«Գազպրոմ»-ի կառավարման խորհրդի նախագահ Ալեքսեյ Միլլերը Հայաստանի փոխվարչապետի պաշտոնակատար Մհեր Գրիգորյանի հետ քննարկել է հաջորդ տարվա մատակարարումների հարցը: Հանդիպումը կայացել է Սանկտ Պետերբուրգում:

«Քննարկվել են երկկողմ համագործակցության ներկայիս վիճակը և հետագա զարգացման ծրագրերը, մասնավորապես՝ Հայաստանին 2019 թվականին մատակարարվելիք գազի խնդիրը»,-ասվում է «Գազպրոմ»-ի տարածած հաղորդագրության մեջ:

Նշվում է, որ կողմերը դիտարկել են նաև Հայաստանի հետագա գազաֆիկացման և երկրի տարածքում գազի ստորգետնյա պահեստավորման հարցերը:

Աղբյուրը՝ Ազատություն