Մեկնաբանություն

Դեկտեմբեր 22, 2018 13:28

Կրճատե՞լ, թե՞ չկրճատել. սա՛ է խնդիրը

Կրճատե՞լ, թե՞ չկրճատել. սա՛ է խնդիրը

Արտահերթ խորհրդարանական ընտրությունների քարոզչության փուլում ՀՀԿ-ականները հայտարարում էին, որ Նիկոլ Փաշինյանը պատրաստվում է պետական ծառայողների կրճատումներ անել: «Իմ քայլը» դաշինքից հակադարձում էին, թե բա ՀՀԿ-ականները ստում են:

Դատելով ընտրության արդյունքներից՝ քվեարկությանը մասնակցած միջին վիճակագրական ընտրողը հավատացել է «Իմ քայլին», քանզի ՀՀԿ-ն նախկինում այնքան էր ստել, որ երբ սկսեց ճիշտ խոսել, չհավատացին: Հավատացին նրան, ում դեռ չեն ֆիքսել, որ ստում է, այն էլ՝ ոչ պակաս, եթե ոչ ավելի:

Միջին ընտրողը, որպես կանոն, ճկուն ու դինամիկ չէ: Նա առաջնորդվում է կարծրատիպերով ու էմոցիաներով: Ահա դրա արդյունքում հիմա վճարելու է: Վճարելու է ամեն օր և ամեն առիթով: Թեև մյուս կողմից էլ միջին ընտրողին չես կարող մեղադրել, քանզի «Իմ քայլին» իրական այլընտրանք չտեսավ քվեաթերթիկում և այդ իսկ պատճառով էլ մեծամասամբ չմասնակցեց ԱԺ ընտրությանը:

Ֆունկցիան պետք է որոշի կառուցվածքը

Ընտրություններից հետո տեղի ունեցավ այն, ինչի մասին զգուշացնում էին «Իմ քայլի» ընդդիմախոսները և հիմա մարդիկ դուրս են եկել փողոց՝ պահանջելով չվերացնել նախարարությունները:

Անկախ Հայաստանում շատ են հնչել պարզունակ, դեմագոգիկ, դատարկ ու պոպուլիստական բանաձևեր, որոնք, սակայն, ստացել են լայն զանգվածների աջակցությունը և մարդկանց մեջ հույս արթնացրել:

«Ջերմուկը և մոլիբդենը ծախենք, լավ կապրենք», «Հենց սեփականաշնորհենք ամեն ինչ, երկիրը կծաղկի», «Մենակ թե Լևոնը (Ռոբերտը, Սերժը) գնա, ով ուզում է գա, արդեն լավ կապրենք», «Եթե Լֆիկի ու Շմայսի փոխարեն պատգամավոր լինեն Լենա Նազարյանի ու Լիլիթ Մակունցի պես մարդիկ, ապա խորհրդարանի աշխատանքները կլավանան» (պարադոքսն այն է, որ Լֆիկի ու Շմայսի փոխարեն կոճակ սեղմող Լենան ու Լիլիթը շատ ավելի են խեղաթյուրելու օրենսդիր մարմնի ֆունկցիան, քան դա անում էին Լֆիկն ու Շմայսը, ինչից, բնականաբար, չի բխում, որ Լենայի ու Լիլիթի այլընտրանքը միայն Շմայսն ու Լֆիկն են. դա էլ է կեղծ բանաձև) և նմանատիպ այլ բանաձևերը ճիշտ են թվացել շատերին, ինչի արդյունքում ձևավորվել են կեղծ սպասումներ ու հետո եղել են մեծ հիասթափություններ:

Կեղծ ու պոպուլիստական կարգախոսներից է նաև «Պետական ապարատը կրճատենք ու լավ ապրենք»-ը: Նորանկախ Հայաստանում պետական ապարատի կրճատումից խոսել են գրեթե բոլորը, բայց որևէ մեկը չի խոսել այն մասին, թե կրճատում ենք, որ ի՞նչ անենք: Թվում է, թե պարզ է՝ կրճատում ենք, որ գումար տնտեսենք: Բայց դա պարզունակ մոտեցում է:

Եթե առաջնորդվենք զուտ կրճատման ու տնտեսման տրամաբանությամբ, ապա կարելի է գրեթե ողջ կառավարությունը փակել, վերացնել ազգային ժողովը և թողնել մեկ դատավոր, մեկ դատախազ, որոնք կկատարեն «վերևինի» հրահանգները և վերջ (ի դեպ, փաստացի դրան ենք գնում):

Այն, որ պետական ապարատը պետք է պարբերաբար օպտիմալացնել, հնարավորություն ստեղծել պետական ծառայողների աշխատավարձերի բարձրացման համար և խուսափել բյուրոկրատացումից, երկրորդ կարծիք լինել չի կարող: Սակայն գլխավոր խնդիրը ֆունկցիայի որոշումն է:

Իշխանությունը պետք է ասի, թե ի՞նչ է պատկերացնում մշակույթի, գիտության, սպորտի, առողջապահության և այլ ոլորտներում, ի՞նչ խնդիր է ուզում լուծել և դրանից հետո նոր ներկայացնի կառուցվածքային փոփոխությունները: Չէ՞ որ մենեջմենթի ոսկե կանոնի համաձայն՝ ֆունկցիան պետք է որոշի կառուցվածքը, այլ ոչ թե հակառակը:

Եթե պետության ու կառավարության նպատակներն ու ծրագրերը բոլոր ոլորտներում հստակեցվեն, ապա հասկանալի կլինեն թե՛ կրճատումները, թե՛ ավելացումները: Իսկ այսպես զուտ մեխանիկական քայլեր են արվում: Հասկանալի չի դառնում, թե ինչու պետք է Հայաստանում լինի 10, այլ ոչ թե 20 նախարարություն: Հարցը քանակը չէ, հարցը ֆունկցիան է: Եթե հայտարարում ես, որ մի քանի տասնամյակից Հայաստանի բնակչության քանակը կրկնապատկելու ես, ապա պետք է, օրինակ, փոխես Սփյուռքի նախարարության հայեցակարգը՝ այն դարձնելով Ներգաղթի և աբսորբցիայի խնդիրներով զբաղվող պետական կառույց։ Բայց երբ նպատակներդ բաժակաճառային բնույթի են ու չկա ֆունկցիայի հստակ սահմանում, ապա ստանում ենք լրիվ այլ բան:

Տպավորությունն այնպիսին է, որ նախարարությունների թվաքանակի ու աշխատողների կրճատումը պոպուլիզմի ու պարզունակ պատկերացումների, այլ ոչ թե հստակ հաշվարկի ու ռազմավարական ծրագրի իրագործման հետևանք են:

Եթե ուզում են փող տնտեսել, ապա դա կարճաժամկետում միգուցե ճիշտ է, բայց ռազմավարության բացակայության պայմաններում, անիմաստ քայլ է ու կարող է նույնիսկ հակառակ էֆեկտն ունենալ:

Փաշինյանը նախընտրական փուլում հենց այս թեմաներից պետք է խոսեր, այլ ոչ թե պատերին ծեփեր ու ասֆալտին փռեր: Չխոսեց, քանզի հեշտ է հեղափոխական հռետորաբանություն կիրառելը, քան թե լուրջ թեմաներին անդրադառնալն ու լուծումներ առաջարկելը:

Ընտրողը (տվյալ դեպքում՝ կրճատվողների հսկայական բանակը) հերթական անգամ խաբվեց, բայց դա նաև խաբվողի մեղավորությունն է:

Ժողովորդավարությունը, որն ամբոխավարության քույրն է, բարդ ու ծանր բան է: Թվում է, թե հեշտ է ժողովրդավարությունը, բայց իրականում այն դժվար է և ինչպես Չերչիլն էր ասում՝ ընդամենը պետք է 5 րոպե զրուցել միջին ընտրողի հետ, որպեսզի հասկանաս, որ ժողովրդավարությունը և համընդհանուր ընտրական իրավունքն այնքան էլ լավ բան չեն, բայց դե ժողովրդավարությունից լավ բան դեռ չի հորինվել: Պետք է պարզապես կրթվել որպես քաղաքացի, որպեսզի իրականում դառնաս երկրի տերը, այլ ոչ թե ամբոխավարի գործիքը:

Հայկ Ուսունց

Հ.Գ.: Պետական աշխատողների կրճատումը և պատգամավորների քանակի ավելացումը կոնտրաստային պատկեր են ստեղծում: Մի կողմից Նիկոլի հետ չքայլածներն են, մյուս կողմից՝ քայլածները:

Ասում են, թե բա նախարարություններոը փակելով ուզում ենք պետական ծախսերը կրճատել, բայց իրենց շրջապատին դարձնում են պատգամավոր՝ հսկայական ծախսային բեռ ավելացնելով բյուջեի վրա: Սա ցինիզմ է և փարիսեցիություն:

Այս խորագրի վերջին նյութերը

Հին Հայաստանի վերջին խորհրդարանը

Հին Հայաստանի վերջին խորհրդարանը

Հունվար 15, 2019 10:45 Եթե հիշենք, թե ինչեր էին խոսվում «թավշյա» օրերին ու «թավշյա» հարթակներից նախորդ տարվա ապրիլ-մայիսին, ապա կարող ենք ասել, որ այժմ ունենք հակահեղափոխական իշխանություն:
Ինչ էր նշանակում Պուտինի ուշացած շնորհավորանքը Փաշինյանին

Ինչ էր նշանակում Պուտինի ուշացած շնորհավորանքը Փաշինյանին

Հունվար 14, 2019 17:05 Փաշինյանին հաջողվեց կարճ ժամանակահատվածում նախադեպը չունեցող խնդիրներ ստեղծել հայ-ռուսական հարաբերություններում:
Խաշը, բողկը և Փաշինյանի նյարդային արձագանքը

Խաշը, բողկը և Փաշինյանի նյարդային արձագանքը

Հունվար 14, 2019 16:02 Բա էն վախտ խի՞ չէիք բան ասում, որ սերժենց խաշ ուտելու կամ քեֆերի մասին էին գրում թերթերը, այդ թվում՝ «Հայկական ժամանակը»:
Խորհրդարանական կրկեսը մեկնարկեց (տեսանյութ)

Խորհրդարանական կրկեսը մեկնարկեց (տեսանյութ)

Հունվար 14, 2019 12:30 «Դուխով» Փաշինյանի, օրենսդիր-սեփականատեր Ծառուկյանի ու «կլասիկ» Մարուքյանի ղեկավարած ուժերից ձևավորված խորհրդարանից այլ բան չէր էլ կարող սպասվել:
«Շվոնդերն»՝ ընդդեմ «Լենինի ախռանիկի» (տեսանյութ)

«Շվոնդերն»՝ ընդդեմ «Լենինի ախռանիկի» (տեսանյութ)

Հունվար 14, 2019 10:35 Արևմտյան ֆինանսավորմամբ հայաստանյան կառույցներն, իրոք, աջակցել ու շարունակում են աջակցել Փաշինյանին, բայց դա չի խանգարում ամերիկացիներին «փչացնել» Փաշինյանին:
Ինչո՞ւ է Փաշինյանը թաքցնում Ալիևի հետ բանակցությունների փաստը (տեսանյութ)

Ինչո՞ւ է Փաշինյանը թաքցնում Ալիևի հետ բանակցությունների փաստը (տեսանյութ)

Հունվար 13, 2019 10:25 Նիկոլ Փաշինյանը զոհ գնաց տարիներ շարունակ Արցախի հետ կապված տեղեկատվական դաշտում շրջանառվող կեղծ թեզերին:
Խորհրդարանի նոր դեմքերը. աներձագ, զարմիկ, խնամի, ծանոթ, բարեկամ և վարորդ (տեսանյութ)

Խորհրդարանի նոր դեմքերը. աներձագ, զարմիկ, խնամի, ծանոթ, բարեկամ և վարորդ (տեսանյութ)

Հունվար 11, 2019 16:45 Ժողովրդական զարմիկը, «թավշյա» աներձագը և ոչ բռնի թիկնապահը: Ահա այսպիսի տեսք ունի «թավշյա» խորհրդարանը:
Ովքեր և ինչ խորհուրդ են տալիս Նիկոլ Փաշինյանին (տեսանյութ)

Ովքեր և ինչ խորհուրդ են տալիս Նիկոլ Փաշինյանին (տեսանյութ)

Հունվար 11, 2019 10:10 Հետաքրքիր կլիներ տարվա ամփոփագրերում տեսնել, թե որքանով է 2018-ին ավելացել ոչխարների գլխաքանակը 2017-ի համեմատ:
Տիգրան Ավինյանն ընդունե՞լ է, որ Նիկոլ Փաշինյանը սխալվել է (տեսանյութ)

Տիգրան Ավինյանն ընդունե՞լ է, որ Նիկոլ Փաշինյանը սխալվել է (տեսանյութ)

Հունվար 10, 2019 13:20 Տիգրան Ավինյանն, ի դեմս իր ապագա խորհրդականի, փաստացի փոխվարչապետ աշխատող է փնտրում, այն էլ՝ «նախորդ հանցավոր ռեժիմը» ներկայացնողների շրջանակից:
Կադրերը ոչինչ չեն որոշում

Կադրերը ոչինչ չեն որոշում

Հունվար 10, 2019 11:25 Կառավարության ձևավորումից հետո մենք ունենալու ենք ոչ թե նոր Հայաստանի առաջին իշխանությունը, այլ հին Հայաստանի վերջին իշխանությունը:
Ինչու է Հայաստանում էժանացել բենզինը, և ինչ կապ ունի դրա հետ Փաշինյանի կառավարությունը (տեսանյութ)

Ինչու է Հայաստանում էժանացել բենզինը, և ինչ կապ ունի դրա հետ Փաշինյանի կառավարությունը (տեսանյութ)

Հունվար 09, 2019 11:25 Բենզինն ու բանանն էժանացել են բոլ-բո՛լ, Շնորհակալությո՛ւն քեզ, Փաշինյա՛ն Նիկոլ:
Փաշինյանի որոշակի խոստումներն ու սպառողի անորոշ ապագան (տեսանյութ)

Փաշինյանի որոշակի խոստումներն ու սպառողի անորոշ ապագան (տեսանյութ)

Հունվար 08, 2019 13:10 Իշխանությունն այժմ փողոցից պետք է տեղափոխվի կաբինետ ու աշխատի: Եկել է հայտարարություններին ու խոստումներին տեր կանգնելու ժամանակը:
Ի՞նչ որոշում կկայացվի Ռոբերտ Քոչարյանի հարցով (տեսանյութ)

Ի՞նչ որոշում կկայացվի Ռոբերտ Քոչարյանի հարցով (տեսանյութ)

Հունվար 08, 2019 11:35 Քոչարյանի կալանավորմամբ Փաշինյանը բացեց «Պանդորայի արկղը», ինչը հղի է շատ կանխատեսելի հետևանքներով:
Որտեղի՞ց է կառավարվում հակահայկական դիվերսիան (տեսանյութ)

Որտեղի՞ց է կառավարվում հակահայկական դիվերսիան (տեսանյութ)

Հունվար 06, 2019 20:50 Պետությունը և պետական կառույցները «Հայկական ժամանակ» թերթին կցելը նույնպե՞ս «թավշյա հեղափոխության» ծրագրերի մեջ է մտնում:
Դեբիլիզմը որպես պետական գաղափարախոսություն կամ «թավշյա» Շվոնդերի արկածները (տեսանյութ)

Դեբիլիզմը որպես պետական գաղափարախոսություն կամ «թավշյա» Շվոնդերի արկածները (տեսանյութ)

Հունվար 06, 2019 13:55 Հետո էլ ասում են, թե նոր իշխանություններն «իզմեր» չունեն: Ունե՛ն: Շվոնդեր-Դանիելը ներկայացրել է այդ «իզմը»:
«Դուխով» արտաքին քաղաքականության հետևանքները (տեսանյութ)

«Դուխով» արտաքին քաղաքականության հետևանքները (տեսանյութ)

Հունվար 05, 2019 10:30 Մնացականյանը նշեց այնպիսի սկզբունքներ ու տվեց այնպիսի ձևակերպումներ, որոնցից պարզ դարձավ, թե ինչու են ոգևորվել Ալիևն ու Մամեդյարովը:
Կարգին Հայկոյի ամանորյա նվերները

Կարգին Հայկոյի ամանորյա նվերները

Հունվար 04, 2019 20:45 Պարզվում է՝ երջանկությունը աղբի քանակի մեջ է: Որքան շատ, այնքան՝ լավ:
Կառավարությունը «գազեր» ունի

Կառավարությունը «գազեր» ունի

Հունվար 04, 2019 19:30 Այսուհետ ինչ ձախողումներ էլ լինեն, ասելու են, թե բա դա ինքնիշխանության ու «դուխով» լինելու գինն է: 
Ամանորյա «գազային» ողջույն Փաշինյանից. գազը թանկացավ (տեսանյութ)

Ամանորյա «գազային» ողջույն Փաշինյանից. գազը թանկացավ (տեսանյութ)

Դեկտեմբեր 31, 2018 13:54 Եթե հպարտ քաղաքացիներին դա բավարարում է, ապա շնորհավորում ենք նրանց Նոր տարին:
Շան տարվա հերոսներն ու հակահերոսները

Շան տարվա հերոսներն ու հակահերոսները

Դեկտեմբեր 30, 2018 23:01 «Չալոն» ամենաանշահախնդիրն էր քայլողներից շատերի համեմատ: Նրանք քայլեցին ու պաշտոն ստացան, իսկ «Չալոն» մնաց «Չալո»: