Մեկնաբանություն

Դեկտեմբեր 07, 2018 00:21

ՀՀԿ-ն հաղթեց քարոզչությունը, բայց քվեարկությունը կհաղթի «Իմ քայլը»

ՀՀԿ-ն հաղթեց քարոզչությունը, բայց քվեարկությունը կհաղթի «Իմ քայլը»

Տեղի ունեցած հեռուստաբանավեճը՝ ԱԺ ընտրություններին մասնակցող 11 ուժերի առաջին համարների մասնակցությամբ, աննախադեպ էր: Սա, անշո՛ւշտ, քայլ առաջ է մեր քաղաքական մշակույթում:

Քայլ առաջ չէին, սակայն, հնչեցրած տեսակետները, և բանավեճն այդ առումով վախեցնող էր: Էկրանի առաջ նստած հասկանում էիր, որ այս ամենից լավ հոտ չի գալիս ու հնարավոր չէ լավ արդյունք ստանալ այսպիսի կազմով:

11-ի կազմը և որակը տրագիկոմեդիա էր հիշեցնում: Դա և՛ զավեշտ էր, և՛ ողբերգություն: Հայաստանի ապագան գոնե այս պահին այս կազմի ձեռքում է և այս կազմից է ապագա օրենսդիրն ու գործադիրը ձևավորվելու: Թեև հակառակ պնդումն է եղել նախկինում, սակայն հայրենիքն, իրոք, կրկեսի է վերածվել:

Մասնակիցների հայտնած մոտեցումները, չնչին բացառություններով, դեվալվացված էին, ոչինչ չասող և պոպուլիստական, իսկ երբեմն նաև՝ վտանգավոր մեր երկրի ու մեր քաղաքացիների համար:

Ուշագրավն այն է, որ այս ընտրություններին մասնակցող բոլոր սուբյեկտները, բացի «Սասնա ծռերից», ուղղակի կամ անուղղակի կերպով համագործակցել են Սերժ Սարգսյանի ռեժիմի հետ կամ առնվազն ունեցել են լոյալ վերաբերմունք: Իսկ նրանք, ովքեր իրական կռիվ են տվել նախորդ ռեժիմի դեմ, չեն մասնակցում ընտրություններին: Շատ խորհրդանշական է այս ամենը:

Ի՞նչ ցույց տվեց Հ1-ի կազմակերպած բանավեճը

Ընտրողները հեռուստաէկրաններին տեսան հնի մոդիֆիկացիան: Սա անցումային վերնախավ է, քանզի քաղաքական նոր դաշտի ու նոր վերնախավի ձևավորումը դեռ առջևում է:

ՀՀԿ

Եթե վերանանք անձերից ու կառույցներից, որոնք այդ անձերը ներկայացնում են, ապա օբյեկտիվ լինելու համար պետք է արձանագրենք, որ ամենափաստարկված խոսքն ու հավասարակշիռ պահվածքը 11-ի մեջ ուներ ՀՀԿ ցուցակը գլխավորող Վիգեն Սարգսյանը: Համեմատության մեջ նա շահեկանորեն տարբերվում էր և՛ իր պատկերացումներով, և՛ պատրաստվածությամբ:

ՀՀԿ-ի մյուս ներկայացուցիչներն էլ իրենց բանավեճերում գրեթե միշտ հաղթել են ընդդիմախոսներին ու հատկապես «Իմ քայլի» ներկայացուցիչներին, որոնց մոտ «գըմփ-գըմփ-հո՛ւ»-ից բացի այլ բան լավ չի ստացվում: Հենց նրանց փողոցից տեղափոխում ես կաբինետ կամ տաղավար, ակնհայտ է դառնում գիտելիքի ու պատրաստվածության առումով ոտաբոբիկությունը:

Վիգեն Սարգսյանի թույլ կողմերն են ՀՀԿ-ի վարկաբեկված իմիջի բեռը, որը նրան ի սկզբանե թույլ դիրքերում է դնում, ինչպես նաև գլխավերևում պտտվող Սերժ Սարգսյանի «ուրվականը»: Մեկ էլ՝ բյուրոկրատական լեզուն: Վ. Սարգսյանը զգալիորեն փոխվել է և ընդդիմադիր դաշտ տեղափոխվելուց հետո նրա խոսքը շատ ավելի մարդկային է դարձել, բայց միևնույն է չինովնիկական անցյալը զգացնել է տալիս: Ու չնայած այս թույլ կողմերին՝ նա հավասարը չունի 11-ի մեջ, բայց դատապարտված է պարտվել Նիկոլ Փաշինյանին, քանզի հետապրիլյան զարգացումներն այլ բան չեն ենթադրում:

ԲՀԿ

Թող զարմանալի չթվա, բայց վատ չէր նայվում նաև Գագիկ Ծառուկյանը, ով բանավեճի մասնակիցների մեջ ամենաժողովրդականն է այն առումով, որ բիզնես դաշտի հետ անմիջական առնչություն ունի և շատ լավ տիրապետում է խնդիրներին: Նրա քաղաքական խոսքն, անշուշտ, վատն է (մեղմ ասած), բայց պատկերացումները պրակտիկայից են գալիս ու ըստ այդմ՝ ռեալության դաշտում են գտնվում:

Ընդամենը մի քանի ամիս առաջ Գագիկ Ծառուկյանը կարող էր լրիվ այլ կարգավիճակում լինել, եթե ունենար քաղաքական հոտառություն և չունենար քաղաքական վախկոտություն:

Ընդամենը 3 տարի առաջ Գագիկ Ծառուկյանի մոտ Հ1-ի տաղավարում հայտնված 11-ից առնվազն 7-ը հերթ էին կանգնած, որպեսզի արժանանային նրա ընդունելությանը, իսկ մյուս 3-ը թաքուն կամ բացահայտ կաջակցեին նրան, եթե հետ չքաշվեր հայտնի իրադարձությունների ժամանակ, բայց այսօր Ծառուկյանը կռիվ է տալիս Էդմոն Մարուքյանի դեմ (ում նա «կլասիկ» ձևով փչացրեց) ու փորձում հաճոյանալ Նիկոլ Փաշինյանին: Ընդամենը:

Մի խոսքով, ԲՀԿ-ի փուլն այլևս անցյալում է և եթե հայտնվի ԱԺ-ում, ապա դա ավելի շուտ իներցիայի, փողի ու ռեյտինգայինի հաշվին է լինելու, այլ ոչ թե հանրային տրամադրության:

«Լուսավոր Հայաստան»

Էդմոն Մարուքյանը ցույց տվեց, որ ինքը կարող է հավակնել մրցանակի, բայց որպես երկրորդ պլանի դերակատար, քանզի նորմալ մտքեր ունի, բայց շատ է գորշ, զուրկ է քաղաքական խարիզմայից ու չունի առաջնորդի հատկանիշներ:

Մարուքյանի իմիջը հիշեցնում է նախկին գյուղական կոմսոմոլին, որը ձգտում էր ռայկոմում աշխատանքի ընդունվել:

ՀՅԴ

ՀՅԴ-ն ներկայացնող Արմեն Ռուստամյանի մոտ բացակայում էր նոր խոսքը: ՀՅԴ-ն հայտնվել է հնի ու հնամաշի արանքում և լուրջ ռեստարտի կարիք ունի:

ՕԵԿ

Ինչպես ասում են, ՕԵԿ-ը մնում է ՕԵԿ՝ լինի այն իշխանության մեջ, թե ընդդիմադիր դաշտում: Անցած երկու տասնամյակում միայն մի փոքր ժամանակահատված է ՕԵԿ-ը ադեկվատ ու նորմալ պահել իրեն: Մնացած դեպքերում՝ պոպուլիզմ և դեմագոգիա:

Արթուր Բաղդասարյանին ինչ-որ մեկը թող հուշի, որ իր քծնանքն առ Նիկոլ Փաշինյան և իր էժանագին պոպուլիզմը որևէ արդյունքի չի հանգեցնելու: Իսկ նախկինում խմած հորի ջրի մեջ թքելը չի փոխելու ընտրողների վերաբերմունքը ՕԵԿ-ի նկատմամբ:

«Սասնա ծռեր»

«Սասնա ծռերի» մտածողությունը հիշեցնում է ֆրանսիական յակոբինյաններին կամ ռուսական բոլշևիկներին:

Նրանց ցուցակը գլխավորող Վարուժան Ավետիսյանը չասեց այդ մասին ուղղակիորեն, բայց «ծռերի» մտքինը հետևյալն է՝ Նիկոլին դրդենք, թող տեռորը սկսի, հետո մենք իրենից կխլենք իշխանությունը և ավելի մեծ տեռոր կանենք:

«Մենք» դաշինք

Արամ Սարգսյանը ցույց տվեց, որ ինքը մնացել է Դավալույում բառիս ոչ թե ֆիզիկական, այլ աշխարհայացքային առումով: Այսինքն՝ գյուղացի տղա է, որը հանգամանքների բերումով մտել է քաղաքական դաշտ և այլևս տուն չի վերադարձել: Այս ընտրությունները նրան վերջապես տուն կուղարկեն:

«Իմ քայլը» դաշինք

Նիկոլ Փաշինյանը դեռ էյֆորիայի մեջ է: Գիտի, որ հաղթելու է, բայց չգիտի, թե ինչ է անելու դրանից հետո: Նրա տեսակետները կայուն չեն ու ենթակա են արտաքին ազդեցության: Իմպուլսիվ ու էքսցենտրիկ նրա կերպարը դեռ շատ է իրեն զգացնել տալու:

Պատրաստվածության, գիտելիքների ու պետական կառավարման հմտություններին տիրապետելու առումով Նիկոլ Փաշինյանը զիջում է 11 ուժերի առաջին համարներից շատերին: Իսկ իր հիմնական մրցակից Վիգեն Սարգսյանի համեմատությամբ կա սարերի ու ձորերի տարբերություն՝ ի վնաս Փաշինյանի, բայց քանի որ եղել է «թավշյա» իշխանափոխություն, ուստի «Իմ քայլը» առաջին տեղը կգրավի ընտրություններում՝ զգալիորեն առաջ անցնելով մյուսներից:

Ի դեպ, բանավեճը և անցած յոթ ամիսները ցույց տվեցին, որ Փաշինյանը ազդեցության տակ ընկնող գործիչ է, քանի որ չունի կայուն աշխարհայացք ու սկզբունքներ: Եթե ընկավ բացասական ազդեցության տակ, ապա կարող է վնաս տալ թե՛ պետությանը, թե՛ իրեն: Իսկ եթե տեղափոխվի հավասարակշիռ դաշտ, ապա կարող է զերծ մնալ ցնցումներից: Թե որ տարբերակը կընտրի, դժվար է ասել:

Մյուսների մասին, հասկանալի պատճառներով, իմաստ չունի բան ասելը: Ամեն մեկը մի տեղից փող էր հայթայթել ու տեղեկատվական աղմուկ ստեղծելու նպատակով մտել խաղի մեջ:

ՀՀԿ-ն հաղթեց եթերում, բայց կպարտվի ընտրատարածքում

Քարոզչական փուլն այսպիսով կարելի է ավարտված համարել: Ճիշտ է, մեկ օր դեռ կա ու այդ մեկ օրը Փաշինյանը, թերևս, ուզում է Ռոբերտ Քոչարյանի աղմկահարույց կալանքով ամփոփել, բայց միևնույն է արդեն կարելի է ընդհանուր գնահատական տալ այս բլից-կրիգային քարոզարշավին: Այն միանշանակ հաղթեց ՀՀԿ-ն: Նախկինում «քառակուսի» դեմք ընդունած ՀՀԿ-ականներն ազատվել էին «զնաչոկային» կապանքներից ու դարձել հումորով և հնարամիտ, բայց արդեն ուշ է: ՀՀԿ գնացքը գնացել է՝ «Նիկոլը ճիշտ էր, ես սխալվեցի» ուղղությամբ:

ՀՀԿ-ի քարոզչությունը ամենաարդյունավետն էր այն խնդրի տեսանկյունից, ինչ խնդիր որ նրանք դրել էին՝ դառնալ Փաշինյանի հիմնական սպարինգ-պարտնյորը և հավակնել Փաշինյանից դժգոհ ընտրազանգվածի ձայներին, ինչը, եթե ընտրակեղծիքներ չլինեն կամ ընտրակեղծիքների քանակը քիչ լինի, նրանց հնարավորություն կտա ոչ միայն անցնել խորհրդարան, այլ նաև դառնալ երկրորդը:

ՀՀԿ քարոզը երկու մասից էր բաղկացած՝ պոզիտիվ ու նեգատիվ:

Նեգատիվով նրանք «փչացնում» էին Փաշինյանին ու եթե քարոզարշավը տևեր մեկ ամիս, ապա «Իմ քայլը» շատ լուրջ հարվածներ կստանար. ՀՀԿ-ն քարոզչական դաշտում քարը քարին չէր թողնի «Իմ քայլից», իսկ «ա լյա» Արփինե Հովհաննիսյան-Լենա Նազարյան բանավեճերը պարզապես խայտառակ վիճակում կդնեին «քայլոներին»: Փաշինյանն իր թիմակիցների ունակությունները, հավանաբար, լավ գիտի ու հենց այդ պատճառով էլ միայնակ տարավ քարոզը:

ՀՀԿ-ի մոտ թույլ էր պոզիտիվը, քանզի եթե մտահոգ ես, ապա շատ դժվար է այդ մտահոգությունները կիսել ՀՀԿ-ի հետ: Միջին վիճակագրական ընտրողին կարելի է հեշտությամբ ապացուցել, որ փաշինյանենք լավ չեն կառավարում ու անգրագետ են, բայց դժվար է համոզելը, որ Փաշինյանից հիասթափվելու դեպքում ձայնը տան ՀՀԿ-ին: Սա՛ է խնդիրը:

Բայց ամեն դեպքում, քանի որ Փաշինյանին այլ քննադատողեր չկան, ուստի ընտրություններին մասնակցող դժգոհ ձայները հիմնականում կգնան ՀՀԿ-ին (Փաշինյանից դժգոհող ու այլընտրանք չգտնողների մեծ մասը չի մասնակցի ընտրություններին):

Ոչ իշխանական կամ, այսպես ասած, հեղափոխականոտ ձայների ակնկալիք կարող են ունենալ ԲՀԿ-ն, «Լուսավոր Հայաստանը» և «Սասնա ծռերը»: Այս երեքը կռիվ են տալիս իրար դեմ ու փորձում հաղթահարել անցողիկ շեմը: Մյուսներն ԱԺ անցնելու շանս չունեն: Եթե անցնեն, ապա դա գիտաֆանտաստիկայի ժանրից կլինի:

Արժե առանձնահատուկ ընդգծել, որ շատ անտաղանդ ու գորշ էր «Իմ քայլի» քարոզարշավը, ինչը զարմանալի է: Տեխնոլոգիապես գրագետ քայլերով իշխանափոխություն իրականացրած թիմը շատ արագ, փաստորեն, դարձավ նոմենկլատուրային ու «քառակուսի»: «Իմ քայլի» քարոզարշավը նմանվել է ՀՀԿ-ի նախկին քարոզարշավներին՝ կրկնվող պատկերներով, մեկ դերասանի թատրոնով, ձանձրացնող սյուժեով ու ստեղծագործական մտքի բացակայությամբ: Տպավորություն կա, որ «Իմ քայլի» քարոզչության պատասխանատուն պարզապես քանակի վրա է շեշտը դրել ու փող է լվանում:

«Իմ քայլի» քարոզարշավը նմանվել էր ՀՀԿ-ականին նաև թանկարժեքության առումով: Անհայտ աղբյուրներից ստացված խոշոր գումարներով քարոզ անող Փաշինյանը տվեց-անցավ ՀՀԿ-ին ու հետաքրքիր է, որ թափանցիկությունից ու կոռուպցիայի դեմ պայքարից խոսող Փաշինյանը կամ նրա թիմից որևէ մեկը հանրությանը չներկայացրեց, թե որտեղի՞ց այդքան փող դեռ երեկ ավտոտնակի տանիքների վրա ելույթներ ունեցող ու նախկինում շատ համեստ քարոզարշավներ իրականացնող հեղափոխականներին: Ի դեպ, ահագին փող է ծախել նաև «Լուսավոր Հայաստանը», ինչը ևս հարցեր է առաջացնում դրանց ծագման աղբյուրի վերաբերյալ: Ինչևէ:

Եվ ամենակարևորի մասին: Այս քաղաքական գործընթացներին չի մասնակցում այն գլխավոր ուժը, որը ողջունել ու աջակցել է հեղափոխությանը, չի ուզում հին համակարգի վերադարձը, բայց նաև չի ընդունում նորերի դիլետանտ, անհեռատես, անծրագիր, անգաղափար ու վտանգավոր իշխանությունը:

Դեկտեմբերի 9-ից հետո է պետք սպասել նորի ծնունդին: Քաղաքական վակուումը միշտ էլ լցվելու հատկություն ունի:

Կորյուն Մանուկյան

Այս խորագրի վերջին նյութերը

Նիկոլ Փաշինյանի կետը (տեսանյութ)

Նիկոլ Փաշինյանի կետը (տեսանյութ)

Ապրիլ 18, 2019 12:25 Փաշինյանն արցախյան բանակցությունների թեմայով իր ու Սարգսյանի «կետերի» տարբերության մասին և՛ ճիշտ է ասում, և՛ սուտ:
Փաշինյանն՝ ընդդեմ Նիկոլի (տեսանյութ)

Փաշինյանն՝ ընդդեմ Նիկոլի (տեսանյութ)

Ապրիլ 17, 2019 17:35 Ախր, կոստյումը չի, որ պետք է գեղեցկացնի պաշտոնը։
Նոր Հայաստանում օրենքները և Սահմանադրությունը գործո՞ւմ են, թե՞ չէ

Նոր Հայաստանում օրենքները և Սահմանադրությունը գործո՞ւմ են, թե՞ չէ

Ապրիլ 16, 2019 21:30 Կարո՞ղ է օրենսդրությամբ ամրագրված խաղի կանոնները շարունակում են գործել, բայց Ռոբերտ Քոչարյանի վրա չեն տարածվում։
Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Ապրիլ 16, 2019 13:20 Թուխիկյանի «հուժկու» պահանջից հետո արդեն Փաշինյանն անձամբ «մեյդան» եկավ ու սկսեց կռիվ տալ ռուսական հեռուստաալիքների դեմ։
Ինչո՞ւ Մոսկվան չի հավատում Նիկոլի արցունքներին

Ինչո՞ւ Մոսկվան չի հավատում Նիկոլի արցունքներին

Ապրիլ 16, 2019 00:05 Նիկոլի և իր «շքախմբի» մանիպուլյացիաներին հավատացողների շարքերն արագորեն նոսրանում են։
«Թավշյա հեղափոխության» արյունոտ դեմքը (տեսանյութ)

«Թավշյա հեղափոխության» արյունոտ դեմքը (տեսանյութ)

Ապրիլ 15, 2019 10:40 Ներքին արյունահեղությունը խրախուսելը գործող իշխանությունների միակ տարբերակն է։
Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ապրիլ 13, 2019 14:10 Անդրանիկ Քոչարյանը միշտ էլ «Լիտվինենկոյի վկա» է եղել։
Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Ապրիլ 13, 2019 08:20 Օվացիաներ չեղան, դահլիճը չպայթեց բուռն և երկարատև ծափահարություններից։
Հանրահավաք ԵԽԽՎ-ում. Փաշինյանը նոր լսարան է գտել

Հանրահավաք ԵԽԽՎ-ում. Փաշինյանը նոր լսարան է գտել

Ապրիլ 12, 2019 18:35 Նիկոլ Փաշինյանը ԵԽԽՎ-ում կոչ արեց ադրբեջանցիներին հայերի հետ սոցցանցերում շփվել առանց հայհոյանքի ու այսպես ասած՝ քիրվայություն անել:
Կառավարությունը ճանապա՞րհ է բացում նոր օլիգարխի համար

Կառավարությունը ճանապա՞րհ է բացում նոր օլիգարխի համար

Ապրիլ 12, 2019 08:59 Փաշինյանը կոչ էր անում բիզնեսմեններին հարստանալ ու հարստացնել պետությունը և խոստանում, որ պետությունը միայն օգնելու է բիզնեսին։
«Մարտի 1»–ի գործը չի բացահայտվելու, քանի դեռ...

«Մարտի 1»–ի գործը չի բացահայտվելու, քանի դեռ...

Ապրիլ 12, 2019 00:15 Վերաքննիչ դատարանն առանց աչքը թարթելու վավերացրեց Ռոբերտ Քոչարյանին ամեն գնով փակի տակ պահելու քաղաքական որոշումը։
Նիկոլ Փաշինյանն ու ԼԳԲՏ համայնքն՝ ընդդեմ Նաիրա Զոհրաբյանի

Նիկոլ Փաշինյանն ու ԼԳԲՏ համայնքն՝ ընդդեմ Նաիրա Զոհրաբյանի

Ապրիլ 11, 2019 15:30 Նիկոլ Փաշինյանը վարչապետ դառնալուց հետո դարձել է դյուրագրգիռ ու կասկածամիտ:
Փաշինյանը շանտաժ է անում Կրեմլին

Փաշինյանը շանտաժ է անում Կրեմլին

Ապրիլ 11, 2019 11:35 Նա նժարի տարբեր կողմերում է դրել ՀՀ շահը և իր «բզիկները»՝ նախապատվությունը տալով վերջինին։
Նոր Հայաստանում պաշտպանված են բոլորի իրավունքները, բացի ...

Նոր Հայաստանում պաշտպանված են բոլորի իրավունքները, բացի ...

Ապրիլ 10, 2019 20:40 Փաշինյանը՝ նորից իրարամերժ հայտարարությունների թակարդում։
Անդրանիկ Քոչարյանի սենսացիոն հայտարարությունը. դա ի՞ր, թե՞ Փաշինյանի կարծիքն է (տեսանյութ)

Անդրանիկ Քոչարյանի սենսացիոն հայտարարությունը. դա ի՞ր, թե՞ Փաշինյանի կարծիքն է (տեսանյութ)

Ապրիլ 10, 2019 13:45 Նոր իշխանությունները որդեգրեցին «А теперь я Наташа» քաղաքականությունը։
«Մարտի 1»–ի գործը՝ իշխանության կոկորդին

«Մարտի 1»–ի գործը՝ իշխանության կոկորդին

Ապրիլ 10, 2019 11:05 Նիկոլ Փաշինյանը ձեռք է տվել, պետք է խաղա։
«Այդ ոչինչը ես եմ»․ դերվիշն ու ձգվել պահանջող իշխանը (տեսանյութ)

«Այդ ոչինչը ես եմ»․ դերվիշն ու ձգվել պահանջող իշխանը (տեսանյութ)

Ապրիլ 10, 2019 10:55 Շքախմբի առաջնորդը, գավազանը թափահարելով, գոռաց դերվիշի վրա. «Չե՞ս տեսնում՝ ո՛վ է գալիս. վե՛ր կաց, անպատկա՛ռ»․․․
Նիկոլ Փաշինյանն՝ ընդդեմ Նիկոլ Փաշինյանի

Նիկոլ Փաշինյանն՝ ընդդեմ Նիկոլ Փաշինյանի

Ապրիլ 09, 2019 16:57 Երբ եռագույն դրոշը խորհրդանշող գուլպաներ էր հագնում, չէր մտածո՞ւմ, որ ՀՀ դրոշն անարգում է։
«Մահվան տեսիլը» և մարտի 1–ի 10 զոհերը (տեսանյութ)

«Մահվան տեսիլը» և մարտի 1–ի 10 զոհերը (տեսանյութ)

Ապրիլ 09, 2019 14:50 1996–ից սկսած՝ եղել է ընդվզում, բայց միայն 2008–ին եղան զոհեր։ Փաշինյանը 2008–ին օգտագործվեց Տեր–Պետրոսյանի կողմից։
Փաշինյանը՝ Սահակաշվիլու հետքերով (տեսանյութ)

Փաշինյանը՝ Սահակաշվիլու հետքերով (տեսանյութ)

Ապրիլ 09, 2019 11:25 Փաշինյանի երազած կերպարում մի քիչ Վանո Սիրադեղյան կա, մի քիչ՝ Լևոն Տեր–Պետրոսյան, մի քիչ՝ Սահակաշվիլի։ Այսօր նա Սահակաշվիլի էր փորձում խաղալ։