Գործ N° մարտի 1 (տեսանյութ)

Գործ N° մարտի 1 (տեսանյութ)

Հունվար 19, 2019 21:27 Հայտնի լրագրող Ռոման Բաբայանի՝ Մարտի 1-ի դեպքերի մասին պատմող ֆիլմը։
Ինչու և ինչից է անհանգստացած Փաշինյանը․ 7or TV

Ինչու և ինչից է անհանգստացած Փաշինյանը․ 7or TV

Հունվար 19, 2019 11:48 Փաշինյանին մտահոգում են իր և Սերժ Սարգսյանի, ՔՊ-ի ու ՀՀԿ-ի նույնացումները։

Մեկնաբանություն

Դեկտեմբեր 28, 2018 20:15

Փաշինյանը պատերազմ հայտարարեց Ռուսաստանին ու անձամբ Պուտինին. ո՞րն է Հայաստանի ու Արցախի շահը

Փաշինյանը պատերազմ հայտարարեց Ռուսաստանին ու անձամբ Պուտինին. ո՞րն է Հայաստանի ու Արցախի շահը

Ասել, որ Նիկոլ Փաշինյանի մոսկովյան վերջին այցը անարդյունավետ էր, նշանակում է ոչինչ չասել: Դա ձախողում էր բոլոր առումներով: Այդ այցից կմնա միայն «վարչապետ Փաշինյան» գրությամբ բաճկոնը (սա հոգեվերլուծության առարկա է), ինքնաթիռի ծախսը և ուրիշ ոչինչ:

Եթե մինչև խորհրդարանական ընտրությունները Կրեմլը քաղաքավարություն էր ցուցաբերում և պահպանում միջպետական արարողակարգը, ապա դեկտեմբերի 9-ից հետո ռուսները շրջանցում են Փաշինյանին ու դիմում Հայաստանի և Արցախի հանրությանը:

Կրեմլի մեսիջը հետևյալն է. «Մենք ընդունում են հայ ժողովրդի որոշումը՝ մերժել Սերժ Սարգսյանին:

Ողջունում ենք նաև «սիրո և հանդուրժողականության» կարգախոսով տեղի ունեցած հեղափոխությունը, բայց երբ տեսնում ենք, որ տեղի է ունենում հակառակը, մենք չենք կարող լռել, քանզի հարավկովկասյան տարածաշրջանը ռազմավարական նշանակություն ունի մեզ համար:

Մենք՝ ի դեմս Հայաստանի, շահագրգռված ենք կոմպետենտ ղեկավարությամբ ռազմավարական գործընկեր պետություն ունենալ, այլ ոչ թե պետական կառավարումը փողոցային «գըմփ-գըմփ-հո՛ւ»-երի հետ շփոթողների խմբակի ձեռքում հայտնված պետություն:

Փաշինյանի կառավարումը վտանգում է ինչպես Հայաստանի ու Արցախի, այնպես էլ ՌԴ շահերը տարածաշրջանում:

Որոշումը հայ ժողովրդինն է, բայց մենք մեր պարտքն ենք համարում զգուշացնել և հիշեցնել, որ պետական շահը պետք է վեր լինի մասնավոր շահից»:

Երեկ տեղի ունեցած հանդիպումը և դրան հաջորդած Փաշինյանի կցկտուր «լայվային» մեկնաբանությունները պարզորոշ ցույց տվեցին, որ մեր երկրի համար կարևորագույն նշանակություն ունեցող ՀՀ-ՌԴ հարաբերությունները «թավշյա» լիդերի պատճառով ոչ միայն սառել են, այլ նաև շուտով վերածվելու են բացահայտ թշնամականի՝ այդտեղից բխող բոլոր բացասական հետևանքներով:

Պատահական չէ, որ Բաքվում շփում են ձեռքները և հանգիստ նստած հետևում Փաշինյանի սխալներին, որոնք մեկը մյուսի հետևից են արվում: Ադրբեջանում չեն էլ թաքցնում, որ սպասում են, թե երբ են վերջնականապես լարվելու հայ-ռուսական հարաբերությունները Փաշինյանի պատճառով ու անցնեն գրոհի:

Ցավալին այն է, որ Փաշինյանը փոխարենը հետևություն անի և ճիշտ որոշումներ կայացնի, շարժվում է անձնական կապրիզներով ու հիվանդագին պատկերացումներով: «Քա՛յլ արա, մերժի՛ր Սերժին» կարգախոսով հեղափոխություն արած ու քաղաքական վենդետա չանելու խոստում տված Փաշինյանը կալանավորում է ՀՀ 2-րդ նախագահ Ռոբերտ Քոչարյանին:

Փաշինյանի այդ անձնավորված «բզիկը» թշնամացնում է մեզ ՀԱՊԿ տարածքում ու հարուցում ոչ միայն Քոչարյանի հետ անձնական մտերմություն պահպանող Պուտինի, այլ նաև կազմակերպության անդամ մյուս պետությունների ղեկավարների զայրույթը:

Նախկին նախագահի կալանավորումը նախադեպ չունի հետսովետական տարածքում, և Փաշինյանն իր այդ քայլով առաջացնում է թշնամանք Հայաստանի հանդեպ՝ մեզ համար ապահովելով զրո դաշնակիցներ: ՀԱՊԿ-ում մենք դարձել ենք օտար յուրայինների մեջ, իսկ Փաշինյանը միջտեսակային ու դասակարգային թշնամի է մյուս լիդերների համար: Փոքրիկ Հայաստանը, ըստ այդմ, դրվել է զոհասեղանին՝ մեկ մարդու փառասիրության, ֆյուրերիկության, հոգեբանական տվայտանքների ու իդեա-ֆիքսի պատճառով:

Պուտինն արդեն ուղիղ խոսքով է հասկացնում Փաշինյանին, որ նա դադարեցնի Քոչարյանի հետապնդումը, սակայն «Իմ քայլը» դաշինքի առաջնորդը պատրաստ է քիրվայություն անել անգամ Ալիևի հետ, բայց չդադարեցնել ՀՀ 2-րդ նախագահի հետապնդումը: Սա արդեն ոչ թե արկածախնդրություն ու չորկողություն է, այլ լրիվ այլ որակման ենթակա պահվածք:

Նոր տարվա կապակցությամբ Քոչարյանին Պուտինի հղած շնորհավորանքը ուղղակի «մեսիջ» էր Փաշինյանին: Մոսկվայում էլ գիտեն, որ Փաշինյանն ուղղակիորեն միջամտում է դատարանների որոշմանը և հորդորում են նրան կայացնել Քոչարյանի ազատ արձակման վիճռ: Փաշինյանը դա այսօր չարեց (դատարանը Քոչարյանի խափանման միջոց կալանքը փոխելու վերաբերյալ նիստը հետաձգել է մինչև հունվարի 9-ը, որպեսզի Փաշինյանի կապրիզը բավարարի, բայց դե դատարանին էլ մեղադրել պետք չէ, քանզի այդ կառույցը, դատելով գաղտնալսումներից, գործում է ահռելի ճնշումների ներքո)՝ դրանով իսկ պատերազմ հայտարարելով Ռուսաստանին ու անձամբ Պուտինին: Այսինքն՝ Փաշինյանը գերադասեց անձնական կապրիզն ու շահը պետական շահին, այն էլ՝ Ղարաբաղի շուրջ տեղի ունեցող զարգացումների, գազի գնի բանակցությունների ու Իրանի մասով ամերիկացիների գերակտիվացման պայմաններում: Թե ինչ հետևանքների սա կարող է բերել, մի քանի անգամ արդեն տեսել ենք:

Ի դեպ, պատմությունից դասեր չքաղելը ծանրագույն մեղադրանք է պետության ղեկավարի համար, և նա չի կարող հետագայում խուսափել կոնկրետ պատասխաններ տալու պարտավորությունից:

Պատմությունից դասեր չքաղելու հետևանքները նման դեպքերում լինում են շատ ծանր առաջին հերթին անհեռատես ղեկավար ունեցող պետության համար: Ու պետք չէ հետագայում մեղադրել ռուսներին կամ ամերիկացիներին: Խնդիրը Հայաստանի ներսում է:

Ո՞վ է մեղավոր, որ Հայաստանը ղեկավարող անձը, սեփական հաշվարկներից ու շահերից ելնելով, Հայաստանը դարձնում է Ռուսաստանի թշնամի, այն էլ՝ թշնամական Թուրքիայի ու Ադրբեջանի հարևանության պայմաններում: Հարց է առաջանում՝ ո՞րն է Հայաստանի ու Արցախի շահը Փաշինյանի այս քայլերից: Դրանք պարզապես չկան: Կան միայն վնասներ:

Միայն մեկ հարց է մնում բաց՝ Նիկոլ Փաշինյանն այս ամենն անում է անփորձության, հոգեբանական բարդույթների ու դիլետանտությա՞ն պատճառով, թե՞ կա հատուկ ծրագիր, ամեն ինչ մտածված է արվում, և մենք գործ ունենք լրիվ այլ պատմության հետ: Սա միայն «հերձումը» ցույց կտա: Եվ այն ցավոտ է լինելու: Մնում է հուսալ, որ Հայաստանն ու Արցախն այս ընթացքում կդիմանան:

Պետրոս Ալեքսանյան

Այս խորագրի վերջին նյութերը

Լևոն Տեր-Պետրոսյանից մինչև Արարատ Միրզոյան. վերադարձ դեպի անցյալ (տեսանյութ)

Լևոն Տեր-Պետրոսյանից մինչև Արարատ Միրզոյան. վերադարձ դեպի անցյալ (տեսանյութ)

Հունվար 18, 2019 20:40 Ի՞նչ է սա՝ Հայաստանում հյուսիսկորեական քաղաքական մշակույթի ներդրո՞ւմ, թե՞ բարձր ակնկալիքներով կրեդիտ Նիկոլ Փաշինյանին:
Ի՞նչ սկզբունքով է բանակցում Հայաստանն Արցախի հարցով

Ի՞նչ սկզբունքով է բանակցում Հայաստանն Արցախի հարցով

Հունվար 18, 2019 12:30 «Հայաստանը չի բանակցելու Արցախի հարցով» ձևակերպումից հետո ինտենսիվ բանակցություններ վարելը նշանակում է Ադրբեջանին հանձնել նախաձեռնությունը:
«Թավշյա» երջանկության 3 բանալիները (տեսանյութ)

«Թավշյա» երջանկության 3 բանալիները (տեսանյութ)

Հունվար 17, 2019 22:25 Հայաստանի բոլոր դժբախտությունների պատճառը տգիտությունն է: Տգիտությունն է ծնում աղքատություն, պետության թուլություն և պարտություն:
Դավիթ Անանյանի ուշագրավ արձագանքը Նիկոլ Փաշինյանի գրառմանը (տեսանյութ)

Դավիթ Անանյանի ուշագրավ արձագանքը Նիկոլ Փաշինյանի գրառմանը (տեսանյութ)

Հունվար 17, 2019 16:30 Դավիթ Անանյանը ակամայից բացահայտել է տնտեսության վրա փաշինյանական պոպուլիզմի բացասական հետևանքները:
Հակաիրանական գիծը փաշինյանենց մոտ պատահականությո՞ւն է, թե՞ դիտավորություն

Հակաիրանական գիծը փաշինյանենց մոտ պատահականությո՞ւն է, թե՞ դիտավորություն

Հունվար 16, 2019 21:18 Որքա՞ն կդիմանա Հայաստանն այս «թավշյա» էքսպերիմենտին:
Ինչու և ինչից է անհանգստացած Փաշինյանը (տեսանյութ)

Ինչու և ինչից է անհանգստացած Փաշինյանը (տեսանյութ)

Հունվար 16, 2019 12:10 Փաշինյանը նյարդայնանում է, որ իր իշխանության դեմ և՛ փողոցում, և՛ տեղեկատվական դաշտում հիմա կիրառվում է այն նույն տեխնոլոգիան, որը նա կիրառել էր:
Փողոց փակելու լիազորագիրը

Փողոց փակելու լիազորագիրը

Հունվար 16, 2019 00:30 Մենք պետությո՞ւն ենք կառուցում, թե՞ «քուչա»:
Փախուստ անցյալից (տեսանյութ)

Փախուստ անցյալից (տեսանյութ)

Հունվար 15, 2019 14:05 Ինչո՞ւ էր Նիկոլ Փաշինյանի համար սկզբունքային ԲՀԿ-ական թեկնածուին ԱԺ փոխխոսնակ դարձնելը, այլ ոչ թե ընդամենը ամիսներ առաջ դաշինքային գործընկեր ԼՀԿ-ականի օգտին քվեարկելը:
Հին Հայաստանի վերջին խորհրդարանը

Հին Հայաստանի վերջին խորհրդարանը

Հունվար 15, 2019 10:45 Եթե հիշենք, թե ինչեր էին խոսվում «թավշյա» օրերին ու «թավշյա» հարթակներից նախորդ տարվա ապրիլ-մայիսին, ապա կարող ենք ասել, որ այժմ ունենք հակահեղափոխական իշխանություն:
Ինչ էր նշանակում Պուտինի ուշացած շնորհավորանքը Փաշինյանին

Ինչ էր նշանակում Պուտինի ուշացած շնորհավորանքը Փաշինյանին

Հունվար 14, 2019 17:05 Փաշինյանին հաջողվեց կարճ ժամանակահատվածում նախադեպը չունեցող խնդիրներ ստեղծել հայ-ռուսական հարաբերություններում:
Խաշը, բողկը և Փաշինյանի նյարդային արձագանքը (տեսանյութ)

Խաշը, բողկը և Փաշինյանի նյարդային արձագանքը (տեսանյութ)

Հունվար 14, 2019 16:02 Բա էն վախտ խի՞ չէիք բան ասում, որ սերժենց խաշ ուտելու կամ քեֆերի մասին էին գրում թերթերը, այդ թվում՝ «Հայկական ժամանակը»:
Խորհրդարանական կրկեսը մեկնարկեց (տեսանյութ)

Խորհրդարանական կրկեսը մեկնարկեց (տեսանյութ)

Հունվար 14, 2019 12:30 «Դուխով» Փաշինյանի, օրենսդիր-սեփականատեր Ծառուկյանի ու «կլասիկ» Մարուքյանի ղեկավարած ուժերից ձևավորված խորհրդարանից այլ բան չէր էլ կարող սպասվել:
«Շվոնդերն»՝ ընդդեմ «Լենինի ախռանիկի» (տեսանյութ)

«Շվոնդերն»՝ ընդդեմ «Լենինի ախռանիկի» (տեսանյութ)

Հունվար 14, 2019 10:35 Արևմտյան ֆինանսավորմամբ հայաստանյան կառույցներն, իրոք, աջակցել ու շարունակում են աջակցել Փաշինյանին, բայց դա չի խանգարում ամերիկացիներին «փչացնել» Փաշինյանին:
Ինչո՞ւ է Փաշինյանը թաքցնում Ալիևի հետ բանակցությունների փաստը (տեսանյութ)

Ինչո՞ւ է Փաշինյանը թաքցնում Ալիևի հետ բանակցությունների փաստը (տեսանյութ)

Հունվար 13, 2019 10:25 Նիկոլ Փաշինյանը զոհ գնաց տարիներ շարունակ Արցախի հետ կապված տեղեկատվական դաշտում շրջանառվող կեղծ թեզերին:
Խորհրդարանի նոր դեմքերը. աներձագ, զարմիկ, խնամի, ծանոթ, բարեկամ և վարորդ (տեսանյութ)

Խորհրդարանի նոր դեմքերը. աներձագ, զարմիկ, խնամի, ծանոթ, բարեկամ և վարորդ (տեսանյութ)

Հունվար 11, 2019 16:45 Ժողովրդական զարմիկը, «թավշյա» աներձագը և ոչ բռնի թիկնապահը: Ահա այսպիսի տեսք ունի «թավշյա» խորհրդարանը:
Ովքեր և ինչ խորհուրդ են տալիս Նիկոլ Փաշինյանին (տեսանյութ)

Ովքեր և ինչ խորհուրդ են տալիս Նիկոլ Փաշինյանին (տեսանյութ)

Հունվար 11, 2019 10:10 Հետաքրքիր կլիներ տարվա ամփոփագրերում տեսնել, թե որքանով է 2018-ին ավելացել ոչխարների գլխաքանակը 2017-ի համեմատ:
Տիգրան Ավինյանն ընդունե՞լ է, որ Նիկոլ Փաշինյանը սխալվել է (տեսանյութ)

Տիգրան Ավինյանն ընդունե՞լ է, որ Նիկոլ Փաշինյանը սխալվել է (տեսանյութ)

Հունվար 10, 2019 13:20 Տիգրան Ավինյանն, ի դեմս իր ապագա խորհրդականի, փաստացի փոխվարչապետ աշխատող է փնտրում, այն էլ՝ «նախորդ հանցավոր ռեժիմը» ներկայացնողների շրջանակից:
Կադրերը ոչինչ չեն որոշում

Կադրերը ոչինչ չեն որոշում

Հունվար 10, 2019 11:25 Կառավարության ձևավորումից հետո մենք ունենալու ենք ոչ թե նոր Հայաստանի առաջին իշխանությունը, այլ հին Հայաստանի վերջին իշխանությունը:
Ինչու է Հայաստանում էժանացել բենզինը, և ինչ կապ ունի դրա հետ Փաշինյանի կառավարությունը (տեսանյութ)

Ինչու է Հայաստանում էժանացել բենզինը, և ինչ կապ ունի դրա հետ Փաշինյանի կառավարությունը (տեսանյութ)

Հունվար 09, 2019 11:25 Բենզինն ու բանանն էժանացել են բոլ-բո՛լ, Շնորհակալությո՛ւն քեզ, Փաշինյա՛ն Նիկոլ:
Փաշինյանի որոշակի խոստումներն ու սպառողի անորոշ ապագան (տեսանյութ)

Փաշինյանի որոշակի խոստումներն ու սպառողի անորոշ ապագան (տեսանյութ)

Հունվար 08, 2019 13:10 Իշխանությունն այժմ փողոցից պետք է տեղափոխվի կաբինետ ու աշխատի: Եկել է հայտարարություններին ու խոստումներին տեր կանգնելու ժամանակը:

Գործ N° մարտի 1 (տեսանյութ)

Հունվար 19, 2019 21:27