական իրավունքը» դրույթը հ.48-ի 3-րդ մասում, այն է՝ վերաբերու՞մ է դա ՀՀ այն ընտրողին, որը գտնվում է արտերկրում:

Կեցցե՛ մեր երեխաները, որ ապրելու են ազատ ու արդար ընտրությունների պայմաններում:

«ՄԻ-96» -ի ԸՕՎՀՀ

Այս խորագրի վերջին նյութերը