Գործ N° մարտի 1 (տեսանյութ)

Գործ N° մարտի 1 (տեսանյութ)

Հունվար 19, 2019 21:27 Հայտնի լրագրող Ռոման Բաբայանի՝ Մարտի 1-ի դեպքերի մասին պատմող ֆիլմը։
Ինչու և ինչից է անհանգստացած Փաշինյանը․ 7or TV

Ինչու և ինչից է անհանգստացած Փաշինյանը․ 7or TV

Հունվար 19, 2019 11:48 Փաշինյանին մտահոգում են իր և Սերժ Սարգսյանի, ՔՊ-ի ու ՀՀԿ-ի նույնացումները։

Մեկնաբանություն

Հունվար 10, 2019 11:25

Կադրերը ոչինչ չեն որոշում

Կադրերը ոչինչ չեն որոշում

Խորհրդային տարիներին շրջանառության մեջ էր դրվել մի կարգախոս՝ կադրերն են որոշում ամեն ինչ: Դա Ստալինի սիրած կարգախոսներից էր:

Այդ կարգախոսով ուզում էին ասել, որ ինչ ծրագիր էլ մշակվի, միևնույն է, վերջում կադրերից է կախված լինում ծրագրերի կյանքի կոչման որակը:

Սովետներն իրենց պատկերացրած կադրերի պատրաստման դպրոց ունեին: Մարդիկ աստիճան առ աստիճան բարձրանում էին՝ հընթացս փորձ հավաքելով: Դա մի կողմից լավ էր, բայց մյուս կողմից էլ հանգեցնում էր լճացման ու սերնդափոխության գրեթե բացակայության: Ի վերջո, ստեղծվել էր մի վիճակ, երբ ԽՍՀՄ ղեկավար կազմում 60 տարեկանները համարվում էին երիտասարդներ:

Մենեջմենտի դասական կանոնի համաձայն՝ կադրային հարցերում ճիշտը փորձի ու երիտասարդության համադրությունն է: Ամեն ինչ պետք է լինի չափի մեջ:

«Պոլի փեդի» հաղթարշավը և կադրային ճգնաժամը

ԽՍՀՄ-ը կադրային ու այլ պատճառներով փլուզվեց: Դրանից հետո անկախ Հայաստանում կադրային հարցը ամենացավոտներից դարձավ: Սկզբնական փուլում առաջ քաշվեց «Թող պոլի փեդ լինի, միայն թե ՀՀՇ-ից լինի» տխրահռչակ կարգախոսը: Հետո դրան ավելացավ ԽԾԲ-ն՝ խնամի, ծանոթ, բարեկամը:

90-ականների կեսերից փորձ արվեց պետական կառավարման համակարգին որակյալ կադրեր տալու դպրոց սարքել: Ստեղծվեց Կառավարման դպրոցը, որը կարող էր հավակնել կադրային դարբնոցի դերակատարմանը, սակայն այդպես չեղավ: Պատճառը քաղաքական ղեկավարության, այլ ոչ թե դպրոցի մեջ պետք է փնտրել:

Պետական կառավարման համակարգի վերին օղակներին կադրերի մատակարարման հարցում կարևոր դերակատարում պետք է ունենային նաև կուսակցությունները, սակայն տնտեսական մրցակցության աղճատված վիճակը և սեփականության լեգիտիմության ճգնաժամը գրեթե հնարավորություն չտվեցին կադրային կուսակցություններ ունենալ իշխանական համակարգից դուրս, ինչը հանգեցրեց կադրային մրցակցության ցածր որակին և իշխանական կադրերի լճացմանը:

Թող «պոլի փեդ» լինի, միայն թե փողոց փակած կամ մեզ հետ քայլած լինի

2018-ի գարնանը տեղի ունեցած իշխանափոխությունը ենթադրում էր նաև կադրային հարցում բարեփոխումներ: Եթե նախկինում քծնելով էին առաջխաղացում ունենում, բայց քծնողը նաև պետք է ոլորտին տիրապետեր ու հիմնականում տիրապետում էր, ապա մայիսից հետո քծնանքի «ինստիտուտը» պահպանվեց, բայց արդեն առանց փորձի, գիտելիքների ու պետական կառավարման համակարգի պատկերացումների:

Նիկոլ Փաշինյանն ուներ երկու տարբերակ՝ ստեղծել ներառական իշխանություն, որը հիմնվում է ազգային համաձայնության ու պրոֆեսիոնալիզմի վրա, կամ էլ գնալ ՀՀՇ-ական տարբերակով: Փաշինյանն ընտրեց երկրորդը, այսինքն՝ կարևորվեց նեղ թիմային սկզբունքը՝ անկախ կադրի որակական հատկանիշների:

Փաշինյանի համար կարևոր դարձան ոչ թե գիտելիքն ու փորձը, այլ իր հետ քայլած լինելը, իր ջրի շիշը կամ բարձրախոս բռնելը, խնամի, ծանոթ ու բարեկամ լինելը: Կարևորվեց նաև ընտրվող կադրի մոտ սեփական «ես»-ի և անցած ուղու առումով կենսագրության բացակայությունը:

«Իմ քայլը» դաշինքի առաջնորդը կադրային սերնդափոխությունն իրականացրեց բառացիորեն, այսինքն՝ տարիքային առումով, քանզի ինքն իրեն այդպես ավելի անվտանգ է զգում ու կարողանում է անվերապահ լիդեր ընկալվել թրաշամանուկների թիմում:

Փաշինյանի կադրային քաղաքականությունը միգուցե կարճաժամկետ հեռանկարում կարող է իր համար անվտանգ ու հարմարավետ լինել, բայց հետագայում դա հակառակ էֆեկտն է ունենալու: Նա ստիպված է լինելու, բացի վարչապետից, աշխատել նաև որպես քաղաքապետ, գյուղապետ, մարզպետ, նախարար, փոխնախարար, դպրոցի տնօրեն, տեսչության պետ և այլն: Ասել է թե՝ Փաշինյանի մոտ կադրերը ոչինչ չեն որոշում: Իսկ թե ինչու է այդպես ստացվել, արդեն քաղաքական հոգեբանության հարց է:

Երևանի քաղաքապետ Հայկոյի պարագայում միգուցե կարելի է ապահովագրվել քաղաքական մրցակցությունից, ներթիմային դավադրություններից և սուպերլիդեր զգալ քաղաքապետի համեմատությամբ, բայց մայրաքաղաքը կառավարչական գիտելիքներ և շոուի հետ կապ չունեցող քրտնաջան աշխատանք է պահանջում: Այդ աշխատանքի բացակայությունը հանրային տրամադրությունների անխուսափելի փոփոխության է հանգեցնելու, իսկ դա էլ իր հերթին չի կարող լուրջ խնդիրներ չառաջացնել Փաշինյանի համար:

Երբ խորհրդարանական ընտրությունների քարոզչական փուլում Լենա Նազարյանը խայտառակ ձևով տապալվում է, բայց դու, ամեն դեպքում, իրեն կարգում ես ԱԺ փոխխոսնակ, նշանակում է՝ քեզ զրոներ են պետք, այլ ոչ թե գիտելիք ու փորձ ունեցող անհատներ: Բայց դե, մյուս կողմից էլ, մեր հանրության այն հատվածն է մեղավոր, որ ԱԺ գործուղած իմքայլական 88 պատգամավորից նույնիսկ 8-ի անունը չգիտի, բայց ձայն է տվել նրանց՝ մեկ մարդու անվան տակ:

Փաշինյանը սիրում է զրոներին, որպեսզի դրանց ֆոնին ինքը մեծ միավոր երևա, բայց դա վտանգավոր մտածողություն է և ինքնակործան կոմպլեքս: Զրոները նաև զրո պատասխանատվություն ունեն, և բոլորի արածների ու չարածների պատասխանատուն դառնում է Փաշինյանը, իսկ դա շատ ծանր բեռ է, որի տակից դուրս գալն անհնար է: Երբ բոլոր դափնիները քոնն են, տապալումներն էլ են քոնը լինելու: Միայն քոնը:

Զրոներն իրենց հոգու խորքում միշտ համարելու են, որ ոչ թե իրենք են մեկ մարդու հաշվին, այլ այդ մեկ մարդն է իրենց հաշվին վերև բարձրացել ու ինքնահռչակվել որպես Կեսար: Երբ սկսվի «Կեսարի» անկումը, զրոները հաճույքով կհետևեն այդ գործընթացին ու արդեն կբարձրաձայնեն, թե ինչ բոնապարտիզմ էր տիրում ներսում, ու թե ինչպես ժողովրդավարությունը ճզմվեց մեկ մարդու պատճառով:

Հին Հայաստանի վերջին իշխանությունը

ԱԺ արտահերթ ընտրություններից հետո ձևավորվելու է Կառավարություն: Դատելով ամենից՝ Փաշինյանը կադրային առումով շարժվելու է արդեն իսկ կիրառած սկզբունքով, այսինքն՝ լինելու են ինքը և մյուսները:

Ինչպես որ նորընտիր խորհրդարանն է ունենալու մեկ դեմք, այնպես էլ Կառավարությունն է հանդես գալու նույն այդ դեմքով՝ Փաշինյանի դեմքով:

Կադրային քաղաքականության փիլիսոփայությունն, ըստ այդմ, տեղավորվում է հին Հայաստանի խաղի կանոնների շրջանակներում, ընդ որում՝ ավելի վատ տարբերակով (քծնանք + անգրագիտություն+փորձի պակաս):

Դատելով ամենից՝ Կառավարության ձևավորումից հետո մենք ունենալու ենք ոչ թե նոր Հայաստանի առաջին իշխանությունը, այլ հին Հայաստանի վերջին իշխանությունը:

Քաղաքական գործընթացները տեղի են ունենալու խորհրդարանի ու Կառավարության պատերից դուրս:

Կորյուն Մանուկյան

Այս խորագրի վերջին նյութերը

Լևոն Տեր-Պետրոսյանից մինչև Արարատ Միրզոյան. վերադարձ դեպի անցյալ (տեսանյութ)

Լևոն Տեր-Պետրոսյանից մինչև Արարատ Միրզոյան. վերադարձ դեպի անցյալ (տեսանյութ)

Հունվար 18, 2019 20:40 Ի՞նչ է սա՝ Հայաստանում հյուսիսկորեական քաղաքական մշակույթի ներդրո՞ւմ, թե՞ բարձր ակնկալիքներով կրեդիտ Նիկոլ Փաշինյանին:
Ի՞նչ սկզբունքով է բանակցում Հայաստանն Արցախի հարցով

Ի՞նչ սկզբունքով է բանակցում Հայաստանն Արցախի հարցով

Հունվար 18, 2019 12:30 «Հայաստանը չի բանակցելու Արցախի հարցով» ձևակերպումից հետո ինտենսիվ բանակցություններ վարելը նշանակում է Ադրբեջանին հանձնել նախաձեռնությունը:
«Թավշյա» երջանկության 3 բանալիները (տեսանյութ)

«Թավշյա» երջանկության 3 բանալիները (տեսանյութ)

Հունվար 17, 2019 22:25 Հայաստանի բոլոր դժբախտությունների պատճառը տգիտությունն է: Տգիտությունն է ծնում աղքատություն, պետության թուլություն և պարտություն:
Դավիթ Անանյանի ուշագրավ արձագանքը Նիկոլ Փաշինյանի գրառմանը (տեսանյութ)

Դավիթ Անանյանի ուշագրավ արձագանքը Նիկոլ Փաշինյանի գրառմանը (տեսանյութ)

Հունվար 17, 2019 16:30 Դավիթ Անանյանը ակամայից բացահայտել է տնտեսության վրա փաշինյանական պոպուլիզմի բացասական հետևանքները:
Հակաիրանական գիծը փաշինյանենց մոտ պատահականությո՞ւն է, թե՞ դիտավորություն

Հակաիրանական գիծը փաշինյանենց մոտ պատահականությո՞ւն է, թե՞ դիտավորություն

Հունվար 16, 2019 21:18 Որքա՞ն կդիմանա Հայաստանն այս «թավշյա» էքսպերիմենտին:
Ինչու և ինչից է անհանգստացած Փաշինյանը (տեսանյութ)

Ինչու և ինչից է անհանգստացած Փաշինյանը (տեսանյութ)

Հունվար 16, 2019 12:10 Փաշինյանը նյարդայնանում է, որ իր իշխանության դեմ և՛ փողոցում, և՛ տեղեկատվական դաշտում հիմա կիրառվում է այն նույն տեխնոլոգիան, որը նա կիրառել էր:
Փողոց փակելու լիազորագիրը

Փողոց փակելու լիազորագիրը

Հունվար 16, 2019 00:30 Մենք պետությո՞ւն ենք կառուցում, թե՞ «քուչա»:
Փախուստ անցյալից (տեսանյութ)

Փախուստ անցյալից (տեսանյութ)

Հունվար 15, 2019 14:05 Ինչո՞ւ էր Նիկոլ Փաշինյանի համար սկզբունքային ԲՀԿ-ական թեկնածուին ԱԺ փոխխոսնակ դարձնելը, այլ ոչ թե ընդամենը ամիսներ առաջ դաշինքային գործընկեր ԼՀԿ-ականի օգտին քվեարկելը:
Հին Հայաստանի վերջին խորհրդարանը

Հին Հայաստանի վերջին խորհրդարանը

Հունվար 15, 2019 10:45 Եթե հիշենք, թե ինչեր էին խոսվում «թավշյա» օրերին ու «թավշյա» հարթակներից նախորդ տարվա ապրիլ-մայիսին, ապա կարող ենք ասել, որ այժմ ունենք հակահեղափոխական իշխանություն:
Ինչ էր նշանակում Պուտինի ուշացած շնորհավորանքը Փաշինյանին

Ինչ էր նշանակում Պուտինի ուշացած շնորհավորանքը Փաշինյանին

Հունվար 14, 2019 17:05 Փաշինյանին հաջողվեց կարճ ժամանակահատվածում նախադեպը չունեցող խնդիրներ ստեղծել հայ-ռուսական հարաբերություններում:
Խաշը, բողկը և Փաշինյանի նյարդային արձագանքը (տեսանյութ)

Խաշը, բողկը և Փաշինյանի նյարդային արձագանքը (տեսանյութ)

Հունվար 14, 2019 16:02 Բա էն վախտ խի՞ չէիք բան ասում, որ սերժենց խաշ ուտելու կամ քեֆերի մասին էին գրում թերթերը, այդ թվում՝ «Հայկական ժամանակը»:
Խորհրդարանական կրկեսը մեկնարկեց (տեսանյութ)

Խորհրդարանական կրկեսը մեկնարկեց (տեսանյութ)

Հունվար 14, 2019 12:30 «Դուխով» Փաշինյանի, օրենսդիր-սեփականատեր Ծառուկյանի ու «կլասիկ» Մարուքյանի ղեկավարած ուժերից ձևավորված խորհրդարանից այլ բան չէր էլ կարող սպասվել:
«Շվոնդերն»՝ ընդդեմ «Լենինի ախռանիկի» (տեսանյութ)

«Շվոնդերն»՝ ընդդեմ «Լենինի ախռանիկի» (տեսանյութ)

Հունվար 14, 2019 10:35 Արևմտյան ֆինանսավորմամբ հայաստանյան կառույցներն, իրոք, աջակցել ու շարունակում են աջակցել Փաշինյանին, բայց դա չի խանգարում ամերիկացիներին «փչացնել» Փաշինյանին:
Ինչո՞ւ է Փաշինյանը թաքցնում Ալիևի հետ բանակցությունների փաստը (տեսանյութ)

Ինչո՞ւ է Փաշինյանը թաքցնում Ալիևի հետ բանակցությունների փաստը (տեսանյութ)

Հունվար 13, 2019 10:25 Նիկոլ Փաշինյանը զոհ գնաց տարիներ շարունակ Արցախի հետ կապված տեղեկատվական դաշտում շրջանառվող կեղծ թեզերին:
Խորհրդարանի նոր դեմքերը. աներձագ, զարմիկ, խնամի, ծանոթ, բարեկամ և վարորդ (տեսանյութ)

Խորհրդարանի նոր դեմքերը. աներձագ, զարմիկ, խնամի, ծանոթ, բարեկամ և վարորդ (տեսանյութ)

Հունվար 11, 2019 16:45 Ժողովրդական զարմիկը, «թավշյա» աներձագը և ոչ բռնի թիկնապահը: Ահա այսպիսի տեսք ունի «թավշյա» խորհրդարանը:
Ովքեր և ինչ խորհուրդ են տալիս Նիկոլ Փաշինյանին (տեսանյութ)

Ովքեր և ինչ խորհուրդ են տալիս Նիկոլ Փաշինյանին (տեսանյութ)

Հունվար 11, 2019 10:10 Հետաքրքիր կլիներ տարվա ամփոփագրերում տեսնել, թե որքանով է 2018-ին ավելացել ոչխարների գլխաքանակը 2017-ի համեմատ:
Տիգրան Ավինյանն ընդունե՞լ է, որ Նիկոլ Փաշինյանը սխալվել է (տեսանյութ)

Տիգրան Ավինյանն ընդունե՞լ է, որ Նիկոլ Փաշինյանը սխալվել է (տեսանյութ)

Հունվար 10, 2019 13:20 Տիգրան Ավինյանն, ի դեմս իր ապագա խորհրդականի, փաստացի փոխվարչապետ աշխատող է փնտրում, այն էլ՝ «նախորդ հանցավոր ռեժիմը» ներկայացնողների շրջանակից:
Կադրերը ոչինչ չեն որոշում

Կադրերը ոչինչ չեն որոշում

Հունվար 10, 2019 11:25 Կառավարության ձևավորումից հետո մենք ունենալու ենք ոչ թե նոր Հայաստանի առաջին իշխանությունը, այլ հին Հայաստանի վերջին իշխանությունը:
Ինչու է Հայաստանում էժանացել բենզինը, և ինչ կապ ունի դրա հետ Փաշինյանի կառավարությունը (տեսանյութ)

Ինչու է Հայաստանում էժանացել բենզինը, և ինչ կապ ունի դրա հետ Փաշինյանի կառավարությունը (տեսանյութ)

Հունվար 09, 2019 11:25 Բենզինն ու բանանն էժանացել են բոլ-բո՛լ, Շնորհակալությո՛ւն քեզ, Փաշինյա՛ն Նիկոլ:
Փաշինյանի որոշակի խոստումներն ու սպառողի անորոշ ապագան (տեսանյութ)

Փաշինյանի որոշակի խոստումներն ու սպառողի անորոշ ապագան (տեսանյութ)

Հունվար 08, 2019 13:10 Իշխանությունն այժմ փողոցից պետք է տեղափոխվի կաբինետ ու աշխատի: Եկել է հայտարարություններին ու խոստումներին տեր կանգնելու ժամանակը:

Գործ N° մարտի 1 (տեսանյութ)

Հունվար 19, 2019 21:27