Նոյեմբերի 26-ից մեկնարկած Ազգային ժողովի արտահերթ ընտրությունների նախընտրական քարոզարշավը տևեց 12 օր և ավարտվեց դեկտեմբերի 7-ին։ Հայաստանում այսօր լռության օր է․ քարոզարշավն արգելվում է։

Ընտրություններին մասնակցում է 11 քաղաքական ուժ՝ «Իմ քայլը» դաշինքը, «Բարգավաճ Հայաստան» կուսակցությունը, ՀՅԴ-ն, «Լուսավոր Հայաստան» կուսակցությունը, ՀՀԿ-ն, «Մենք» դաշինքը, «Ազգային առաջընթաց» կուսակցությունը, «Քրիստոնյա-ժողովրդական վերածնունդ» կուսակցությունը, «Սասնա ծռեր» կուսակցությունը, «Օրինաց երկիր» կուսակցությունը, «Քաղաքացու որոշում» սոցիալ-դեմոկրատական կուսակցությունը:

ԱԺ արտահերթ ընտրություններին քվեարկության իրավունք ունեցող 2 մլն 575 հազար 939 քաղաքացիների 0,05%-ը պատգամավորության թեկնածու է: Արտերկրից էլեկտրոնային եղանակով կքվեարկի 729 ՀՀ քաղաքացի: ԱԳՆ-ի ցուցակով ներկայացվել է 253 քվեարկող-ընտրող, իսկ ՊՆ-ի ցուցակով` 476 քվեարկող-ընտրող:

ԱԺ արտահերթ ընտրությունները տեղի կունենան դեկտեմբերի 9-ին:

7or.am