Աշխարհ

04.01.2019 16:23


Միջազգային կառույցները ադրբեջանցի ընդդիմադիր բլոգերին պաշտպանելու կոչով դիմել են ՄԱԿ-ի գլխավոր քարտուղարին

Միջազգային կառույցները ադրբեջանցի ընդդիմադիր բլոգերին պաշտպանելու կոչով դիմել են ՄԱԿ-ի գլխավոր քարտուղարին

«Թուրան» գործակալությունը հաղորդում է, որ միջազգային իրավապաշտպան կազմակերպությունները ազատազրկման դատապարտված ադրբեջանցի բլոգեր Մեհման Հուսեյնովի հարցով դիմել են ՄԱԿ-ի Գլխավոր քարտուղար Անտոնիո Գուտերեշին:

ՄԱԿ-ի գլխավոր քարտուղարին ներկայացվել է տեղեկատվություն հացադուլ հայտարարած բլոգերի առողջական ծանր վիճակի և նրան առաջադրված նոր կեղծ մեղադրանքի մասին:

Աղբյուրի փոխանցմամբ, միջազգային կառույցները Գուտերեշին կոչ են արել քայլեր ձեռնարկել Մեհման Հուսեյնովի պաշտպանության ուղղությամբ:

2017 թվականին ձերբակալված և երկու տարվա ազատազրկման դատապարտված ընդդիմադիր հայացքներով բլոգերին դեկտեմբերի 26-ին նոր մեղադրանք է առաջադրվել՝ ոստիկանին ծեծի ենթարկելու հոդվածով: Ի նշան բողոքի` Հուսեյնովը հացադուլ է հայտարարել, ինչի հետևանքով նրա առողջական վիճակը կտրուկ վատթարացել է, անգամ կորցրել է գիտակցությունը: Նախօրեին Բաքվում Հուսեյնովին ազատ արձակելու պահանջով բողոքի ակցիայի մի խումբ մասնակիցներ ձերբակալվել են:

Աղբյուրը՝ Ազատություն

Այս խորագրի վերջին նյութերը