Աշխարհ

28.12.2018 14:48


Սիրիայի քրդերը Մանբիչը հանձնեցին Ասադին (տեսանյութ)

Սիրիայի քրդերը Մանբիչը հանձնեցին Ասադին (տեսանյութ)

Սիրիայի քրդական ուժերը հայտարարել են Մանբիչ շրջանից դուրս գալու մասին: Այդ մասին հայտնի է դարձել Սիրիայի քրդական «Ժողովրդական ինքնապաշտպանական ջոկատների» (ԺԻՋ-YPG) հայտարարությունից, որում մասնավորապես ասված է.

«Թուրքիայի հարձակումից պաշտպանվելու համար Սիրիայի կառավարության ուժերին հրավիրում ենք Մանբիչ, որտեղից մենք դուրս ենք գալիս»:

Արդեն թուրքական մի շարք լրատվամիջոցներ հայտնում են, որ Սիրիայի կառավարական ուժերը մտել են Մանբիչ և այնտեղ տեղադրել Սիրիայի պետական դրոշը:

Նշվում է, որ քրդերն այդ քայլին գնացին այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարեց, որ թուրքական բանակը Սիրիայի քրդական ուժերի դեմ առաջիկայում պատրաստվում է ռազմական գործողութուն սկսել Եփրատ գետի արևելյան հատվածում:

Աղբյուրը՝ ermenihaber.am

Այս խորագրի վերջին նյութերը