Մեկնաբանություն

Դեկտեմբեր 18, 2018 11:24

Լուկաշենկոն «թավշյա հեղափոխություն» արեց Հայաստանում (տեսանյութ)

Լուկաշենկոն «թավշյա հեղափոխություն» արեց Հայաստանում (տեսանյութ)

Հայաստանի քաղաքական կյանքը հիշեցնում է քուչի բազար ու թաղային ռազբորկա: Այդ ամենից անդին դատարկություն է, որը փորձ է արվում լցնել «գըմփ-գըմփ-հո՛ւ»-երով:

ԱԱԾ-ն, ՀՔԾ-ն ու ոստիկանությունը սպասարկում են այդ բազարներն ու ռազբորկաները, ինչպես նաև՝ հրահանգ տվողի պատկերացումներն ու մտասևեռումները:

Քաղաքական կյանքի նորությունը հայհոյանքն է: Դա նոր տեխնոլոգիա է:

Հայհոյանքը ստացել է համակարգված տեսք: Կան հաստիքային ու արտահաստիքային հայհոյողներ: Նիկոլ Փաշինյանը հայհոյում է, պատերին է ծեփում ու ասֆալտին է փռում հարթակից կամ ուղիղ եթերից, իսկ մյուսները դա անում են սոցիալական ցանցերում:

Հայհոյանքն, ինչպես հայտնի է, փաստարկի սով է: Հենց այդ սովն էլ բավարարում են հայհոյանքով:

Հայհոյելը հեշտ է, քանի որ խելք ու միտք չի պահանջում: Միայն՝ «դուխ» (հատկապես, երբ հայհոյողը ֆեյքի հետևում է թաքնված):

Երբ երկիրը կառավարվում է հայհոյանքով, հիվանդագին պատկերացումներով ու քուչի բազարի մակարդակով, դա դեռ շտկելի է ու անդառնալի հետևանքների չի կարող բերել, բայց երբ այդ ամենը դուրս է գալիս միջազգային ասպարեզ ու դրվում միջպետական հարաբերությունների հիմքում, ապա դա արդեն վտանգավոր է ու կարող է լուրջ կորուստների հանգեցնել:

Լուկաշենկոյի «թավշյա հեղափոխությունը»

Երբ քուչի բազառը տեղափոխվում է արտաքին ոլորտ, ապա պետք չէ զարմանալ, որ քեզ հետ նույն ձևով են վարվելու:

Բելառուսի նախագահ Լուկաշենկոյի ձևակերպումները Նիկոլ Փաշինյանի մասին երկակի զգացողություններ են առաջացնում: Մի կողմից շատ տհաճ է, որ քո երկրի ղեկավարին «փչացնում» են, քանզի դրա արդյունքում «փչանում» ենք բոլորս ու «փչանում» է մեր պետությունը, բայց մյուս կողմից էլ դա մեր ժողովրդի համար սթափեցնող պետք է լինի:

Մեղավորը ոչ թե Լուկաշենկոն է, որ ռազբորկաների ու քուչի բազարի մակարդակի է արտահայտվում Փաշինյանի, իմա՝ Հայաստանի մասին, այլ Փաշինյանը, որ փողոցային հռետորաբանությունը և էժանագին ընդդիմադիր թերթի գլխավոր խմբագրի հիվանդագին պատկերացումները բերում է ներքաղաքական դաշտ ու հետո այն տեղափոխում միջազգային հարաբերությունների և անվտանգության ոլորտ:

Նիկոլ Փաշինյանը ոչ մի կերպ չի կարողանում փողոցից տեղափոխվել կաբինետ, քանզի փողոցում հեշտ է: Հեշտ է նաև «Ֆեյսբուք»-ում, որտեղ կարելի է «դուխով» գրառումներ անել ու «սրտիկներ» ստանալ:

«Դուխով» երևալու մոլուցքն ու «լայք» ստանալու կոմպլեքսն է ստիպում նրան հայտարարել, թե հաշիվ ու բացատրություն է պահանջելու Լուկաշենկոյից: Վերջինս էլ հաշիվը փակեց ու բացատրեց, թե որտեղ են ձմեռում «թավշյա խեցգետինները»:

Լուկաշենկոն Փաշինյանի հետ խոսեց «թավշյա» բառապաշարով, ու հիմա ՀԱՊԿ-ում Ադրբեջանը, օգտվելով մեր կոպտագույն սխալներից, առավելության է հասնելու արդեն բացահայտ ձևով: Չի բացառվում, որ այս ռազբորկաները խորանալու դեպքում Բելառուսը, Ղազախստանն ու նրան միացած Ղրղզստանն ու Տաջիկստանը դնեն «կամ, կամ»-ի հարց: Չէ՞ որ Լուկաշենկոն ակնարկում էր, որ իրենց խնդիրը Ադրբեջանին ՀԱՊԿ անդամ դարձնելն է: Պարզ է, որ դրա գինը լինելու է Ղարաբաղը, իսկ վերջնարդյունքում՝ Հայաստանը:

Հարց է առաջանում՝ Հայաստանի շահերից բխո՞ւմ է Բելառուսին ու մյուսներին լեգիտիմ ու տղայական մակարդակի ռազբորկա անելու հնարավորություն տալ և ակամայից օժանդակել Ադրբեջանին:

Մեր շահերից բխո՞ւմ է փաստացի մնալ առանց դաշնակից, ինչ է թե խելքի փոխարեն նախընտրում ենք «դուխը», որը, ինչպես պարզվեց, միայն ներսում է դրսևորվում, քանզի կարելի է ԱԱԾ-ին ու ՀՔԾ-ին «տղա բերել», իսկ ահա դրսում ԱԱԾ ու ՀՔԾ չկա, և արդյունքում ռազբորկան «ջարդվում» է գլխիդ:

Հասկանալ երկրի շահը

Լուկաշենկոն բելառուսական անկեղծությամբ հայտարարեց, որ իր երկրի շահը պահանջում է Ադրբեջանի հետ ունենալ լավ հարաբերություններ: Առնվազն միամտություն է այլ երկրի ղեկավարից հաշիվ ու բացատրություն պահանջել, թե ինչու է նա առաջնորդվում իր երկրի շահերով:

Միամտություն է չհասկանալը, թե ի՞նչ է իրենից ներկայացնում ՀԱՊԿ-ը, ո՞րն է ՌԴ-ի դերն այդ ամենում, ի՞նչ շահեր ունի այդտեղ Հայաստանը և ո՞րն է մեր անվտանգության համակարգի գլխավոր խնդիրը:

Ռազբորկաներով ու քուչի բազարներով մենք հաստատ չենք շահելու: Չի՛ կարելի մամուլի խոսնակին հերքող ու ռազբորկաներ մեկնաբանող դարձնել, ինչպիսին որ անկախ իր կամքից դարձել է Արման Եղոյանը՝ Նիկոլ Փաշինյանի խոսնակը: Միջպետական լեզվակռիվը ֆորմալ դաշնակիցների հետ շատ վատ բանի նշան է:

Փաշինյանն այժմ մնացել է իր «պրյոմի» տակ: Լուկաշենկոն, իրականում, դրական մեսիջ է հղել, բայց ոչ թե Փաշինյանին, այլ հայ ժողովրդին: Մնում է հայ ժողովուրդը հետևություններ անի:

Ռազբորկաներից այն կողմ

Նիկոլ Փաշինյանը պետք է գիտակցի վերջապես, որ իր հիմնական խնդիրը պետք է լինի հեղափոխականությունը պետական կառավարման ռացիոնալ քայլերով փոխարինելը:

Մեր թիվ մեկ խնդիրն անվտանգությունն է, իսկ դրա կարևորագույն բաղադրիչը՝ հայ-ռուսական հարաբերությունները: ՀԱՊԿ-ում, այո՛, կան տարբեր շահեր, բայց դա բոլորն էլ հասկանում են ու պետք չէ Գիքորի նման բարձրաձայնել այդ մասին: Կան հարցեր, որոնք արժե քննարկել կուլիսներում, իսկ կան հարցեր, որոնք իմաստ չունի քննարկել, քանզի բոլորի համար էլ պարզ է, թե ինչն ինչոց է և ամեն մեկը պետք է փորձի իր երկրի շահն առաջ տանել:

Փաշինյանը «չուժոյ» է ՀԱՊԿ-ում ու ԵԱՏՄ-ում: Նա այդպիսին է նաև Արևմուտքում, քանզի իշխանական «կաստայի» համար ընդունելի չէ բառիս բուն իմաստով փողոցից իշխանության եկողի «ինստիտուտը»: Փաշինյանը պետք է շատ արագ դառնա կաբինետային, քանզի եթե նա փողոցի «մոդան» թելադրեց, ապա դա միգուցե նրա անձնական փառասիրությունը կբավարարի ու կօգնի հաղթահարել կոմպլեքսները, բայց, միևնույն ժամանակ, կարող է լրջորեն հարվածել Հայաստանին ու Արցախին:

ՀԱՊԿ-ում Փաշինյանը «սվոյ» չի դառնա երբեք, բայց գոնե պետք է փորձի դուրս գալ «չուժոյի» դաշտից, մինչև որ հասկանանք, թե ինչպես ենք փոխում այս վիճակը: Այլապես մեր երկիրը պարբերական ցնցումների մեջ է հայտնվելու:

Փաշինյանը պետք է նաև հասկանա, որ ինքը, այսպես ասած, դասակարգային թշնամի ու տեսակային անտիպոդ է ՀԱՊԿ անդամ երկրների ղեկավարների համար: Ու փոխարենն ամեն ինչ անի, որպեսզի խնդիրները գոնե մեղմվեն կամ չխորանան, անում է ճիշտ հակառակը: Դա անփորձությա՞ն, գիտելիքների պակասի՞, թե՞ դիտավորության հետևանք է, դժվար է միանշանակ պնդել: Միգուցե բոլորը միասին: Ինչպես ասում են՝ «հերձումը» ցույց կտա:

Կորյուն Մանուկյան

Հ.Գ.: Փաշինյանը Լուկաշենկոյի հետ հանդիպումից հետո ասել էր, թե ինքը բավարարված է նրա հետ խոսակցությամբ: Նաև ասաց, որ մանրամասները չի ներկայացնի:

Լուկաշենկոն ներկայացրեց մանրամասները և «քաշեց» Փաշինյանին:

Այս խորագրի վերջին նյութերը

Փաշինյանի ինքնախոստովանական ասուլիսը

Փաշինյանի ինքնախոստովանական ասուլիսը

Մարտ 19, 2019 20:20 Սա այն դեպքն է, երբ տեղին է օգտագործել «Քո լեզուն քո թշնամին է» ձևակերպումը:
Հեղափոխական Լֆիկի փոխակերպումները

Հեղափոխական Լֆիկի փոխակերպումները

Մարտ 18, 2019 18:55 Թե ինչու են հեղափոխականները առանձնահատուկ վերաբերմունք ցուցաբերում Լֆիկի նկատմամբ, կարելի է կռահել: Թե ինչու է վերջինս սիրով լցված հեղափոխականների նկատմամբ, դա էլ դժվար չէ կռահել:
Լուսինե Բադալյանի շուրթերով արձանագրված ճշմարտությունը (տեսանյութ)

Լուսինե Բադալյանի շուրթերով արձանագրված ճշմարտությունը (տեսանյութ)

Մարտ 18, 2019 15:41 Բադալյանն իր գրառմամբ անկեղծացել էր ու Թումանյանի հայտնի ստեղծագործության հերոս Գիքորի պես տան խոսակցությունն արտացոլել ֆեյսբուքյան իր էջում:
Փաշինյանի «ո՛չ, ո՛չ»–ային քաղաքականության առանձնահատկությունները

Փաշինյանի «ո՛չ, ո՛չ»–ային քաղաքականության առանձնահատկությունները

Մարտ 18, 2019 12:00 «Ո՛չ, ո՛չ»–ի արդյունքում մենք դաշնակից ենք կորցնում, նորը չենք գտնում ու բոլորի համար դառնում անվստահելի։
Մի քանի դիտարկում «Օպերա» օպերացիայի կապակցությամբ

Մի քանի դիտարկում «Օպերա» օպերացիայի կապակցությամբ

Մարտ 15, 2019 15:52 Ամեն մի հեղափոխական թիմ իր մեծ ու փոքր վիշինսկիներն ու ենիչերիներն ունի:
Ինչպես է Նիկոլ Փաշինյանը նախապատրաստվում խաղաղության. դուրսը՝ քահանա, ներսը՝ սատանա

Ինչպես է Նիկոլ Փաշինյանը նախապատրաստվում խաղաղության. դուրսը՝ քահանա, ներսը՝ սատանա

Մարտ 15, 2019 12:04 Սրանք «աբիժնիկների», բոմժերի ու նախկին հաճախորդների իշխանություն են ձևավորել, քանզի իրենք են այդպիսին։
ԱկԾիվիստ VS ԱՆՏԻվիստ (տեսանյութ)

ԱկԾիվիստ VS ԱՆՏԻվիստ (տեսանյութ)

Մարտ 14, 2019 19:00 «Թավշյա հեղափոխությունը» յուրօրինակ ցեղասպանություն իրականացրեց: Քաղաքացիական ակԾիվիստը՝ որպես տեսակ,՝ վերացավ:
«Տնտեսական հեղափոխության» դահճային դեմքը

«Տնտեսական հեղափոխության» դահճային դեմքը

Մարտ 14, 2019 10:55 Միայն հեղափոխական Լֆիկով գարուն չի գա։ ... Որքա՞ն կդիմանա Հայաստանն այս նեոբոլշևիկյան էքսպերիմենտին։
Փաշինյանին վերադարձրեցին Կազան

Փաշինյանին վերադարձրեցին Կազան

Մարտ 13, 2019 16:50 Նիկոլ Փաշինյանի «հեղափոխական կուսության» շրջանն ավարտվեց։ Մտնում ենք բանակցային տուրբուլենտության շրջան։
Փաշինյանը Սարգսյանին՝ դու ճիշտ էիր, ես սխալվեցի (տեսանյութ)

Փաշինյանը Սարգսյանին՝ դու ճիշտ էիր, ես սխալվեցի (տեսանյութ)

Մարտ 13, 2019 16:25 Հիմա Փաշինյանը կազանյան գործընթացի շրջանակներում է բանակցելու: Իսկ դա նշանակում է, որ նա հետ է կանգնում իր նախկին հայտարարություններից:
Հարկային տեռորը և Ամուլսարի ոդիսականը

Հարկային տեռորը և Ամուլսարի ոդիսականը

Մարտ 12, 2019 11:50 Ամուլսարի հանքի ոդիսականը բազմաթիվ հարցեր է առաջացնում, իսկ կառավարության անգործությունը՝ կասկածներ։
Նիկոլը սխալվեց ...

Նիկոլը սխալվեց ...

Մարտ 11, 2019 13:35 Նախորդ տարի իշխանափոխությունը տեղի ունեցավ խոստման ու դրա չկատարման պատճառով։ Հիմա խոստումից խուսափում է Փաշինյանը, ընդ որում՝ շատ ավելի ռազմավարական նշանակության հարցում։
«Շան որդի է, բայց մեր շան որդին է»

«Շան որդի է, բայց մեր շան որդին է»

Մարտ 11, 2019 11:50 Արևմտյան կառույցների ու գրանտատուների համար կան լավ ու վատ, սև ու սպիտակ քաղակտիվիստներ։
«Թավշյա հեղափոխության» կոռուպցիոն հմայքը (տեսանյութ)

«Թավշյա հեղափոխության» կոռուպցիոն հմայքը (տեսանյութ)

Մարտ 10, 2019 17:32 «Հեղափոխականների» վերջին հանգրվանը հակակոռուպցիոն «պայքարիստ» դառնալն է։
Սառը ցնցուղ Փաշինյանի վրա

Սառը ցնցուղ Փաշինյանի վրա

Մարտ 10, 2019 15:35 Համանախագահների հայտարարությունը Փաշինյանին բերում է պատասխանատվության դաշտ, ինչից «ժողովրդի վարչապետն» ամեն կերպ փախչում էր։
Ինչու է աղմկում ու «դանոսչիկություն» անում Լևոն Տեր–Պետրոսյանը

Ինչու է աղմկում ու «դանոսչիկություն» անում Լևոն Տեր–Պետրոսյանը

Մարտ 10, 2019 10:45 Երբ Տեր–Պետրոսյանը խոսում է Փաշինյանի անվտանգությունից, դա հուշում է, որ քաղաքական սպանությունների տարիներին նախագահ եղածի մտքով նաև սադրանք է անցնում։
Ինչու է Փաշինյանի իշխանությունը համարվում «սորոսական»

Ինչու է Փաշինյանի իշխանությունը համարվում «սորոսական»

Մարտ 09, 2019 12:55 Եթե մարդ չունի «իզմեր», ապա նրա գլխավոր «իզմը» դառնում է, այսպես ասած, դատարկիզմը։
Ո՞ւմ է ակնարկում Նիկոլ Փաշինյանը (տեսանյութ)

Ո՞ւմ է ակնարկում Նիկոլ Փաշինյանը (տեսանյութ)

Մարտ 06, 2019 16:23 Փաշինյանի ներկայիս թիմը բաժանված է երկու մասի: Նրանց պայմանականորեն կարելի է բաժանել տեղացիների ու սորոսականների:
«Թավշյա հեղափոխության» հունվեյբինները կամ Փաշինյանի «սաքուլիկները»

«Թավշյա հեղափոխության» հունվեյբինները կամ Փաշինյանի «սաքուլիկները»

Մարտ 05, 2019 01:15 Փաշինյանը հանուն իշխանության պահպանման մահապարտ դառնալու ճանապարհն է ընտրել:
Առաջարկ Արայիկ Հարությունյանին (ցանկ)

Առաջարկ Արայիկ Հարությունյանին (ցանկ)

Մարտ 04, 2019 13:34 Փոխել պետք է ամեն ինչ՝ մարդկանց, հիմնը, պատմությունը, ժողովրդին։